11-lekciya: Menyular. JmenuBar, Jmenu, JmenuItem, jradioButtonMenuItem, jcheckBoxMenuItem, jtoolBar komponentaları

Mnemonikalıq belgiler hám tez klavishler
Joqarıdaǵı mısalda kórgen menyu tolıq isleydi, biraq onı elede jetilistiriw múmkin. Real programmalarda menyu punktin saylaw ushın klaviyaturalardan da paydalanıwǵa boladı. Onıń ushın mnemonikalıq belgiler hám tez klavishlardan paydalanıladı. Mnemonikalıq belgilerdi menyuda qollanǵanda, kerekli punktti tańlaw ushın zárur klavishalar kombinaciyası kiritiledi. Basqasha aytqanda klavishlardı basıw arqalı menyu punktin tańlawǵa boladı. Mnemonikalıq belgilerdi JMenuItem obyekti ushın da, JMenu obyekti ushında birdey qollanıwǵa boladı. JMenu ushın mnemonikalıq belgilerdiń 2 túri bar. Birinshisinde, mnemonikalıq belgilerdi obyekt jaratıw waqtında kórsetiw múmkin, al ekinshisinde setMnemonic() metodı arqalı ornatıw múmkin.
void setMnemonic(int enem)
Mnemonikalıq belgilerdi kiritiw ushın java.awt.event.KeyEvent klasındaǵı konstantalardıń birewinen paydalanıwǵa boladı (máselen, KeyEvent.VK_F). Ádette mnemonikaliq belgiler kiritilgen punkttiń birinshi háribi astı sızılǵan halda turadı. Egerde basqa háripke ózgertpekshi bolsańız, setDisplayedMnemonicIndex() metodınan kerekli indeks poziciyası kiritiledi.
Tez klavishalardı JMenu hám JMenuItem obyektleri ekewi ushında paydalanıwǵa boladı. Bul setAccelerator() metodı arqalı ámelge asırıladı.
void setAccelerator(KeyStroke ks)
Bul jerde ks parametri klavishalar kombinaciyası bolıp, tiyisli menyu punktin ashıwda qollanıladı. Joqarıda keltirilgen mısaldaǵı File menyusına mnemonikalıq belgilerdi qossaq tómendegishe programmaǵa iye bolamız:
JRadioButtonMenuItem hám JCheckBoxMenuItem
Swing de joqarıda aytılıp ótilgen menyu punktlerinen basqa bayraqsha hám belgilew imkaniyatın beriwshi punktlerde bar. Bul punktler arqalı interfeysti elede ápiwayılastırıp, qosımsha imkaniyatlardı programmaǵa qosıwǵa boladı. Menyu puntkine bayraqshanı qosıw ushın JCheckBoxMenuItem klasınıń ekzemplyarın jaratıw kerek boladı. Bul klass konstruktorları tómendegi kestede keltirilgen.
JCheckBoxMenuItem() - Bayraqsha kórinisindegi menyu punktin jaratadı
JCheckBoxMenuItem(String name) Bayraqsha kórinisindegi menyu punktin name parametrinde kórsetilgen at penen jaratadı
JCheckBoxMenuItem(Icon icon) Bayraqsha kórinisindegi menyu punktin icon parametrinde kórsetilgen piktorgramma penen jaratadı
JCheckBoxMenuItem(String name, boolean state)
Bayraqsha kórinisindegi menyu punktin name parametrinde kórsetilgen at penen jaratadı. Eger state parametri mánisi true bolsa bayraqsha belgilenedi, false bolsa belgilenbeydi
JCheckBoxMenuItem(Action act) Bayraqsha kórinisindegi jaratılǵan menyu punktin act parametri arqalı jiberilgen obyekt esabında anıqlaydı
JRadioButtonMenuItem menyu punktide JCheckBoxMenuItem ge uqsaydı (tek sırtqı kórinisi jaǵınan parıq qıladı) hám JCheckBoxMenuItem degi barlıq konstruktorlar hám metodlar JRadioButtonMenuItem de isleydi. Sonıń ushın kóp toqtalıp otırmastan mısal retinde kórip shıǵayıq. Mısal ushın tazadan proekt jaratıp otırmastan, aldınǵı jaratılǵan MenuDemo proektti ózgertemiz. Yaǵnıy, Options menyusınıń Colors menyu punktindegi 3 punktti JCheckBoxMenuItem ge hám Priority menyu punktine 2 punktti JRadioButtonMenuItem ge aylandıramız hám tómendegi súwrettegi dizaynge iye bolamız.