1-Мавзу: Замонавий корпоратив маданият тушунчаси, моҳияти ва мазмуни (2 соат)

2-Мавзу: Ривожланган мамлкатларнинг корпоратив маданияти ва этикаси
(4 соат)
2.1. Корпоратив маданият турларининг ўзига хос хусусиятлари.
2.2. Ишбилармонлик этикасининг ўрни ва унинг тузилмаси.
2.3. Ишбилармонлик этикаси ва бошқариш қарорлари.
2.4. Ишбилармонлик этикаси ва замонавий бошқарув.
2.5. Халқаро миқёсдаги бизнес этикаси.
2.6. Этика нормативларини ишлаб чиқиш.
Қўлланиладиган педагогик технологиялар: маъруза-визуализация, блиц-сўров, йўналтирувчи саволлар, «пинборд» техникаси.


Ишбилармонлик этикасининг ўрни ва унинг тузилмаси.
Ишбилармонлик этикаси – тадбиркорлик фаолияти соҳасида банд бўлган одамларнинг юриш-туриш принциплари мажмуисидир.
Ундаги биринчи ва энг муҳим қадрияти ишбилармонлик муомаласида тўғрилик ва виждонлилик. Бизнесда тўғриликка бўлган талаб унинг табиатидан келиб чиқади. Фирибгарлик нормал иқтисодий жараён учун асос бўлиб хизмат қила олмайди. Охир оқибат ёлғон ва сохталикни ишлатувчилар, ютишдан кўра кўпроқ йўқотадилар.
Ростгўйлик ва виждонийлиликсиз тадбиркорлар ўртасидаги муносабатни тасаввур қилиб бўлмайди. Ғарбнинг хом-ашё ва фонд биржаларида ҳар куни гувоҳларсиз оғзаки келишув асосида нефтнинг миллионлаб тонналари, ўнлаб миллион акциялар сотилади ва сотиб олинади. Маҳсулотларга бўлган кўплаб шартномалар ҳам узоқ вақт мобайнида расмийлаштирилмайди.
Ишбилармонлик муносабатлар учун хушмуомалалик ва одоблилик ҳам зарур. Бу сифатларнинг мавжудлилиги ҳар қандай вазиятда шерикни унинг биоижтимоий характеристикаси бўлмиш жинси, ёши, миллати, фел-атвори, одат ва бошқа томонларини ҳисобга олган ҳолда мақсади бор шахс сифатида англашни билдиради, бундан ташқари муносабатлардаги хушмуомалалик, одоблилик ва зукколик ҳамкасбларнинг шахсиятини эҳтиёт қилишни билдиради. Айниқса бу хорижий ишбилармонлар билан муносабатда жуда ҳам қадрланади. Хорижий фирмаларнинг вакиллари учрашганда, ҳеч бир вазиятда биринчи таассуротлардан хорижий ҳамкасбга нисбатан хурматсизлик ҳисси туғилмаслиги керак.