11-lekciya: Menyular. JmenuBar, Jmenu, JmenuItem, jradioButtonMenuItem, jcheckBoxMenuItem, jtoolBar komponentaları

11-lekciya: Menyular. JMenuBar, JMenu, JMenuItem, JRadioButtonMenuItem, JCheckBoxMenuItem, JToolBar komponentaları
Swinde menyular
Bul lekciyada zamanagóy grafikalıq interfeyslerdiń tiykarǵı elementlerinen biri bolǵan menyular menen tanısıp shıǵamız. Menyular hár bir programmanıń ajıralmas bólegi esaplanadı. Sebebi, menyular paydalanıwshılar ushın programmadan paydalanıwda kóplegen funkcionallıq múmkinshiliklerdi beredi. Swing usılardı esapqa alǵan halda, menyulardıń keńeytirilgen klasın qollap quwatlaydı. Swing quramındaǵı menyulardiń tómendegishe túrleri bar:
 Menyular qatarı - tiykarǵı menyu esaplanadı;  Standart menyu - birneshe punktleri bar bolǵan menyu;  Kontekstli menyu - tıshqansha oń tárepin basqanda payda bolatuǵın menyu.  Instrumentler paneli - programmanıń funkcional múmkinshiliklerinen tez paydalanıw ushın.
Swing kitapxanasında menyulardı qollap quwatlawshı klasslar dizimi kestede keltirilgen.
JMenuBar Joqarı dárejeli menyu. Menyular qatarı
JMenu Standart menyu. Bir yamasa birneshe menyu punktlerinen turadı JRadioButttonMenuItem Belgilew imkaniyatın beriwshi menyu punkti
JMenuItem Menyu punkti
JCheckBoxMenuItem Bayraqsha qoyıw imkaniyatın beriwshi menyu punkti JSeparator Menyu punktlerin bir-birinen ajıratıwshı sızıq
JRadioButttonMenuItem Belgilew imkaniyatın beriwshi menyu punkti JPopupMenu Kontekstli menyu. Ádette tıshqansha oń tárepin basqanda payda boladı
JMenuBar klası
Menyu jaratıw ushın, tiykarǵı 3 klass haqında túsinikke iye bolıw kerek. Olar: JMenuBar, JMenu hám JMenuItem. Bul 3 klass programmada tiykarǵı menyudi jaratıw ushın jetkilikli boladı. Sonday-aq, JMenu hám JMenuItem kontekstli menyu jaratıwda da qollanıladı.
JMenuBar klası. JMenuBar menyu qatarı bolıp, bul klass obyekti menyu konteynerinen turadı. JMenuBar klasında birneshe metodlar bar bolıp, kópshilik jaǵdaylarda tek ǵana add() metodınıń ózi menyu jaratıwda jetkilikli boladı. Bul metod JMenu obeyktin JMenuBar menyu qatarına qosıp qoyadı. Ol tómendegishe kóriniste boladı: