11-lekciya: Menyular. JmenuBar, Jmenu, JmenuItem, jradioButtonMenuItem, jcheckBoxMenuItem, jtoolBar komponentaları

JMenuBar add(JMenu menu)
Bunda menu parametri JMenu klası ekzemplyarı esaplanadı. Bul metodtıń orınlanıwı nátiyjesinde, menyu qatarına shepten baslap izbe-iz menyular qosılıp baradı. Eger menyu punktin kerekli orınǵa qoymaqshı bolsańız, onda add() metodınıń tómendegi variantınan paydalanıwǵa boladı.
Component add(Component menu, int index) Bunda menu parametri menyudi, al index parametri bolsa kerekli menyu punkti indeksin bildiredi. Bunda esaplawlar 0 shi indeksten baslanadı hám 0 shi indeksli menyu punkti birinshi punkt esaplanadı. Ayırım jaǵdaylarda menyudıń kerek emes punktlerin óshiriwge tuwra keledi. Onıń ushın remove() metodınan paydalanıladı. Bul metod 2 variantta isletiliwi múmkin:
void remove(Component menu)
void remove (int index)
Bazı bir jaǵdaylarda int getMenuCount() metodınan paydalanıw qol keledi. Bul metod menyu qatarındaǵı elementler sanın anıqlaydı. JMenuBar klasında basqa birneshe metodlar bar bolıp, olar ishinde qatarlı menyu menen baylanıstırıwshı menyuǵa bolǵan massiv siltemelerin alıw ushın getSubElements() metodınan, házirgi waqıt momentinde qaysı menyu belgilengenligin anıqlaw ushın isSelected() metodınan paydalanıwǵa boladı.
JMenu klası
JMenu klası. JMenu menyulardı, sonday-aq, menyu quramındaǵı úles menyulardı jaratıw imkaniyatın beredi. JMenu konstruktorları tómendegi kestede keltirilgen.
JMenu() Menyu jaratadı ; JMenu(String name) Menyudı name parametrinde berilgen at penen jaratadı ; JMenu(Action action) action háreketi arqalı basqarılıwshı menyu jaratadı;
Tiykarǵı menyudi jaratıw
Kópshilik programmalarda tiykarǵı menyular qatarı bar bolıp, ol programmanıń derlik barlıq funkcionallarınan paydalanıw múmkinshiliklerin beredi. Swing de bul menyudı jaratıw hám onı basqarıw ańsat ámelge asırıladı.
Tiykarǵı menyudi jaratıw etapların qarap óteyik. Dáslep JMenuBar obyektin (menyuler qatarı) jaratıw kerek boladı. Onnan soń JMenu obyektin (menyu) jaratıp, onıń quramına JMenuItem (menyu punktleri) obyeklerin qosıw kerek boladı. Tayın bolǵan menyudi (JMenu) menyular qatarına (JMenuBar) qosamız hám tiykarǵı menyuge iye bolamız. Menyudi jaratıw hám basqarıwdı túsiniw ushın konkret mısaldan paydalansaq maqsetke muwapıq boladı.
Mısal
Tómende 3 menyu punktinen ibarat bolǵan ápiwayı menyu keltirilgen. Birinshi menyu punkt quramında Open, Close, Save, Exit punktleri bolǵan, standart File menyusi keltirilgen. Ekinshi menyu Options dep atalıp, quramına Colors hám Priority punktleri kiredi. Úshinshi menyu Help bolıp, tek ǵana About punktin óz ishine aladı.