10-mavzu. Butik mehmonxonalarning shakllanishi, rivojlanishi va afzalliklari, ularni o’zbekistonda yaratish masalalari reja

2.1-rasm: W-Barselona "WET Deck" mehmonxonasi, manbaa: HVS.com
utik mehmonxonalar umuman olganda 100 tadan ortiq xonalarga ega bo’lmagan va hayotiy faoliyatning noodatiy turini taklif qiladigan, dizaynga urg’u qaratgan va yuqori sifatli xizmatlarga xos mehmonxonalardir. Hozirgi kunda ushbu mehmonxonalar bozori rivojlanayotgan bir paytda “Yashash uslubi”(Lifestyle) tushunchasi ham ko’paya bormoqda. “Lifestyle” mehmonxonalar ham xuddi butiklar kabi 100 ta atrofidagi xonalarda noodatiy hayot tarzini taklif etadi. Ushbu termin sohaga yirik mehmonxonalar zanjiri kirib kelgandan so’ng ishlatila boshladi. “Lifestyle” mehmonxonalar tipini taklif etuvchi yirik brendli zanjirlarga Starvud tizimidagi “W”, Marriotdagi “Edition”, InterContinental mehmonxonalar guruhining “Hotel Indigo’’lari misol bo’la oladi. Ammo, ular unchalik ham kichik emas. Masalan, W-Barselona 473 ta xonalar fondiga ega bo’lsa, Londonning Liverpul ko’chasidagi Andaz mehmonxonasida 267 ta xonalar mavjud⁴. Qo’shimchasiga, ushbu zanjirlar o’zlaridagi boshqa mehmonxonalardan ham afzalroq va qulayroq hisoblanishadi, iqtisodiy jihatdan ham samarador. Albatta, butik mehmonxonalar bozorida zanjirlar tizimining paydo bo’lishi bilan ularning butik mehmonxonalar rivojidagi o’rni va ta’siri, ular chindan ham “Butik” bo’la olishadimi, degan savollarga sabab bo’ladi.
Bilamizki, xalqaro zanjirlar tizimidagi mehmonxonalar odatda standartlashgan va biznes mehmonxonalarni taklif etishadi. Ularning asosiy qismida esa bir xil uslub mavjud. Mijozlar biror begona mamlakatda yoki hududda bo’lishganida o’ziga tanish bo’lgan brend ostidagi mehmonxonani tanlashgan. Mijozlarning xohish va irodasini hisobga olgan holda zanjir tizimida ham mahalliy hududga moslashish va noodatiy uslubni taklif qilish rivojlana bordi. Butik m ehmonxonalar sohasiga qadam qo’ygan yirik zanjirli tizimdagi mehmonxonalar individual butik mehmonxonalari kabi tabiiylik va noodatiylikni tanlab oldi. Xalqaro zanjirlar ushbu mehmonxonalar yaratilishida va rivojlanishida o’zgarish ham olib kirishdi. Y