1-mavzu. Ms word dasturi imkoniyatlari

10.mavzu: Funksiya argument oynasi. Mantiqiy funksiya.
Excelning shart (IF, ЕСЛИ), “va” (AND, И) hamda “yoki” (OR, ИЛИ) kabi mantiqiy funksiyalarini qanday ishlatishni o’rganing.
Shart (If, Если) funksiyasi
ЕСЛИ (IF) funksiyasi biror shart bajarilishini tekshiradi, va agar rost (TRUE, ИСТИНА) bo’lsa bir qiymatni va agar yolg’on (FALSE, ЛОЖЬ) bo’lsa boshqa bir qiymatni qaytaradi.
C1 katakni tanlang, va quyidagi funksiyani kiriting.
=IF(A1>10,”To’g’ri”,”Noto’g’ri”) yoki
=если(A1>10,”To’g’ri”,”Noto’g’ri”)

ЕСЛИ (IF) funksiyasi “To’g’ri” qaytaradi chunki A1 katakdagi qiymat 10 dan kattaroq.
“VA” (And, И ) Funksiyasi
И (AND) funksiyasi agar barcha shartlar rost bo’lsa, rost (TRUE, ИСТИНА) qiymat qaytaradi, va agar shartlardan ihtiyoriy bittasi yolg’on bo’lsa, yolg’on (FALSE, ЛОЖЬ) qaytaradi.
D1 katakni tanlang va quyidagi formulani kiriting.
=IF(AND(A1>10,B1>5),”To’g’ri”,”Noto’g’ri”) yoki
=ЕСЛИ(И(A1>10,B1>5),”To’g’ri”,”Noto’g’ri”)

И (AND) funksiyasi yolg’on (FALSE, ЛОЖЬ) qaytaradi chunki B1 katakdagi qiymat 5 dan kata emas. Natijada ЕСЛИ (IF) funksiyasi “Noto’g’ri” qaytaradi.
“Yoki” (Or, Или) Funksiyasi
ИЛИ (OR) funksiyasi agar shartlardan ihtiyoriy bittasi rost (TRUE, ИСТИНА) bo’lsa, rost (TRUE, ИСТИНА) qaytaradi va barcha shartlar yolg’on bo’lsa, yolg’on (FALSE, ЛОЖЬ) qaytaradi.
E1 katakni tanlang va quyidagi formulani kiriting.
=IF(OR(A1>10,B1>5),”To’g’ri”,”Noto’g’ri”) yoki
= ЕСЛИ(ИЛИ(A1>10,B1>5),”To’g’ri”,”Noto’g’ri”)

ИЛИ (OR) funksiyasi rost (TRUE, ИСТИНА) qaytaradi, chunki A1 katakdagi qiymat 10 dan kattaroq. Natijada ЕСЛИ (IF) funksiyasi “To’g’ri” qaytaradi.
Umumiy izoh: И (AND) va ИЛИ (OR) funksiyalari 255 tagacha shartlarni tekshira oladi.

11-mavzu: Formulalar tasmasidan foydalanish. Formulani tahrirlash

Siz bir katakni tanlaganingizda, Excel o’sha katakning qiymati yoki formulasini formulalar qatorida ko’rsatadi.

1. Formulani tahrirlash uchun, formulalar qatoriga bosing va formulani o’zgartiring.

2. Enter tugmasini bosing.
Amallar tartibi
Excel odatdagi standart tartib bo’yicha hisob-kitoblarni amalga oshiradi. Agar formulaning biror qismi qavs ichida bo’lsa, o’sha qism avval hisoblanadi. Keyin ko’paytirish va bo’lish amallarini bajaradi. Ular tugagandan so’ng, formuladagi qo’shish va ayirishni bajaradi. Quyidagi misolga qarang.

Dastlab, Excel ko’paytirishni bajaradi (A1 * A2). Keyin, A3 ning qiymatini chiqqan natijaga qo’shadi.
Boshqa bir misol:

Excel avval, qavs ichidagilarni hisoblaydi. Keyin, chiqqan natijani A1 katakning qiymatiga ko’paytiradi.