16705 Bankning boshqa mulklari
Hisobvaraqning ta’rifi: sotishga mo‘ljallangan, bank faoliyatida va/yoki mulkka qilingan investitsiya sifatida foydalanilmaydigan boshqa mulklari hisobga olinadi.
Hisobvaraqning debetida ushbu hisobvaraqqa o‘tkazilgan, bank faoliyatida va/yoki mulkka qilingan investitsiya sifatida foydalanilmaydigan mulkning sof balans qiymati va haqiqiy qiymatidan, sotish xarajatlar summasidan tashqari qaysi biri past bo‘lsa, o‘sha qiymati aks ettiriladi.
Hisobvaraqning kreditida sotilgan, dispozitsiya qilingan va/yoki qayta tasniflangan mulklarning qiymati aks ettiriladi.
Tahliliy hisob mulklarning har bir turi bo‘yicha alohida shaxsiy hisobvaraqlarda olib boriladi.
16707 Bo‘lib-bo‘lib to‘lash sharti bilan sotilgan bankning boshqa mulklari
Hisobvaraqning ta’rifi: bo‘lib-bo‘lib to‘lanadigan bank boshqa xususiy mulkining hisobi.
Hisobvaraqning debetida 16701 — “Kredit va lizing bo‘yicha garov hisobidan undirilgan mulk”, 16703 — “Kredit va lizing bo‘yicha undirilgan tugatilayotgan bankrot korxonalar mulki”, 16705 — “Bankning boshqa mulklari” hisobvaraqlaridan o‘tkazilgan mulkning qiymati aks ettiriladi.
Hisobvaraqning kreditida bank boshqa xususiy mulkining to‘langan qiymati aks ettiriladi.
Tahliliy hisob har bir obyekt (mulk) bo‘yicha alohida shaxsiy hisobvaraqlarda olib boriladi.
16709 Ko‘chmas mulkka qilingan investitsiya
Hisobvaraqning ta’rifi: bank faoliyatida foydalanilmaydigan, ijara daromadlari olish va kapital o‘sishi uchun yoki har ikki maqsad uchun ham mo‘ljallangan ko‘chmas mulklari hisobga olinadi.
Hisobvaraqning debetida ko‘chmas mulkka qilingan investitsiya qiymati aks ettiriladi.
Hisobvaraqning kreditida hisobdan chiqarilgan ko‘chmas mulkka qilingan investitsiya qiymati aks ettiriladi.
Tahliliy hisob mulkning har bir turi bo‘yicha alohida shaxsiy hisobvaraqlarda olib boriladi.
16713 Yig‘ilgan eskirish summasi — Ko‘chmas mulkka qilingan investitsiyaning (kontr-aktiv)
Hisobvaraqning ta’rifi: ko‘chmas mulkka qilingan bank investitsiyalarining eskirish summasi hisobga olinadi.
Hisobvaraqning debetida ko‘chmas mulkka qilingan investitsiyalar bo‘yicha baholangan eskirish summasi aks ettiriladi.
Hisobvaraqning kreditida sotilayotgan yokiva boshqa yo‘l bilan hisobdan chiqarilayotgan ko‘chmas mulkka qilingan investitsiyalarning eskirish qiymati aks ettiriladi.
Tahliliy hisob ko‘chmas mulkka qilingan har bir investitsiya obyekti bo‘yicha alohida shaxsiy hisobvaraqlarda olib boriladi.
Do'stlaringiz bilan baham: |
