1. Xavfsizlikni ta'minlovchi asosiy shartlar Mashinalarning xavfli zonalari Muhofazalovchi to'siq vositalari

Sanoatda xavfsizlik ekspertizasi.


Reja:


1. Xavfsizlikni ta'minlovchi asosiy shartlar
2. Mashinalarning xavfli zonalari
3. Muhofazalovchi to'siq vositalari

4. Saqlovchi muhofaza vositalar

Sanoat xavfsizligi Davlat qo‘mitasining «Sanoat xavfsizligi» Davlat unitar korxonasi ekspertlik tashkiloti, sanoat xavfsizligi sohasidagi xizmatlarni ko‘rsatadi va quyidagi faoliyat turlarini amalga oshiradi:

• 
  Sanoat xavfsizligi loyihaviy hujjatlarining ekspertizasi;
  
• 
  Sanoat xavfsizligi deklaratsiyalarini ishlab chiqish;
  
• 
  Sanoat xavfsizligi deklaratsiyalarining ekspertizasi;
  
• 
  Xavfli ishlab chiqarish obyektlarida foydalaniladigan texnik vositalarni ekspertizadan o‘tkazish;
  
• 
  Xavfli ishlab chiqarish obyektlarini aniqlash.
  

Sanoat xavfsizligi ekspertizasi bo‘limining akkreditatsiya sohasiga muvofiq.
Ekspertiza bo‘yicha ishlashdagi asosiy jarayonlari quyidagilar hisoblanadi:

• 
  tashqi va ichki meʼyoriy hujjatlarni boshqarish;
  
• 
  qaydnomalarni boshqarish;
  
• 
  sanoat xavfsizligi ekspertizasi (loyiha hujjatlarini ekspertizasi; xavfli ishlab chiqarish obyektlarini deklaratsiyasi; identifikatsiyani tashkil qilish va o‘tkazish; xavfli ishlab chiqarish obyektlarida qo‘llaniladigan texnik vositalar, bino va inshootlar ekspertizasi), shu jumladan arizalarni tahlil qilish, taqdim etilgan hujjatlarni baholash, sonvlarni tashkil etish va o‘tkazish (agar zarur bo‘lgan xolatlarda); barcha zaruriy yo‘riqnomalarning mavjudligi, xodimlar malakasini baholash, ekspert xulosalarini rasmiylashtirish va berish;
  
• 
  akkreditatsiya qilingan ekspert tashkilotlari bilan o‘zaro hamkorlik qilish;
  
• 
  akkreditatsiyadan o‘tgan sinov laboratoriyalari bilan o‘zaro hamkorlik;
  
• 
  kelgusida aniqlangan nomuvofiqliklarni bartaraf etish va korrektirovka ishlarini bajarish uchun ichki audit o‘tkazish;
  
• 
  ekspertiza bo‘yicha ish natijalarini nazorat qilish;
  
• 
  kadrlarni o‘qitish va attestatsiyadan o‘tkazish;
  
• 
  Ekspertiza tashkiloti (ET) va uning sifatni boshqarish tizimi (SMK) faoliyatini takomillashtirish bo‘yicha ishlarni tashkil etish;
  
• 
  apellyatsiyalarni ko‘rib chiqish.
  

Hozirgi zamon mashinasozlik sanoati korxonalari sexlarida turlituman mashina-mexanizmlar, stanoklar, ko'tarish kranlari, ish bajarish konveyerlari va boshqa qurilmalar mavjudki, bularning hammasi bu yerda ishlayotganlar uchun ma'lum xavf tug'dirishi, agar ehtiyot choratadbirlarini belgilab qo'yilmasa, baxtsiz hodisalar sodir bo'lishi hech gap emas. Bu mexanizmlarning ba'zi birlari detallarni qirqish, ulaiga shakl berish ishlarini bajarsa, boshqalari ish sharoitini yaxshilash, og'ir ishlarni yengillashtirish vazifalarini bajaradi.

Ish bajarish sharoitlari ham bir xil emas, masalan, metallarni qirqishda ishlatiladigan stanoklarni ishlatganda sovituvchi suyuqliklardan foydalaniladi, ularning kesish issiqligi ta'sirida bug'lanishi havo muhitini ifloslanishiga, shuningdek, havo namligini oshib ketishiga olib keladi. Demak, sexda ishlayotgan har bir stanok baxtsiz hodisalarga olib kelishidan tashqari yana havo muhitini ifloslantiruvchi vosita sifatida qaralishini taqozo etadi. Bundan tashqari detallarga ishlov berilgandan keyin hosil bo'ladigan qirindilar va ularni yig'ib, chiqindisiz jarayonni tashkil qilish ishlari, bularning hammasi ish sharoitini yaxshilashning asosiy omillari hisoblanadi.
Yuqorida keltirilgan misollardan ko'rinib turibdiki, mashinasozlik sanoati korxonalari ishchilarni baxtsiz hodisalarga olib keladigan manbagina bo’lib qolmasdan, balki havo muhitini ifloslantirib, tevarakatrofda yashovchilar uchun ham ma'lum xavf tug'diradi.
Ishlab chiqarish samaradorligini oshirish, ish sharoitini yaxshilash va baxtsiz hodisalarni kamaytirishning birdan-bir yo'li sanoat korxonalari sexlarini iloji boricha mexanizatsiyalashtirish, og'ir ishlarni robot va avtomatlashtirilgan vositalar zimmasiga yuklash, sexlardagi umumiy ishlarni avtomatlashtirishga erishishdir.
Mexanizatsiyalashtirish hozirgi vaqtda amalga oshirish mumkin bo'lgan jarayon bo'lib, birinchidan ishchilarni og'ir jismoniy mehnatdan qutqaradi, bu esa o'z navbatida ish joylaridagi ishchilar sonini qisqartirish va baxtsiz hodisalarni kamaytirish imkoniyatini beradi. Hozirgi vaqtda boshlang'ich xomashyoni ishlatish uchun uzluksiz uzatish ishlarini mexanizatsiyalashtirish mehnatni muhofaza qilish nuqtayi nazaridan juda muhim hisoblanadi. Bundan tashqari, eng ishchi uchun xavfli ish jarayonlarini, masalan, temirchilikda bolg'alash, presslash ishlari va boshqalarni mexanizatsiyalashtirish yaxshi natija beradi. Radioaktiv moddalar bilan bog'liq ish jarayonlarini robotlar bajarishini shart qilib qo'yish kerak.
Zamonaviy texnologiyalarda ko'pgina ishchi uchun noqulay va zararli moddalar ajralish jarayoni kuchli bo'lgan ishlar, masalan, eritilgan metallarni har xil qoliplarga quyish, yengil va yuk avtomashinalari kuzov va kabinalarini elektr payvandlash ishlari, ularni moysizlantirib, bo'yashga tayyorlash ishlari, bo'yash va muhofaza qoplamalari bilan qoplash, detallarga issiqlik bilan ishlov berish, shtampovka, presslash va boshqa ishlami robotlar bajaradi. Bundan tashqari, og'ir yuklarni ortish va tushirish ishlari ham mexanizatsiyalashtirilgan.
Avtomatlashtirilgan tizimlarning ancha katta tezlikda harakat qilishi, ularning ishlash maydoni kengligi va ish turlarining xilma-xilligi, ular ishining xavfli tomonlarini belgilaydi. Bunday tizimlarni tayyorlash va o'rnatish ishlarida xavfsizlikni ta'minlash, ularning tuzilishining asosini tashkil qiladi. Bundan tashqari, bu tizimlar ishlatilayotgan joylarga yaqin joylashgan uchastkalarda ishlayotganlar uchun ham ma'lum xavf tug'diradi.
Avtomatlashtirilgan tizimlarni yaratishda va ularni ishlatishda vujudga keladigan hamma xavfli vaziyatlarni hisobga olish va xavfsizlikni ta'minlash vositalari bilan jihozlashni unutmaslik kerak.
Mexanizatsiyalashning eng yuqori bosqichi avtomatlashtirishdir. Bunda har qanday ishchi bajarishi zarur bo'lgan ish robotlar zimmasiga yuklanadi. Sexda butunlay odam qatnashmaydigan bo'ladi. Sexni boshqarishni ta'minlovchi dasturlar tuzilib, bu dasturlar kompyuterlarga joylashtiriladi. Bunday boshqarish tizimlari ko'pgina rivojlangan kapitalistik davlatlarning sanoat korxonalari va mashinasozligining asosini tashkil qiladi. Ilg'or sanoat korxonalaridagi ba'zi bir sexlar bizda ham, shunday avtomatlashtirish tizimiga o'tkazilgan. Ammo hozirgi sharoitda butun mashinasozlik tarmog'ini avtomatlashtirish imkoniyati yo'q. Shuning uchun ham avtomatlashtirilmagan ishlab chiqarish jarayonlarining xavfsizligini ta'minlash muhim vazifa bo'lganligi uchun biz uning umumiy usullarini ko'rib chiqamiz.