13-tema. Payda saliǵI. Qosimsha qun saliǵI. Aksiz saliǵI

13.5. Salıqtı esaplap shıǵarıw hám esap-kitaplardı tapsırıw hámde tólew tártibi
Salıqtı esaplap shıǵarıw hám salıq esabatın tapsırıw tártibi
Esabat (salıq) dáwiriniń juwmaqları boyınsha salıq summası salıq tólewshi tárepinen ǵárezsiz ráwishte anıqlanadı.
Esabat dáwiri juwmaqları boyınsha salıq summası salıq dáwiriniń basınan asıp barıwshı juwmaq penen, eger usı statyada basqasha qaǵıyda belgilenbegen bolsa, salıq bazasınıń salıq stavkasına muwapıq bolǵan proсentlerdegi úlesi sıpatında esaplap shıǵarıladı.
Salıq tólewshi usı Kodekstiń 342-statyasında belgilengen jaǵdayylarda hám tártipte payda salıǵın yamasa sırt mámlekette tólengen dáramatlarınan alınatuǵın tap sonday túrdegi tólengen salıqtı esapqa ótkiziw jolı menen salıq summasın kemeyittiriwge haqılı.
Eger usı statyada basqasha qaǵıyda belgilenbegen bolsa, salıq esabatı barlıq salıq tólewshiler tárepinen hár bir esabat hám salıq dáwiri ótkennen keyin salıq boyınsha esapta turǵan jayındaǵı salıq organına tapsırıladı.
Eger usı statyada basqasha qaǵıyda belgilenbegen bolsa, salıq esabatı tómendegi múddetlerde tapsırıladı:
1) esabat dáwiri juwmaqları boyınsha – esabat dáwirinen keyingi aydıń jigirmanshı kúninen keshiktirmey;
2) salıq dáwiri juwmaqları boyınsha – salıq dáwiri ótkennen keyingi jıldıń 1 martınan keshiktirmey.
Byudjet shólkemleri hám mámleketlik emes kommersiyalıq emes shólkemleri tárepinen salıq boyınsha salıq esabatı salıq dáwiri juwmaqlarına kóre tapsırıladı, bunnan tutınıw kooperativleri tısqarı. Bunda ótken salıq dáwiri juwmaqları boyınsha jámi dáramat bar bolmaǵan táǵdirde salıq esabatın tapsırıw talap qılınbaydı.
Salıq agentleri tárepinen salıqtı esaplap shıǵarıw tartibi
Salıq bazası salıq tólewge shekem hár bir dáramattı tólew waqtında salıq agenti tárepinen óz-aldına anıqlanadı.
Rezident emestiń Ózbekstan Respublikasındaǵı dereklerden alınǵan dáramatlarına salınatuǵın salıq summası usı Kodekstiń 356-statyasında názerde tutılǵan ózine tán ózgesheliklerdi esapqa alǵan halda salıq bazasınıń salıq stavkasına muwapıq bolǵan proсenttegi úlesi sıpatında esaplap shıǵarıladı.
Salıq summası Ózbekstan Respublikasınıń rezidenti emesine dáramattı tólew sánesindegi Ózbekstan Respublikası Oraylıq banki tárepinen belgilengen kurs boyınsha milliy valyutada, usı Kodekstiń 356-statyasında názerde tutılǵan ózine tán ózgesheliklerdi inábatqa alǵan halda esaplap shıǵarıladı hám tólenedi.
Rezident emeslerge tólenetuǵın dáramatlarınan alınatuǵın salıq summasın esaplap shıǵarıw hám uslap qalıw salıq agenti tárepinen dáramatlardıń barlıq túrleri boyınsha ámelge asırıladı, bunnan tómendegi jaǵdaylar tısqarı, eger:
1) salıq agenti rezident emes tárepinen tólenetuǵın dáramat rezident emestiń Ózbekstan Respublikasındaǵı turaqlı mákemesine tiyisli ekenligi hám salıq agentiniń erkinde rezident emes salıq organında rezident emestiń turaqlı mákemesi sıpatında esapta turǵanlıǵı tuwrısında salıq organı tárepinen tastıyıqlanǵan maǵlıwmatnama bar ekenligi haqqında xabardar qılınǵan bolsa;
2) rezident emeske tólenetuǵın dáramatqa salıstırmalı usı Kodekstiń 353-statyasında 0 proсentli salıq stavkası názerde tutılǵan bolsa;
3) ónim bólistiriwi tuwrısındaǵı kelisimlerdi orınlawda alınǵan dáramatlar tólenetuǵın bolsa, eger Ózbekstan Respublikasınıń nızam hújjetlerinde bunday dáramatlardı salıq salıwdan azat etiw názerde tutılǵan bolsa;
4) Ózbekstan Respublikasınıń qollanılatuǵın xalıq-aralıq shártnamalarına muwapıq Ózbekstan Respublikasında salıq salınbaytuǵın dáramatlar tólenetuǵın bolsa, eger tiyisli dáramattı alıw ushın haqıyqıy huqıqqa iye bolǵan rezident emes tárepinen salıq agentine usı Kodekstiń 358-statyasında názerde tutılǵan tastıyıqnama tapsırılǵan bolsa.