1. Pedagogikalıq texnika haqqında maǵliwmat. Pedagogikalıq texnikanıń qásiyetleri

2. Pedagogikalıq texnikanıń qásiyetleri. Pedagogikaliq texnikaniń zárúr qásiyetlerden biri oqitiwshiniń oqiwshilar menen qarim-qatnasi procesinde qáliplesetuǵin kásiplik texnika kónlikpe menen tájiriybeler. Bunda pedagogikaliq texnikaniń kónlikpe hám tájiriybeleri oqitiwshiniń pedagogikaliq sheberligi menen baylanista qáliplesip baradi.
Rawajlanǵan pedagogikaliq texnika qásiyetlerin oqitiwshiǵa oqiwshilar menen qarim-qatnas procesinde zárúr sóz hám gáp sesi, qaras, imo-ishorani tez hám aniq tabiw, kútilmegen pedagogikaliq halatlarda basiqliq hám arqayinliq, aniq pikir júritiw, halatti tez analiz etiw siyaqli qábiletlerdi kórsete aliw menen ańlatiladi. Pedagogikaliq texnikaniń usi ózgeshelikleri oqitiwshi kásiplik sheberliginde aniq ańlatilǵan individual jeke forma aladi, yaǵniy oqitiwshiniń psixologiyaliq-fiziologiyaliq qásiyetleri tiykarinda oniń jeke pedagogikaliq texnikasin quraydi.
Individual pedagogikaliq texnikaniń qáliplesiwi oqitiwshiniń jasi, jinisi, minez-qulqi, salamatliǵi, anatomiyaliq-fiziologiyaliq ózgesheliklerine baylanisli. Oqitiwshilarda individual jeke pedagogikaliq texnika tájiriybelerin qáliplestiriw mashqalalari, ayriqsha, psixolog alimlardiń izertlewleri orayinan orin alǵan. Psixolog alimlar R.Z.Gaynutdinov, M.G.Davletshin, s.Jalilova, M.Abdullajonova siyaqli oqitiwshilardiń individual kásiplik iskerligin toliq úyrenip, oqitiwshiniń jeke «Miynet professiogrammasi» islep shiqdi. Alimlardiń pikirlerine kóre oqitiwshi professiogrammasi oqitiwshilarǵa qoyilatuǵin arnawli talaplardi óz ishine aladi hámde hár bir pán oqitiwshisiniń ayriqsha qánigelestirilgen xarakteristikasin belgilep beredi. Atap aytqanda, olar tálim mekemelerinde pedagogikaliq iskerlik belgilep beredi. «Pedagogikaliq texnika» tájiriybeleri sáwlelengen boliwin aytip ótedi:
1) Oqitiwshiniń jeke paziyletleri. Balalardi jaqsi kóriwi, kemtarliq, miynetsúygishlik.
2)Kásibine tán bilimleri: tálim hám tárbiya procesin mazmunin biliwi, pedagogikaliq hám psixologiyaliq bilim tiykarlarin iyelewi, oqiwshilardiń jas ózgesheliklerine tiykar psixologiyaliq imkaniyatlarin ańlawi, tárbiyaliq tásir etiwdiń nátiyjeli usillarinan aqilana paydalana aliwi, ata-analar hám jámáátshilik penen alip bariltuǵin iskerlik mazmunin puxta biliwi.
3)Kásibine tán hislatlari: milliy ideologiya, uliwmainsaniy qadriyatlar, milliy dástúr hám úrip-ádetleriniń negizgi mánisin túsiniw, gúzetiwsheńlik, pedagogikaliq qábiletge iyeligi, ózin qolǵa aliwi, ózin ańlay aliwi, pedagogikaliq takt, sóylew mádeniyati.
4)Jeke pedagogikaliq uqipliliǵi: sabaq barisinda zárúr máteriallardi tańlay aliwi, oqiwshilardiń biliw iskerligin basqariwi, tálim-tárbiya procesin keleshekke rejelestiriw, oqiwshilar jámáátin basqara aliwi.
5)Shólkemlestiriw tájiriybeleri: oqiwshilar jámáátin birlestire aliwi, túrli qarama-qarsiliqli halatlarda hám oqiwshilar jámáátin basqariwi, ámeliy mashqalalardi sheshiwde uqipliliǵin kórsete aliwi.
6)Kommunikativ tájiriybeleri: oqiwshilardi ózine qaratiwdi biliwi, oqiwshilar hám ata-analar menen maqsetge muwapiq pedagogikaliq baylanislarin shólkemlestiriwi, oqiwshilardiń jámáátinde óz-ara baylanislarin bir qiyli turaqliliqti tártipge saliwi.
7)Gnostik tájiriybeler: oqiwshilardiń nerv psixikaliq halati dárejesin aniqlay aliwi, óz pedagogikaliq iskerligi nátiyjelerin kritikaliq analiz ete aliwi, ustaz oqiwshilar sheberligin teoriyaliq hám ámeliy tárepten úyrenip bariwi, psixologiyaliq hám pedagogikaliq ádebiyatlardan tuwri paydalana biliwi, oqiwshilar minez-qulqin jetik úyreniwi.
8)Dóretiwshilik hislatlar: óz pedagogikaliq sheberligin hardayim jetilistirip bariwi, oqiwshilardi tárbiyalawda óz dástúrlerin islep shiǵiwi hám tabisli ámelge asiriwi, oqiwshilar qarasi menen haqiyqatliqti analiz etiw qábileti, oqiwshilarǵa pedagogikaliq tásiri nátiyjelerin aldinnan kóre aliwǵa talpiniw.