15-mavzu. Korxonalarning elektr ta’minoti asoslari

YAgona energetik tizimlar.

YAgona energetik tizimlar (YAET) regional energotizimlarga nisbatan qator afzalliklarga egadir:

1) Energota’minotning maksimal ishonchliligi;
2) Quvvat bilan manevrlash imkoni borligi;
3) Energiya sifatining yuqoriligi;
4) Energiya manbalari quvvatining maksimal konsentratsiyaga erishish imkoniyati.
YAgona energetik tizimlarning butun elektroenergiyasining taxminan 2/3 qismi sanoat korxonalari tomonidan iste’mol qilinadi. Sanoat korxonalarining elektr ta’minoti sxemasi pog’onali tamoyilda quriladi, pog’onalar soni korxonaning quvvatiga va ayrim elektroenergiya iste’molchilarining joylashinish sxemasiga bog’liq bo’ladi.

16.2-rasm. Sanoat tumanining elektr ta’minoti

Birinchi pog’onada energotizim kuchlanishi bosh podstansiyaga keltirilib, 220 kV dan 10-6 kVgacha kamaytiriladi (13.2-rasm). Ikkinchi pog’ona tarmoqlari bu kuchlanishni sex transformator podstansiyalariga uzatadi, bu yerda u iste’molchilar kuchlanishigacha pasaytiriladi. Uchinchi pog’ona tarmoqlari esa sex podstansiyalari kuchlanishini ayrim iste’molchilar orasida taqsimlaydi. Ko’pchilik korxonalar kuchlanishi 380/220 V bo’lgan uch fazali tarmoqlardan foydalanadi. Elektr ta’minotining ishonchliligini oshirish maqsadida iste’molchilarning ikki mustaqil tarmoqdan iste’mol olishi va elektroenergiyaning avtomatik ulanadigan rezerv manbasini ishga solish nazarda tutiladi.

Nazorat savollari

1. 
   Elektr energiya ta’minotini izoxlang.
   
2. 
   Transformator podstansiyasi qanday vazifani bajaradi?
   
3. 
   Elektr tarmoq deb nimaga aytiladi?
   
4. 
   Energetik tizimni izohlang.
   
5. 
   Elektrouzatish liniyalari qanday vazifani bajaradi?
   
6. 
   YAgona energetik tizimlarqanday afzalliklarga ega?
   
7. 
   Sanoat korxonalarining elektr ta’minoti sxemasi qanday tamoyilda quriladi?