15-тема. Халықты социаллық ҚОРҒАЎ системасы

Мийнет ресурсларының есабат балансы - ҳәр бир жыл жуўмақлары бойынша тастыйықланған статистика ислери дәстүрине муўапық Мәмлекетлик статистика комитети тәрепинен ислеп шығылады.
5.1-кесте
Мийнет ресурсларының есабат балансы көрсеткишлери

Көрсеткишлер	Жәми	Қала	Аўыл
I. Барлық мийнет ресурслары
соннан:
Мийнет жасындағы мийнетке қәбилетли халық
Ислеп атырған өспиримлер ҳәм пенсионерлер
II. Мийнет ресурсларының бөлиниўи
II.1. Экономикалық актив халық
соннан:
1. Жумыс пенен бәнтлер
соннан:
Рәсмий секторда
Рәсмий емес секторда
2. Жумыс пенен бәнт болмаған, жумысқа жайласыўға мүтәж шахслар
соннан:
Рәсмий дизимнен өткен жумысшылар
Мийнет органларында жумыс излеп атырған сыпатында есапта турыўшылар
Мийнет органларында дизимнен өтпей ғәрезсиз түрде жумыс излеп атырғанлар
II.2. Экономикалық актив емес халық

Мийнет ресурсларының есабат балансы ҳәр қайсы жыл жуўмақларына қарай Өзбекстан Республикасы, Қарақалпақстан Республикасы, областлар ҳәм Ташкент қаласы бойынша дүзиледи, қала ҳәм аўыл халқына бөлинеди. Оны жоқарыдағы 5.1-кестеде көрсетиў мүмкин.

Мийнет ресурсларының есабат балансы Мәмлекетлик статистика есабаты мағлыўматлары анықластырылыўы есапқа алынған ҳалда есап-санақ баланслары мағлыўматларына тийкарланады.
Мийнет ресурсларының прогноз балансы - болжанып атырған дәўир ушын (мақсетлерге байланыслы ҳалда - 1 жылға, 5, 10 жылға ҳәм т.б.) Экономика министрлиги тәрепинен Мийнет ҳәм халықты социаллық қорғаў министрлиги менен биргеликте ислеп шығылады.
Мийнет ресурсларының прогноз балансын ислеп шығыўда төмендегилер есапқа алынады:

• 
  жумысқа жайластырыўға мүтәж болған мийнет пенен бәнт болмаған халықтың (жумыссызлардың) әмелдеги ҳәм күтилип атырған саны;
  
• 
  ислеп атырғанлар санының белгиленген параметрлери, жумыс пенен бәнтликтиң өсиўи ҳәм инвестиция дәстүрлерин, тармақлар ҳәм регионларды раўажландырыў дәстүрлерин әмелге асырыўдың мөлшерленген нәтийжелери қатнасы менен жумыс пенен бәнтликтиң өсиўи ҳәм оның структуралық өзгериўи;
  
• 
  мийнет ресурслары санын ҳәм экономикалық актив болмаған халықтың түрли топарларын (оқыўшылар, бала бағыў бойынша демалыста болған ҳаяллар ҳәм басқалар) қәлиплестиретуғын келешектеги демографиялық процесслер динамикасы.
  

Мийнет ресурсларының прогноз балансынан регионлардың демографиялық өзгешеликлерин есапқа алған ҳалда жаңа жумыс орынлары шөлкемлестириўге мүтәжликлерди ҳәм келешекте халықты жумыс пенен тәмийинлеўдиң аймақлық дәстүрлери параметрлерин анықлаўда жергиликли мәмлекетлик ҳәкимият органлары тәрепинен пайдаланылады.


Жумысқа жайластырыўға мүтәж мийнет пенен бәнт болмаған халықты регионлар бойынша есаплап шығыў Методикасына
1-қосымша