1-ámeliy jumıs Jeke kompyuterge os nı ornatıw. Jumıstıń maqseti

1-ámeliy jumıs
Jeke kompyuterge OS nı ornatıw.
Jumıstıń maqseti: Win OS nı tayarlaw hám ornatıw procesin úyreniw.

Búgin biz óz kompyuterimizge Windows OS ınıng 8. 1 versiyasın ornatıwdı kórip shıǵamız. Bul usıl Windows dıń 7, 8, 8. 1 hám 10 versiyaları ushın birdey esaplanadı. Sonday eken, basladık. Onıń ushın bizge Windows OS ın ornatıwshı paketi disk yamasa fleshka kerek boladı. Eger bular joq bolsa ózimiz ornatıwshı paketti fleshkaǵa jazamız hám bul arqalı óz kompyuterimizge Windows OS nı ornatamız. Bunda bizge Windows ornatıwshı paketi (.iso keńeytpesinde boladı) hám rufus programması kerek boladı. Windows OS ınıń ornatıwshı paketin biz Microsoft dıń microsoft.com saytınan yamasa ózimiz bilgen basqa programmalar saytınan kóshirip alıwımız múmkin.

ESLETPE!!! Windows OS ınıń ornatılıwshı paketi hesh qashan fleshkaǵa nusqalaw menen jazılmaydı egerde siz onı úyińizge yamasa qandayda jayǵa alıp barıp saqlap qoyıw ushın jazbay atırǵan bolsańız.

1. Windows OS nıń ornatıwshı paketi; 2. Rufus dástúri

Fleshkanı kompyuterge jalǵaymız hám rufus programmasın iske túsiremiz. Keyin rufus programmasınıń tómendegi bólimleri haqqında túsinikke iye bolamız:
1. Jalǵanǵan fleshkamız atı hám kólemin kórsetedi (Windwos OS ınıń 7, 8, 8. 1 hám 10 versiyaları paketin fleshkaǵa jazıw ushın bizge fleshkanıń kólemi 8 Gb den kem bolmaǵanı kerek boladı);
2. Qanday túrdegi sxema hám interfeys arqalı Windows OS ın kompyuterge jazıw túrin belgilenetuǵın bólim (bizge tiykarǵısı qanday sxema hám interfeysten paydalanıwdı bilip alsaq jetkilikli). Windows OS ın ornatıw ushın biz MBR sxeması hám BIOS yamasa UEFI-CSM interfeysinen paydalanamız;
3. Fayl sisteması yaǵnıy biz fleshkaǵa Windows OS paketin jazılǵanda qanday usılda jazılıw kerekligin belgileymiz. Bul fayl sisteması Windows ushın NTFS boladı;
4. Klaster ólshemi yamasa kólemi — bul da standart Windows OS ın ornatıw ushın 4096 bayt boladı;
5. Fleshkamızdıń Windows OS ın ornatıwshı paketi jazılǵannan keyingi atı qanday bolıwı jazıladı;
6. Bul jerde formatlaw sazlamaları keltirilgen.
ESLETPE!!! Joqarıdaǵı barlıq parametrler siz Windows dıń ornatıwshı paketin tańlaǵan waqıtıńız avtomatikalıq sazlanadı hám ondaǵı hesh nárseni ózgertiw usınıs etilmeydi.

Súwretde kórsetilgen túymeni basamız.

Bizde tómendegishe ayna ashıladı hám biz aldınan kóshirip alǵan Windows OS nıń ornatıwshı paketin tańlaymiz.

Mine biziń parametrlerimiz avtomatikalıq sazlandı. Endi biz «Start» túymesin basamız.

Bizde «fleshkamizda qandayda maǵlıwmat bolsa ol óship ketiwi» haqqında eskertiwshi ayna ashıladı. Álbette biz eger fleshkamızda kerekli maǵlıwmat bolmasa «OK» túymesin basamız.

Bizde tómendegishe «Gotov» jazıwı shıqqanda Windows OS ınıń ornatıwshı paketi jazılǵan boladı.
Mine endi bizde Windows OS ın ornatıwshı paketi jazılǵan fleshkamiz bar. Endigi náwbette etetuǵın jumısımız bul BIOS tı sazlaw. Sonday eken, siz menen BIOS haqqında soylesemiz.
“BIOS” termini IBM firması tárepinen kompyuter menen uqsas bolǵan apparatlarǵa salıstırǵanda qollanıladı. Basqa firmalar tárepinen islep shıǵarılǵan kompyuter apparatlarında “PROM” yamasa “Boot” terminleri qollanıladı.
Egerde siz satıp alǵan notebook yamasa kompyuterińizde Windows belgisi bolsa, siz qorıqpay “BIOS” terminin qollasańız boladı.
«BIOS» — bul hár bir kompyuter yamasa notebooktıń sistema astı sisteması bolıp tabıladı. Yaǵnıy, siz kompyuterińizge qandayda bir Windows (XP, 7, 8, 10) ornatpaǵan bolsańız da sizdiń kompyuter/notebookińizde OS bar. Tek onıń wazıypasına súwret/video kóriw, qosıq esitiwdi támiyinlew emes, paydalanıwshı OS nı ornatıwın támiyinlep turıw bolıp tabıladı.
“BIOS” kompyuterdiń turaqlı yadına ornatılmaydı, sol sebepli OS ńız óship ketse de BIOS hesh óshpeydi.
BIOS qa kiriw qıyın emes, onıń ushın kompyuterińizdi qosańız (yamasa qayta iske túsiresiz) hám monitor súwret uzatıwı menen tómendegi túymelerdi basasız: F2+Delete túymelerin birgelikte qayta hám qayta basasız - bul derlik barlıq kompyuterler ushın BIOS qa kiriwdi támiyinleytuǵın túymeler kombinaciyası esaplanadı.
Lekin, notebooklerde bul másele azmaz shálkeslew. Notebooklardı óndiriwshi firmalar ádetde ózleriniń BIOS qa kiriw kombinaciyaların kiritedi. Notebooklarında BIOSqa kiriw tómendegi tártiplerde ámelge asırıladı:
• F2 - ádetde Acer, Asus, Fujitsu-Siemens, Panasonic, Samsung, Sony, Toshiba, Dell hám Lenovo notebookları ushın;
• F2+delete — eger joqarıdaǵı járdem bermese Acer, Asus, Fujitsu-Siemens, Panasonic, Samsung, Sony, Toshiba, Dell hám Lenovo notebookları ushın;
• F2+Fn — eger ol da járdem bermese Acer, Asus, Fujitsu-Siemens, Panasonic, Samsung, Sony, Toshiba, Dell hám Lenovo notebookları ushın;
• Esc - ayırım Toshiba notebooklarında F2 ni ornına qollanıladı;
• F10 - Hewlett Packard (HP) notebooklarında, hám de ayrim Dell notebooklarında qollanıladı;
• F1 - Lenovo/IBM notebooklarında qollanılıwı múmkin;
• Egerde sizde siyrek ushırasatuǵın túrdegi notebook bolsa, ol jaǵdayda tómendegi kombinaciyalardan birin qollap kóriń: Ctrl+Alt+Esc, Ctrl+Alt+S, Ctrl+Alt+Del, Ctrl+Alt+Ins, Ctrl+Alt+Enter, Fn+F1, Ctrl+Ins.

BIOS ádetde kók reńli boladı.

Házirgi kúnde zamanagóy kórinistegi BIOS lar da keń tarqalıp atır.
Windows ornatılǵan diskovod yamasa fleshkanı iske túsiriw ushın BIOS qa kiriledi hám ondan BOOT bólegi tabıladı.

Onda ózimge kerekli disk/fleshkanı 1-orınǵa qóyamız.
1-orınǵa qoyıw hár bir BIOS sistemasında onıń jańa eskiligi, islep shıǵarǵan firmasına qaray túrlishe ámelge asırıladı. Atap aytqanda, eski túrdegi BIOS larda siz 1-orında apparat atına basasız, ol sizge apparatlar dizimin kórsetedi, siz usılardan ózińizge keregin birinshi orınǵa qoyasız, birinshi orında turǵanı bolsa saylanǵan apparattıń ornın iyeleydi.
Jańalaw túrdegi BIOS larda bolsa bul ámeliyat F5 hám F6 túymeleri (yamasa basqa F túymelerde) ámelge asırıladı. Yaǵnıy, siz ózińizge kerekli disk/fleshka atın belgileysiz yamasa F5 (tómen) yamasa F6 (tóbe) túymelerin basqan halda rejimin ózgertiresiz.
Basqa túrdegi BIOS larda (“POST” yamasa “Boot”) bul basqasha tárzde ámelge asırılıwı múmkin (F1 hám F2; “+” hám “-”).
Biz BIOS tı sazlamasın sazladıq endi fleshkanı kompyuterge jalǵaymız hám kompyuterdi qosamız. Qara ekranımız shıǵıwı menen qálegen klaviatura túymelerinen biri bir neshe márte basamız.

Bizde Windows tı qaysı tilde ornatıw haqqında soraw shıǵadı. Sonı tańlap keyin «Next» túymesin basamız.

Bul aynada «Install» now túymesin basamız.

Keyin biz «Лицензионное соглашение» ni qabıl qılaman dep galoshkanı belgileymiz hám «Next» túymesin basamız.

Bul jerde Windows tı ornatıw boyınsha túrin tańlaymız. Bizge basınan ornatıw kerekligi sababli biz «Выборочная» nı tańlaymız.

Windows OS ornatatuǵın jayın tańlaymız hám «Далее» túymesin basamız.

Keyin bizde Windows OS nı ornatıw procesi baslanadı.

Ornatıw tamamlanǵannan keyin bizge kompyuterimizdiń atın kiritiwimiz talap etiledi hám ózimiz qálegen fon reńin tańlawımız múmkin.

«Использовать стандартные параметры» tańlaymız.

Paydalanıwshı atı, parol hám parol ushın gilt sóz kiritemiz.

Windows OS onıń sazlamaları tamamlanıwın kútemiz.

Sazlamalar tamamlanǵannan keyin bizde tómendegishe jazıw payda boladı.