1. Умумий маълумотлар

2. Интеграл чизмалар ва уларни турлари.
Замонавий электрониканинг асосий таркибий қисмини интеграл чизмалар ташкил қилади. Улар яратилгандан кейин автоматика, алоқа воситалари (уяли телефонлар), янги ясси экранли телевидиниялар кескин ривожланиб кетди. Интеграл чизмаларни икки хил тури кенг қўлланилади.
а) тури. Аналогли ИМС лар.
б) тури. Рақамли ИМС лар.
а) Аналогли интеграл чизмалар. Замонавий мураккаб электрон қурилмаларга ўрнатилади. Уларни тайёрлаш техналогияси жуда мураккаб, бажариладиган ишлар жуда қийинчилик билан амалга оширилади. Аналогли интеграл чизмалар ўзгармас ва ўзгарувчан электр сигналларни кучайтириш учун ишлатилади. Махсус интеграл техналогиялар йўли орқали кучайтиргичлар мураккаб илмий асосда тайёрланади. Уларни таркибий қисми, ўта ҳажми кичик бўлган элементлар транзистор, диод ва резисторлар ташкил этади, бир жинсли ярим ўтказгич кристалига P-N ўтказувчилик хоссаларини ҳисобга олиб яратилади. Бу ишлар махсус станоклар ёрдамида автоматик бажарилади. Ярим ўтказгичли интеграл микрочизмалар ўзининг қулайлиги, ишончлилиги, ҳажми жуда кичиклиги, юқори самарадорлиги, энергияни жуда кам истеъмол қилиш билан, электрон чизмалар ичида ажралиб туради. Интеграл кучайтиргич чизмаси пастдаги 1-расмда кўрсатилган.

1-расм.
Энг кўп қўлланиладиган универсал кучайтиргичлар, операцион кучайтиргичлар бўлиб ҳисобланади. Ҳозирги пайтда бу кучайтиргичлар, интеграл чизма шаклида ишлаб чиқарилмоқда, улар ёрдамида электр сигналларни генерация қилиш ва кучайтиришга кенг фойдаланилади. Интеграл микрочизмалар стандарт асосга эга бўлиб, бир-биридан ҳажм ва кўриниш жиҳатидан фарқ қилмайди. Операцион кучайтиргич иккита кириш жойига эга бўлиб, намунавий чизма (2-расм)да биринчи кириш жойида, кириш кучланиш берилади, иккинчи кириш R₁ ва R₂ билан бирга қисман кучланиш берилади (2-расм).
б) Рақамли ИМСлар.
Рақамли интеграл чизмалар,ҳозирги замон электрон ҳисоблаш машиналарига энг кўп қўлланиладиган электрон мураккаб қурилмадир.
Улар бир секунд вақт ичида миллион математик амалларни (операцияларни) бажаришади, космик алоқа ва бошқа электрон қурилмаларда ишлатилади. Интеграл микрочизмалар (ИМС)лар оддий чизма деб қараш мумкин эмас, чунки уларни тайёрлаш технологияси ўта мураккаб, бажарадиган операцияси жуда кенг, ишончлилиги жуда юқори ва ҳажми жуда кичикдир.

2-расм. Операцион кучайтиргични электр занжирига улаш чизмаси.
Интеграл чизмаларни тайёрлаш технологияси учта усул билан амалга оширилади. Ярим ўтказгичли, плёнкали ва гибридли усуллар билан тайёрланади.

• 
  Ярим ўтказгичлар асосидаги интеграл микрочизмалар сирти 1мм² бўлган юзада транзистор, диод ва резисторлар ўзаро уланади яхлит бир электрон қурилмани ташкил этади.
  
• 
  Плёнкали интеграл микрочизмалар (ИМС)лар плёнка қатлам шаклида тайерланади, ана шундай усулда резистор, конденсатор ва индуктив ғалтаклар ҳам юпқа пластинкали бўлади ва улар сигналларни кучайтириш учун ишлатилади.
  
• 
  Гибридли интеграл микрочизмаларни техналогияси ҳам ўта мураккаб электрон қурилмалар, диодлар, транзисторлар, ўтказгичлар ўта кичик минатюрали ихчам қилиб, плёнкали пластмасса корпус ўрнатилган ҳолда чиқарилади. Уларни ўлчамлари, ярим ўтказгичли ва плёнкали интеграл микрочизмалардан бироз каттарокдир.
  

Дискрет ва импульс сигналларни хосил қилиш учун ишлатиладиган рақамли интеграл микрочизмалар асосан транзистор асосидаги электрон калитлар вазифасини бажаради. Бу калитлар электр сигналлар келган пайтда очиқ ёки ёпиқ холатда туради. Рақамли интеграл микрочизмалар учун давлат стандарти томонидан қабул қилинган ҳарфлар ва сонлар билан тамғаланади. Шу ҳарфлар ва сонлар уларни тавсифини беради.
Мисол сифатида уларни шартли белгиларга келтирамиз. (Интеграл микрочизма маркалари).

К155ЛАЗ; К155ЛА7; К155ТМ2; К155ТВ1;

Ҳар бир ҳарф ва сонлар тавсифи қўйидагича. К-серия, 155-номер, Л-логик операцияни бажаради, Т-триггер.
Энг кўп тарқалган тури К155 серияси аналогли интеграл микрочизмаларда операцион кучайтиргич КР140УД1Б марка билан белгиланади. Улар тўғри бурчакли бўлиб корпуси пластмассали ёки сополли ички кисмидан чикарилган учлари тўғри бурчакли бўлиб уларни сони кўп холларда 14 та бўлади. 2 томонида 7 тадан тақсимланган. Уларни топиш корпусига қизил нуқтаси бор, шу нуқтага қараб соат стрелкасига тескари томонга санаб керакли оёқчалари аниқланади.
Интеграл микрочизма кўриниши (3-расм).

3-расм. Умумий кўриниши.
Электр чизмаларда ИМСларнинг шартли белгилари.
Агар 1-2 ёки 4-5 оёқчага бирлик сигнал берсак 3-чиқиш жойдан “ноль” сигнални оламиз. Бошқача комбинация йўли билан сигнал берилса мантиқий элемент сигналини оламиз. 7чи оёқча умумий ток манбаига уланади. 14чи оёқчага +5В кучланиш берилади.