11-lekciya. Sql standart funksiyaları

REPEAT(str, count) – str jazıwdı count márte tákirarlap ekranǵa shıǵaradı.
SELECT REPEAT('SQL', 3); // Nátiyje: 'SQLSQLSQL'
INSERT(str, pos, len, newstr) – str jazıwdı pos orınnan baslap len uzınlıqtaǵı bólimin newstr jańa qatarǵa almastıradı.
SELECT INSERT('Quadratic', 3, 4, 'What'); // Nátiyje: 'QuWhattic'
ELT(N,str1,str2,str3,...) – argumentlerden N-indekstegisin kórsetedi. Eger berilgen N sanı 1 den kishi yaki argumentler sanınan úlken bolsa, NULL mánis qaytarıladı.
SELECT ELT(1, 'ej', 'Heja', 'hej', 'foo'); // Nátiyje: 'ej'
SELECT ELT(4, 'ej', 'Heja', 'hej', 'foo'); // Nátiyje: 'foo'
FIND_IN_SET(str, strlist) – berilgen str jazıwdı dizim yaki massiv formaǵa iye bolǵan strlist toplamnan izleydi hám onıń indeksin anıqlaydı. Bunda strlist degi elementler útir menen ajıratılıwı lazım.
SELECT FIND_IN_SET('b','a,b,c,d'); // Nátiyje: 2
REVERSE(str) – jazıwdaǵı simvollardıń poziciyasın keri tártipke aylandırıp ekranǵa shıǵaradı.
SELECT REVERSE('abc'); // Nátiyje: 'cba'
Esletpe. Qatarlı funkciyalar SELECT operatorı menen isletilse tek ǵana ekranǵa shıǵarılıp atırǵanda maǵlıwmatlar ózgertiriledi, lekin bazadaǵı maǵlıwmatlar óz halında qaladı. Lekin UPDATE operatorı menen isletilse, bazadaǵı maǵlıwmatlar ózgertiledi.
Keyingi keltiriletuǵın qatarlı funkciyalar redaktorlaw funkciyaları dep te júritiledi.
INSTR(str,_substr)'> INSTR(str, substr) – kerekli simvoldı jazıwlar ishinen izlewge arnalǵan. Bunda str jazıw quramınan substr bólimjazıw izlenedi hám nátiyjede tabılǵan simvoldıń neshinshi tártipte turǵanı san kórinisinde ekranǵa shıǵadı. Nátiyje tek ǵana dáslepki ushraǵan simvol poziciyasın anıqlaydı, keyingilerdi qaramaydı.
SELECT INSTR('foobarbar', 'bar'); // Nátiyje: 4
SELECT INSTR('xbar', 'foobar'); // Nátiyje: 0
Esabatlar tayarlawda onı oqıw qolay bolıwı júdá áhmiyetli. Sonıń ushın, hár bir shıǵarılatuǵın simvol yaki sanlar birdey tártipte shıǵıwı lazım. YAǵnıy, uzın sózler de qısqa sózler de birdey uzınlıqta shıǵıwı maqsetke muwapıq. SQL de bul wazıypanı “PAD” funkciyası orınlaydı, tek ǵana bul funkciyanı aldına qısqa bolǵan sózler toltırılıwı ushın qaysı tárepten baslap toltırılıwın kórsetiwshi L(left) yaki R(right) háripler qosıladı. Toltırıw degende, berilgen jazıwdı shep yaki oń tárepine kórsetilgen simvol sanına jetpegen simollardı biriktiriw túsiniledi. Kópshilik standart jaǵdaylarda toltırıw lazım bolǵan simvolǵa probel yaki tómengi sızıq qoyıladı.