13 мавзу: ЁҒоч конструкциялари хақида умумий ма’лмотлар.ЁОҒоч конструкцияларини хисоблаш асослари

Ёғоч конструкцияларининг тарихи. Ёғоч конструкциялари. Уларни
қўлланиш тарихи кўп асрларни ўз ичига олади. Ибтидоий одамлар ҳам 
ёғочдан тош болталар ёрдамида кичик турар-жойлар барпо қилганлар ва
уларни қозиқлар ёрдамида ерга маҳкамлаганлар ҳамда тўсиқлар, кичик
кўприклар қурганлар. Қадимги Римда қурувчилар ёғоч уйлар, эҳромлар
ҳамда катта дарёларга кўприклар қурганлар. Масалан, I асрда Цезар ўз 
легиони ёрдамида Рейн дарёсига йирик кўприк қурдирган. Ҳозиргача
бамбук ёғочидан ўрта асрларда қурилган Япониядаги, Хитойдаги кўпгина
буюк ёғочдан қурилган эҳромлар сақланиб келмоқда. Ўрта асрларда
Европада ёғоч стропилли томлар ҳам кенг қўлланилган.
Тарихий манбалардан маълум бўлишича, эрамиздан 10 минг йиллар
олдин тош асрида ҳам турли ёғоч конструкциялари қўлланилган. Бунга 
оддий мисол, ибтидоий жамоа тузуми даврида инсон чуқурликлардан ўтиш
учун ёғоч тўсинлардан фойдаланган, яъни ўша даврда кўприк 
конструкциясини яратган.
ХIХ асрнинг 70-чи йилларида янги Гвинея мамлакатига бориб қолган рус 
олими Миклухо - Маклай Н. Н. папуас қабилаларининг уйларида оддий
ёғоч конструкцияларини ва тош болталарни кўрган. Папуаслар - ёғоч
айрига устун қўйиб рамалар ҳосил қилиб уй ясаганлар. Бу усул уларга қадим 
замонлардан кириб келган.
Қадимда Россияда ва шимолий Америкада ёғочнинг эластик ва
пластик хусусиятларидан жуда тўғри фойдаланганлар, улар ёғоч
конструкциялари ёрдамида ертўлалар қурганлар. Эрамиздан уч минг йиллар 
олдин-Неолит ва бронза даврларида қозиқ конструкциялари ишлатилган. 
Ёғоч уйлар қуриш учун керакли бўлган болта, теша ва бошқа темир
қуроллар асосан қулдорлик тузуми даврида дунёга келган. Бу даврда ёғоч
конструкциялари асосан ўша даврда жуда ривожланган. Италия
мамлакатининг Рим шаҳрида ўз тараққиётини топган. Эрамиздан олдинги
II асрдаёқ Рим шаҳридаги қурилишларда ёғоч ферма конструкциялари
қўлланилган. Феодал тузуми даврида эса ёғоч ҳунармандчилик санъати
жуда ривожланган. ХVI асрга келиб итальян архитектори Палладио (1518
-1580) стерженлар системасидан иборат ёғоч конструкцияларининг бир қатор 

---

схемаларини яратган. Ўрта асрларда турар - жой бинолари, саройлар,
кўпгина эхромлар, ҳамда қалъалар деворлари доирасимон кўндаланг кесимли 
ёғочлардан қурилган. ХVIII аср охирларида рус муҳандиси И.П.Кулибин 
Петербургда Нева дарёси орқали 300 метрли йирик ёғоч кўприкнинг ихчам
лойиҳасини яратган (1-расм,а).
1.1-расм. 
Россияда 
яратилган 
қадимги 
машҳур 
ёғоч 
конструкцияларининг схемалари:
а - С.Петербургдаги Нева дарёси орқали кўприк лойиҳаси (муаллиф
И. П. Кулибин); б - Москва Манежининг ёпма фермаси (муаллиф А.А 
Бетанкур); в - Москва-С.Петербург темир йўлидаги Мсту дарёси орқали
кўприк фермаси (муаллиф Д.И.Журавский); г - Орск шаҳридаги тўрсимон
минора (муаллиф В.Т.Шухов)
1.2-расм.Петербургда 300 метрли йирик ёғоч кўприк 
Кўприк аралаш конструкцияли системага эга бўлган ва у эгилувчан
арка, ҳамда бикр аркасимон фермалардан ташкил топган. Ушбу
кўприкнинг кичрайтирилган 1:10 масштабдаги модели қурилиб синаб
кўрилган. Синов натижалари кўприк конструкциясининг мустаҳкамлиги 
юқори эканлигини ва кўндаланг кесимлар тўғри танланганлигини исботлаб 
берган. Мазкур кўприк лойиҳаси ўша даврларда йирик кўприк

---

қурилишларини амалга ошириш учун зарур бўлган жиҳозларни етарли 
бўлмаганлиги сабабли амалда табиий ўлчамда қурилмай қолган. 
1.3-расм.Москва монежининг ёғоч қопламаси 
ХIХ аср бошларида Россияда Москва манежини қуришда, биринчи
марта учбурчаксимон тўртқирра ёғочдан тайёрланган 50 метр оралиқли
фермалар қўлланилган. XIX аср ўрталарида рус олими Д.И. Журавский
Мцу дарёси орқали оралиғи 61 метр бўлган янги ёғоч ферма кўприк
лойиҳасини яратган. Рус муҳандиси В. И. Шухов эса ХIХ аср бошларида 
биринчи марта ёғоч фазовий конструкцияларининг лойиҳаларини ишлаб
чиқган. Орск шаҳрида у ишлаб чиққан лойиҳа асосида 36 м баландликдаги
стерженлардан ташкил топган тўрсимон конструкцияли минора қурилган. ХХ 
асрнинг 30-чи йилларида пўлат ва цементнинг танқислиги туфайли ёғоч 
конструкцияларига бўлган эътибор айниқса саноат қурилишида кучайган. Бу 
даврда тахта - михли тўсин ва рамалар, тўртқирра ва тахта - михли сегментли 
фермалар, рус олими В. С. Деревягин таклиф этган ёғоч пластинкали
таркибли тўртқирра тўсинлар қўлланилган.
1.2-
1.4-расм. В.С.Деревягиннинг ёғоч пластинкали таркибли тўртқирра 
тўсинлари. 
ХХ асрнинг 50-чи йилларида биринчи марта елимланган ёғоч 
конструкциялари ишлаб чиқарила бошланган. Бу турдаги

---

конструкцияларни ривожи рус олими Г. Г. Карлсен ҳаёти билан узвий 
боғлиқдир. Синтетик полимер смолалар асосида юқори мустаҳкамликка эга
бўлган сувга чидамли елимларни ишлаб чиқарилиши бу турдаги
конструкцияларни янада ривожланишига олиб келган. Ёғочни елимлашда 
олдинроқ фенолформальдегидли, кейинроқ эса ишончли резорцинали 
елимлар, ёғочни металга елимлашда эпокцидли елимлар қўлланилган.
1940-йилларда биринчи марта йирик елимланган ёғоч
конструкцияларидан калий тузи омбори лойиҳаси яратилган ва қурилган. Бу 
омборнинг асосий юк кўтарувчи конструкциялари тортқичсиз
кўрсаткичсимон елимланган ёғочли аркалардир. Аркалар 45 м оралиқли ва 
кўндаланг кесим ўлчамлари 30 ...105 см га тенгдир. 1980 йилларда
Архангельскда асосий юк кўтарувчи конструкциялари оралиғи 63 м ли ва
кўндаланг кесими 32...160 см бўлган елимланган ёғочли сeгментли 
тортқичсиз аркалар ёрдамида спорт саройи қурилган. Елимланган ёғоч 
элементлар кам қаватли турар - жой уйлари конструкцияларида, кичик саноат 
ва жамоат биноларида, автойўл кўприкларида қўлланила бошланган. Шунинг 
билан бирга янги турдаги елимланган ёғоч конструкциялари бирикмалари 
яратилган ва тадкик қилинган, жумладан ичида елимлаб маҳкамланган
пўлат стерженли тўсинлар, тахталарни бириктириш учун пўлат тишли
пластинкалар ва ҳоказо. Франция ва Америкада яхлит ёғоч элементли катта 
бўлмаган ҳамда йирик оралиқли елимланган ёғоч аркасимон фазовий
конструкциялар кенг қўлланила бошланган. Франциянинг Пуатье шаҳрида
қурилган трибунали спортзал бунга мисол бўла олади. Бу иншоот режада 
овал кўринишида, том ёпмасининг асосий юк кўтарувчи конструкцияси-
оралиғи 75 метр бўлган елимланган ёғоч аркадир.
1.5-расм.-расм. ХХ асрда Россия худудида қурилган биринчи йирик
елимланган ёғоч конструкцияларининг схемалари. 
ХХ асрда Россия худудида қурилган биринчи йирик елимланган ёғоч 
конструкцияларининг схемалари. Американинг Бозман шаҳридаги спортзал 
том ёпмаси сферасимон гумбаздир. Гумбаз, оралиғи 91,5 метр ва баландлиги
15 метр бўлган кўп бурчакли таянч ҳалкасига таянувчи марказлашган
елимланган ёғоч қобирғали аркалардан ташкил топган. Солт-Лейк-Сити
шаҳридаги(АҚШ) спортзал том ёпмаси тўрсимон учбурчак ячейкали
елимланган ёғоч конструкцияли, диаметри 150 м ва баландлиги 38 м
бўлган пўлат таянч халқага таянадиган гумбаздир.