1. Rezbalar, ularning turlari,belgilanishi va ishlatilishi Ajraluvchi va ajralmas birikmalarxaqida umumiy ma’lumot. 3Kavsharlash va pyvandlash

Shaybalar (O‘zDSt 11371:2003). Shaybani gayka, vint yoki bolt kallagi ostiga qo‘yiladi va ularning teshigida rezbasi bo‘lmaydi (11.17-rasm, a). Ular biriktiruvchi va biriktiriluvchi detallarning yuzalarini buzilishdan saqlaydi hamda ularga ta’sir qiladigan zo‘riqishni bir me’yorda uzatish va tarqatish uchun xizmat qiladi. Shaybalar xomaki va toza turlarga bo‘linadi. Toza shaybalar bolg‘alangan po‘latdan stanokda tayyorlanadi hamda ularning o‘rtasi va tashqi sirtida faskalari bo‘ladi. Xomaki shaybalar asosan list po‘latdan qirqib tayyorlanadi va barabanda tozalanadi hamda ularga stanokda ishlov berilmaydi. Toza va xomaki shaybalardan tashqari, yana zarb, tebranish yoki silkinishlar ta'sirida gaykalar o‘z-o‘zidan buralib ketishidan saqlash uchun prujina (O‘zDSt 6402:2003) shaybalar ishlatiladi (11.17- rasm, b).

11.17-rasm

Shaybalarning o‘lchamlari standartlashtirilgan. Lekin ularni bolt yoki shpilkaning rezbasi nominal diametri d ga nisbatan taxminiy o‘lchamlarda chizish mumkin.

Teshikning diametri do =1,1 d, tashqi diametri do = 2,2d, qalinligi s = 0,15d va faskasi c = 0,25d ga teng qilib olinadi.
1-bajarilishdagi teshik diametri 14 mm., 0,8 kp. markali po‘latdan tayyorlangan qoplamasi qalinligi 6 mkm bo‘lgan shaybaning shartli belgilanishiga misol: Shayba 14.01.08 kp.016 O‘zDSt 11371:2003.
1 -bajarilishdagi teshik diametri 10 mm., 65G markali po‘latdan tayyorlangan,
qoplama qalinligi 6 mkm, prujina shaybaning shartli belgilanishiga misol: Shayba 10.65G.025 O‘zDSt 6402:2003.
10% va 12% qiyalikdagi balka (shveller va qo‘shtavr) laming qiyaliklarini to‘g‘rilashda gaykalar yoki bolt kallaklari ostiga qo‘yish uchun qiyshiq (bir tomoni) yuzali (O‘zDSt 10906:2003) shaybalar ishlatiladi (11.17-rasm, c ).
Teshik diametri 20 mm., St po‘latdan tayyorlangan, qoplama qalinligi 9 mkm bo‘lgan qiyshiq shaybaning shartli belgilanishiga misol: Shayba 20.02. St 3.019 O‘zDSt 10906:2003.
Sharnirli birikmalarning barmoqlari uchun tez sug‘urib olinadigan tirak (O‘zDSt 11648:2003) shaybalar ishlatiladi (11.17-rasm, d). Bunda shaybalar diametri 2 mm dan 20 mm gacha 65 G markadagi sifatli konstruksion po‘latdan yoki BrKMts 3-1 qalaysiz bronzadan qoplamali va qoplamasiz qilib tayyorlanadi.
Ichki diametri d = 9 mm., BrKMts 3-1 markali bronzadan tayyorlangan 07 qoplama qalinligi 6 mkm. bo‘lgan tirakli shaybaning shartli belgilanishiga misol: Shayba 9 Br KMts 3-1.076 O‘zDSt 11648:2003.
Olti qirrali gayka va boltlarni stoporlash uchun panjali stoporlash shaybalari ishlatiladi (11.17-rasm, f h). Bunday shaybalar A sinf aniqlikdagi, diametrlari 3 mm. dan 48 mm. gacha bo‘lgan biriktirish detallari uchun ishlab chiqariladi.
Shplintlar: (O‘zDSt 397:2003). Shplintlar po‘lat sim bo‘laklaridan ikkiga bukib tayyorlanadi (11.18-rasm, a). Ular gaykalarning o‘z-o‘zidan buralib ketishining oldini olish uchun ishlatiladi.
Shplintlar tojsimon yoki o‘yiqli gaykalarning o‘yig‘i va bolt yoki shpilka teshiklari orqali o‘tkazilib, uchlari ikki tomonga qayirib qo‘yiladi. Shplintning asosiy o‘lchamlari - shartli diametri d va uzunligi l, shartli diametri d = 8 mm., uzunligi 32 mm. bo‘lgan shplintning shartli belgilanishiga misol: Shplint 8x32 O‘zDSt 397:2003.
Shtiftlar. Shti^lar silindrik (O‘zDSt 3128-70), konussimon (O‘zDSt 3129:2003) va fasonli (O‘zDSt 10773:2003) bo‘lib, diametri 0,6 mm.dan 50 mmgacha 45 markali po‘latdan, qoplamasiz tayyorlanadi (11.18-rasm, b). Shtiftlar ham saqlovchi vazifasini bajaradi. Ularning konstruksiyasi va o‘lchamlari standartlashtirilgan.

11.18-rasm