12 laboratoriya ishi kavsharlash ishning maqsadi

Detallarni qattiq qotishma bilan kavsharlash

1.Kavsharlashni bajarish.		1.1-usul.Kavsharlash joyi unga mahkamlangan kavshar plastinkalari bi­lan birga bura bilan qoplanadi va bura kukuni erigunicha qizdiriladi. Bundan keyin ikkinchi marta bura cepiladi va kavshar erigunicha qizdirish davom ettiriladi, kavshar bir-biri bilan biriktirilayotgan detallar orasidagi tirqishga to’ldiriladi. 2-usul.Kavsharlanadigan joy (kavshar bo’lakchalarisiz) qizil tus olgunicha qizdirilib, bura hamda kavshar qirindisining aralashmasi bilan qoplanadi, so’ngra kavshar eriguncha qizdiriladi. 3-usul.Kavsharlanadigan joy (kavshar bulakchalarisiz) qirmizi rangga kirgunicha qizdirilib, bura bilan qoplanadi, so’ng unga ingichka kavshar chivig’iniig uchi yaqinlashtirilib, qizdirish davom ettiriladi (chiviq erib, kavshar biriktiriladigan detallar orasidagi tirqishga o’tadi). Kavsharlangandan so’ng detallar sovitiladi, yuviladi va kavsharlangan joy bura, kavshar va to’qima sim qoldiqlaridan tozalanadi.
2.Kavsharlash sifatini tekshirish.		2.Kavsharlangan joy dastlab ko’zdan kechiriladi. CHokning puxtaligini tekshirish uchun kavsharlangan joyga og’ir metall bilan urib ko’riladi. Kavsharlash sifatsiz bo’lsa, detal kavsharlangan joyidan sinadi.

Ish bo’yicha hisobotda: ishning maqsadi va vazifalari, kerakli jihozlar, ishning bajarish tartibi, xavfsizlik qoidalari ko’rsatiladi.

Yumshoq va qattiq kavsharlar bilan kavsharlashda xavfsizlik qoidalari

Kavshar tayyorlashda rezina qo’lqoplar va himoya ko’zoynaklaridan foydalanish kerak.

Kavsharlash lampasi qo’llanilganda quyidagilar man qilinadi: idishidan yoki birikmalaridan yonilg’i silqiydigan lampalardan foydalanish; lampaga olov yakinida va gorelka sovib ulgurmaganida yonilg’i to’ldirish; kerosinda ishlaydigan lampani benzin bilan to’ldirish (bu portlashga va yong’in chiqishiga sabab bo’lishi mumkin); yonib turgan lampaga kerosin quyish; kosacha chetiga qadar to’ldirib denaturat quyish; idishga haddan tashqari ko’p havo haydash, lampani qo’radan va boshqa olov manbalaridan o’t oldirish; lampani ochiq olov yoki qizib cho’g’ bo’lgan buyumlar yonida ushlab turish; (forsunkani tozalash uchun lampadagi bosimni oshirish (bunda portlash yuz berishi mumkin).
Kavsharlagich bilan ishlashda:
o’ta qizigan kavsharlagichni suyuqlik bilan sovitmaslik kerak;
kavsharlanishiga qadar alangalanuvchan materiallar oldindan tozalamasdan va yuvib tashlamasdan hamda oson alangalanuvchan materiallar yaqinida, maxalliy havo so’rish yo’qligida kavsharlash ishlarini olib borish man qilinadi; ish tugagach, qo’llarni yaxshilab sovunlab yuvish kerak.
Kislotalardan foydalanishda:
kislotalar yoki eritmalar bilan ish boshlashdan oldin vannalardagi shamollatish qurilmalari va yog’och panjaralar sozligini tekshirish kerak (shamollatmasdan ishlash taqiqlanadi); xurushlash eritmalarini tayyorlashda faqat sovuq eritmalarnigina aralashtirish zarur; xlorid va sulьfat kislotalar tiqinlari ishqalab moslangan shisha idishlarda saqlanishi kerak.