11- Ámeliy jumis sabzavot eginleriniń dalada egiw sxemalari hám gektardagi ósimlikler sanin aniqlaw

Egiske tárbiya beriw.
Sabzavotshiliq daqıllarınıń kóp túrliligi, olardıń biomorfologiyalıq ózgeshelikleri, ósiriw texnologiyasınıń tuqımlılıǵı, egiske tárbiya beriwdi de túrlishe alıp barıwdı talap etedi.
Tárbiya beriw protsessi izli-izinen yamasa qosıp alıp barılatuǵın tómendegi ilajlardan turadı:
a) topraq betindegi qatıwashtı bosatıw. Topraq betindegi qatıwashtı saplastırıw ushın yamasa torlı tırmalar menen islew beriw.
Egislik betine shirigen dáris shashıw (muchalaw).
b) siyrekletiw. Ósimliktiń ósiwi h’ám rawajlanıwı ushın normal azıqlanıw maydanın payda etiw maqsetinde siyrekletiw júrgiziledi.
v) jabayı ot-shóplerge qarsı gúresiw. Bul jumıs egislikti jabayı ot-shóplerden tazalaw maqsetinde júrgiziledi. Ot-shóplerden tazalaw qoldan, arnawlı mexanizmler yamasa gerbitsidler járdeminde orınlanadı.
g) egislikte mulchalaw usılın qollanıw. Bul usıl egislik maydanlarǵa topraq betine dáris, trof, saban, qaǵaz yamasa sintetikalıq plenkalar menen qaplaw arqalı ámelge asırıladı. Usılda qollanǵanda egislikte jabayı ot-shóplerdiń kóbeyiwin páseytedi, topraqtıń qurǵap ketiwinen, topraq betinde qatıwashtıń payda bolıwınan saqlaydı. Jas ósimlik nálleriniń tegis kógerip shıǵıwına h’ám ósiwine múmkinshilik jaratadı.
d) keselliklerge h’ám zıyankeslerge qarsı gúresiw. Bunda dáslep profilaktikalıq jumıslar egislikmaydanlarda alıp barıladı. Kesellikler h’ám zıyankesler menen zıyanlanǵan orınlarda záh’árli ximikatlardan paydalanıw yamasa biologiyalıq usıldı qollanıw.
e) egislikte ósimliklerdiń qatar aralarına islew beriw. Bul egin túrlerine, topraqtıń tiplerine qaray alıp barıladı. Qatar araların islew tiykarınan KON-2,8 PM kultivator okushnik, KRN-4,2 (kultivator-rastenie pitatel) jánede KRN 2,8AŃ KRSSh-2,8A agregatları járdeminde júrgiziledi.
j) egislikte ósiriwshi stimulyatorlardan paydalanıw.
Sabzavotshiliq daqılların ósimliklerdiń rawajlanıwınıń dáslepki fazalarında gibberelin, yantar kislotası, TUR preparatı yamasa basqa ósimliktiń ósiwin jedellestiriwshi stimulyatorlardan paydalanıladı.