11-lekciya. Sql standart funksiyaları

11-lekciya. SQL standart funksiyaları.

SQL tilinde funkciyalar tiykarınan 3 tipke ajıratıladı: standart funkciyalar, agregat funkciyalar hám saqlanıwshı funkciyalar. Bul jerde standart hám agregat funkciyalar SQL tili quramına kirse, saqlanıwshı funkciyalar paydalanıwshı tárepinen islep shıǵılıp, ayrım jaǵdaylarda paydalanıwshı funkciyası da delinedi. Sonday-aq, standart funkciyalar agrument hám parametrleri sanı aldınnan belgili bolsa, agregat funkciyalarda argumentler belgisiz sonda boladı. Endi usı funkciyalar menen tolıq tanısıp shıǵamız.

Standart funkciyalar da bir neshe toparlarǵa ajıratıladı: sáne/waqıt hám qatarlı funkciyalar, ózgertiw hám matematikalıq sıyaqlı funkciyalar. Bul funkciyalar júdá kóp bolıp, olardıń ayrımları menen tanısamız.

Qatarlı funkciyalar

Jazıw kórinisidegi baǵanalardı, qandayda bir mánis penen salıstırıwda jazıwdıń úlken yaki kishi háripte ekenligin biliw áhmiyetli, keri jaǵdayda kerekli nátiyjege erisiw qıyın. Sebebi, úlken-kishi jazıwlar qostırnaq ishinde parqlanadı. LOWER hám UPPER funkciyaları arqalı salıstırılıp atırǵan jazıwdıń reestrin kishi yaki úlken háriplerge ótkerip, keyin salıstıradı.
LOWER (str) yaki LCASE(str) – berilgen qatardı kishi háriplerge almastıradı.
SELECT LCASE('QUADRATICALLY'); // Nátiyje: 'quadratically'
UPPER (str) yaki UCASE(str) – háriplerdi úlken háriplerge almastıradı.
SELECT UCASE('Hej'); // Nátiyje: 'HEJ'
INITCAP (str) – qatardaǵı hár bir sózdiń 1-háribin bas háripke ózgertedi.
SELECT INITCAP ('tatu nukus'); // Nátiyje: ' Tatu Nukus '
CONCAT(str1,str2,...) – argumentte berilgen ózgeriwshilerdi izbe-izligi boyınsha biriktiredi. Keminde bir argument bolıwı lazım.
SELECT CONCAT('My', 'S', 'QL'); // Nátiyje: 'MySQL'
SELECT CONCAT('My', NULL, 'QL'); // Nátiyje: NULL
SELECT CONCAT(14.3); // Nátiyje: '14.3'
CONCAT_WS(separator, str1, str2,...) – argumentler ortasına separator da kórsetilgen simvoldı qoyıp birlestiredi.
SELECT CONCAT_WS(",","First","Second","Last");
// Nátiyje: 'First,Second,Last'
SELECT CONCAT_WS(",","First",NULL,"Last");//Nátiyje: 'First,Last'
LENGTH (str) – jazıwdaǵı barlıq simollardıń sanın anıqlap beredi, bos orın (probel) da bir simvol formasında esaplanadı.
SELECT LENGTH('text'); // Nátiyje: 4
REPLACE(str, from_str, to_str) – jazıwlarda kórsetilgen simvollardı basqasına almastırıp beredi. Office programmalarındaǵı “zamenit” buyrıǵı wazıypasın orınlaydı. Úsh parametrli funkciyada: str - baǵana atı, from_str - qaysı almastırılatuǵın simvollar hám to_str - ornına qoyılatuǵın simvollardı bildiredi.
SELECT REPLACE('www.mysql.com', 'w', 'Ww');
// Nátiyje: 'WwWwWw.mysql.com'