1. Milliy tiklanishdan – milliy yuksalish sari

6.O‘zbekiston Respublikasining xalqaro ruyting va indekslarda o‘rnini yaxshilashga oid chora tadbirlar.

Xususan, davlatimiz rahbarining 2019 yil 25 fevraldagi “O'zbekiston Respublikasining xalqaro reytinglar va indekslardagi o'rnini yaxshilash chor-tadbirlari to'g'risida”gi qarori, shuningdek 2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha Harakatlar strategiyasini amalga oshirish doirasida mamlakatimizning xalqaro maydondagi ijobiy obro'sini shakllantirish, O'zbekiston Respublikasining xalqaro reytinglardagi o'rnini xolis va haqqoniy baholashni ta'minlash bo'yicha aniq maqsadga yo'naltirilgan ishlar buning isbotidir. Biroq mamlakatimizning xalqaro ko'rsatkichlarini yaxshilashga bu tadbirlarning o'zi yetarli hisoblanmaydi. Bunda sohadagi islohotlar ko'lami va samaradorligiga jiddiy ta'sir qilayotgan huquqiy omillarning ham hissasi yuqoridir. Shu munosabat bilan joriy yilning 19 may sanasida davlatimiz rahbarining “Davlat huquqiy siyosatini amalga oshirishda adliya organlari va muassasalari faoliyatini yanada takomillashtirish chora-tadbirlari to'g'risida”gi farmoni bu boradagi ishlar tendentsiyasiga yangi joziba baxsh etdi.

Ushbu farmon bilan O'zbekiston Respublikasi Adliya vazirligiga bir qator maqsadli vazifalar yuklatildi. Mazkur vazifalardan eng asosiysi sanalgan xalqaro reyting va indekslarda O'zbekiston Respublikasi o'rnining yaxshilanishiga to'sqinlik qilayotgan huquqiy omillar yuzasidan fundamental huquqiy tadqiqotlar o'tkazilishini ta'minlash masalasi esa, yuqorida qayd etilgan ustuvor maqsadlar uchun yo'l xaritasi sifatida maydonga chiqadi.