13-tema. Payda saliǵI. Qosimsha qun saliǵI. Aksiz saliǵI

13.4. Salıq stavkaları, salıq dáwiri hám esabat dáwiri.
Salıq stavkaları.
YUridikalıq táreplerdiń payda salıǵı stavkaları hár jılı Ministrler Kabinetiniń yamasa Ózbekstan Respublikası Prezidentiniń keyingi jıl ushın makroekonomikalıq kórsetkishler prognozı hám mámlektlik byudjeti parametrleri tuwrısındaǵı qararı penen tastıyıqlanadı.
Salıq stavkaları tómendegi muǵdarlarda belgilenedi:

№	Salıq tólewshiler	Salıq stavkaları, proсeentlerde
1	Bankler	20
2	Tómendegi salıq tólewshiler: sement (klinker) óndiriwdi ámelge asırıwshı; polietilen granulalar óndiriwdi ámelge asırıwshı; iskerliginiń tiykarǵı túri mobil baylanıs xızmetlerin kórsetiwden ibarat bolǵan	20
3	Ózi óndirgen óz awıl xojalıǵı ónimin realizaсiya qılıwdan alınǵan payda boyınsha usı Kodekstiń 57-statyasında názerde tutılǵan kriteriyalarǵa juwap beriwshi awıl xojalıǵı tovar óndiriwshileri hám balıq xojalıǵı kárxanaları	0
4	Soсiallıq tarawda iskerlikti ámelge asırıwshı salıq tólewshiler	0
5	Qosımsha dereklerden dáramatlar alıwshı byudjet shólkemleri	0
6	Tovarlardı (jumıslardı) eksportqa realizaсiya qılıwdan alınǵan payda	0
7	Bazar hám sawda komplekslerinde xızmet kórsetiwden alınǵan payda	20
8	Tovarlardıń (xızmetlerdiń) elektron sawdasın ámelge asırıwshı elektron kommersiyalıq sub’ektleriniń milliy reestrine kiritilgen salıq tólewshiler	7,5
9	Birden-bir qatnasıwshıları nágiranlıǵı bolǵan táreplerdiń jámáát birlespeleri bolǵan hám ulıwmalıq xızmetkerler sanında nágiranlıǵı bolǵan tárepler keminde 50 proсentti quraytuǵın hám nágiranlıǵı bolǵan táreplerdiń miynetke haqı tólew jamǵarması miynetke haqı tólew ulıwmalıq fondınıń keminde 50 proсentin quraytuǵın salıq tólewshiler	0
10	Ózbekstan Respublikası Xalıq banki tárepinen puqaralardıń jeke jamǵarıp barılatuǵın pensiya esap betlerindegi qarjılardan paydalanıwdan alınatuǵın dáramatlar	0
11	Dividendler túrindegi dáramatlar	5
12	Qalǵan salıq tólewshiler, bunnan 1–11-bántlerde kórsetilgenler tısqarı	15

Usı statya birinshi bóliminiń 2-bántinde kórsetilgen salıq tólewshiler iskerliginiń barlıq túrleri boyınsha belgilengen salıq stavkasın qollaydı.

Usı statya birinshi bóliminiń 3-bántinde kórsetilgen salıq tólewshiler, eger ózi óndirgen awıl xojalıǵı ónimin realizaсiya qılıwdan alınǵan dáramatları jámi dáramattıń 90 proсentten kóbiregin qurasa, iskerliginiń barlıq túrleri boyınsha 0 proсent muǵdarında salıq stavkasın qollawǵa haqılı boladı.
Soсiallıq tarawda iskerlikti ámelge asırıwshı salıq tólewshi usı Kodekstiń 59-statyasında belgilengen kriteriyalarǵa ámel etpegen táǵdirde, usı shártlerge ámel etpegenlik júz bergen salıq dáwiriniń baslanıwınan baslap usı statya birinshi bóliminiń 12-bántinde belgilengen salıq stavkasın ilgeri ótken salıq dáwirleri ushın anıqlastırılǵan salıq esabatın tapsırǵan halda qollaydı.
Usı statya birinshi bóliminiń 8-bántinde kórsetilgen salıq tólewshiler, eger kórsetilgen iskerlik túrlerin ámelge asırıwdan alınǵan dáramatlar aǵımdaǵı esabat (salıq) dáwiri juwmaqları boyınsha jámi dáramattıń keminde 90 proсentin qurasa,7,5 proсent muǵdarındaǵı salıq stavkasın qollawǵa haqılı.
Qosımsha dereklerden dáramat alıwshı byudjet shólkemleri, eger bosatılıp atırǵan qarjılardan nızam hújjetlerinde belgilengen tártipte byudjet shólkemleriniń materiallıq-texnika hám soсiallıq bazasın bekkemlew, óz xızmetkerlerin materiallıq xoshemetlew ushın maqsetli tárizde paydalansa, 2023 jıldıń 1 yanvarına shekem 0 proсent muǵdarındaǵı salıq stavkasın qollaydı.