11-маъруза мавзу: Ўзгармас ток машиналари

3. Ўзгармас ток машинасининг қўлланилиши
Ўзгармас ток машинаси генератор ёки двигател режимида ишлаши мумкин. Бунда машинанинг иш режимига мос ҳолда энергиянинг бир турдан иккинчи турга айланиш жараёни ҳам тескарисига ўзгаради.
Изоҳ: Ўзгармас ток машинасининг генератор ва двигател режим деганда битта машинанинг икки хил режимда ишлаши назарда тутилмайди. Одатда битта машинани ҳам генератор, ҳам двигател режимида ишлатиш самарасиз ҳисобланади. Амалда генератор ва двигателларнинг конструкциялари ўзига хос хусусиятларга эга бўлади. Ҳам генератор, ҳам двигател режимида ишлатилувчи машиналар эса алоҳида ҳолларда (масалан айрим транспорт воситаларида, ҳарбий ва космик техникаларда ва бир қатор бошқа ҳолларда) ишлаб чиқарилади ва алоҳида конструкцияга эга бўлади.
Ўзгармас ток генераторлари кўпроқ кимё саноатида электролиз жараёнларида, металлургияда ва транспортда ишлатилади. Ўзгармас ток двигателлари эса электр транспортида (темир йўл, трамвай, троллейбул, метро, электр юк кўтаргичлари ва ҳоказо) айланиш тезлиги бошқарилиши талаб этилувчи механизмларда, кам қувватли системаларда кўпроқ ишлатилади.
Ички ёнув двигателлари асосидаги транспорт воситаларининг механик юритмаларида ҳам ўзгармас ток двигателлари ишлатилади. Масалан енгил автомобилнинг ўзида бир неча турдаги ўзгармас ток двигателларини кўришимиз мумкин. Булар моторни ўт олдирувчи двигател (стартёр), ойна тозалагичнинг двигатели ( 13-расм), вентиляторнинг двигатели ва бошқалар.

11.13- расм. Автомобилда ўзгармас ток двигателининг ишлатилиши.
Бу двигателлар 12В кучланишли ўзгармас токда ишлашини яхши биламиз. Шунингдек автомобил саноати ривожлангани сари кўплаб механизмларни (масалан эшик ойналарини бошқариш, кўзгулар ва ўриндиқлар ҳолатини бошқариш ва бошқаларни) электр юритмали бошқарувга ўтишида ўзгармас ток двигателларининг роли катта. Айрим соҳаларда ишлатилиувчи ўзгармас ток двигателлари ва генераторларининг асосий кўрсаткичлари 11.1- жадвалда келтирилган

11.1- жадвал

Машина иш режими	Ишлатилиш соҳаси	Қуввати Р, кВт	Ток I, А	Кучланиши U, В	Изоҳ
Двигатель	Трамвай	5040	10075	550	Имеют преимущества перед двигателями переменного тока: 1) широкое регулирование частоты вращения; 2) развивают большой пусковой момент
	Электровоз	900600	600400	1500
	Станоклар	11500	11500	1000
	Кемалар	18000	18000	1000
Генератор	Электролиз	12060	10000	126	Чаще используются генераторы переменного тока с выпрямителями
	Дастлабки тепловозлар	2700	3600	750

Таянч иборалар.
Коллектор, якорь, чўтка, реверслаш, коммутация, якорь реакцияси.
Синов саволлари.
1. Ўзгармас ток машинасининг асосий қисмларини айтинг.
2. Якор реакцияси ва якор коммутацияси тушунчалари нимани билдиради?
3. Ўзгармас ток машинасининг генератор режими.
4. Генераторни уйғотишнинг қандай схемалари мавжуд?.