2- ma’ruza: Bog’lovchi va yuklamalar. Ularning grammatik xususiyatlari. Bog’lovchi, yuklamalarning qo’llanishiga ko’ra turlari. Grammatik ma’no va vazifasiga ko’ra bog’lovchi, yuklamalarning turlari

1) zidlov bog`lovchilari    guruhiga  biroq, ammo, lekin, balki, holbuki kabi  

so`zlar kiradi.  Bu bog`lovchilar  mazmunan  bir-biriga  qarama-qarshi qo`yilgan 

bo`laklarni  yoki gaplarni  bog`lash uchun xizmat  qiladi. 

Biroq, ammo, lekin  bog`lovchilari  gap  bo`laklarini  bog`lab  kelganda  zidlik 

ma’nosini, shu bilan birga, gap mazmunini  to`ldirish, izohlash, qiyoslash uchun ham 

xizmat  qiladi.  Qo`shma  gap  qismlari  tarkibidagi  sodda  gaplarni  bog`lashda  esa 

keyingi  qism avvalgi  qismda aytilgan  fikrga  qarama-qarshi, zid faktlar  ifodalanadi. 

SHuning  uchun  bu  faktlar,  voqea-hodisalardan  faqat  bittasining  bo`layotganini, 

ikkinchisi  inkor  etilganigi  ma’nosi anglashiladi.  Masalan,  Mahallada bolalar ko`p, 

lekin  bir-biriga o`xshamaydi. (O.) Har narsaning yangisi, ammo do`stning  eskisi 

---

4 

 

yaxshi. («Oz-oz  o`rganib dono bo`lur»). O`xshash  mevalarni saralaydi, xidlaydi, 

biroq egisi kelmaydi. (O.) 

Zidlov  bog`lovchilari  gap  boshida  kelib,  avval  aytilgan  fikrga  zid  bo`lgan 

yangi  fikrli  gapni oldingi  gapga bog`laydi: 

Mazmunan  bir-biriga  qarama-qarshi gap bo`laklari  va gaplarni  bog`lashda –da, 

-u  (-yu)  yuklamalari  ham  qo`llanadi.  Sobir  kichkina-yu,  pishiqqina (O.) Bunday 

bog`lovchilar  sodda gaplar  va  bog`langan  qo`shma gaplarda  qo`llanib,  hodisa, ish 

harakat yoki biror predmetni boshqasiga zid qo`yadi va ular orasidagi qarama-qarshi 

munosabatni bildiradi.  Zidlovchi  bog`lovchilardan  lekin, ammo, biroq, holbuki keng 

qo`llaniladi.   

Lekin bog`lovchisi biror predmet, hodisa yoki ish-harakatning  boshqasiga zid, 

qarama-qarshi  qo`yilganligini  ifodalaydi:  O`zi  o`ta  puldor  odammas, lekin  o`ta 

tadbirli.  

 Bu bog`lovchi gapda fikrning  almashinishini  ifodalash uchun ham qo`llanishi 

mumkin.  Bunday  vaqtda  zidlash,  qarama-qarshi  qo`yish  ma`nosi  kuchsizlanadi: 

Gapingiz to`g`ri, lekin masalaning boshqa tomoni ham bor.  

Lekin  bog`lovchisi  bajargan  vazifalarni  uning  sinonimlari  ammo,  biroq, 

holbuki  bog`lovchilari  ham  bajarishi  mumkin.  Bu  bog`lovchilar  ham  so`zlar  va 

ayrim  gaplarni  bir-biriga  bog`lab ish harakat,  holat,  sifat  va shu kabilarda  qarama-

qarshilik,  zidlik  bor  ekanligini  ifodalaydi:  Sovuqqina,  badbashara,  ammo 

oliftanamo  sotuvchi  javondan kitobni  olib  oldimga  tashlaydi.  Osmon  keng,  ufq 

poyonsiz,  dengiz  chuqur,  tabiat  saxiy,  ammo  mana shu  fazilatlarning  hammasi 

birgina ona qalbida mujassam. O`ktam mevalarni saralaydi, hidlaydi, biroq yegisi 

kelmaydi.  

 Bu  bog’lovchilar  (ayniqsa  ammo  bog’lovchisi)  ish-harakat,  holat  va 

hodisalarning  o’xshash  emasligi,  farqi  jihatdan  qiyoslab,  birini  ikkinchisiga  zid 

qo’yadi: Kumushbibi endi o’n yettini qo’yib, o’n sakkizga qadam bosganlikdan bo’yi 

ham onasiga yeta yozgan, ammo yosh jihatdan bularning farqi katta edi. 

---

5 

 

Zidlovchi  bog’lovchilar ayrim  gaplarning  boshida ham keladi  va o’zidan oldin 

kelgan  gapning  mazmunan  keyingi  gapga  zid,  qarama-qarshi  ekanini  ko’rsatadi: 

O’ktam hovlida yurib ro’zg’orga razm soldi. Lekin avvalgidek qo’r-qut sezmadi.  

Zidlovchi  bog’lovchilardan  ammo,  lekin  bog’lovchilari  qavat  kelib,  ammo, 

lekin  tarzida  ham  qo’llaniladi.  Bunday  qo’llanish  asosan,  so’zlashuv  tiliga  xos 

bo’lsada, u hozirgi  kunda badiiy adabiyot tilida  ham uchramoqda: ...bir oy Salomat 

opa, bir oy  Karomat muharrir bo`ldi. Ammo lekin Salomat opamning gazetasi har 

safar tanqidga uchraydi. 

Balki bog`lovchisi predmet, shaxs yoki  ish harakat  orasidagi zid  munosabatni 

bildiradi.  Gapning  umumiy  ma`nosini  kuchaytiradi:  U ikki, balki uch yildan buyon 

o`z to`yini  kutar edi. 

Balki  ba`zan  ehtimollik  gumon,  ishonchsizlik  ma`nolarini  anglatadi:  Zaif 

yuragim, balki chindan ham ko`tara olmasdi. Balki  bog`lovchisi gapda mazmunan 

zid  bo`laklarni  bog`lash  uchun  ham  qo`llanadi:  Bu qir  Astraxan  yoki  Sal qirlari 

singari  tep-tekis  emas,  balki  past-baland  qirlar  edi.  Balki    bog`lovchisi 

yuqoridagidek  qarama-qarshi  ma`noli  gap  bo`laklari  orasida  kelganda,  tushirilib 

qoldirilishi,  qo`llanmasligi  ham  mumkin.  Lekin  bunday chog`da gapning  umumiy 

mazmuniga  halal  etmasa  ham,  ta’kid,  ajratib  ko`rsatish  ma`nosi  yo`qoladi:  Bu qir 

Astraxan yoki Sal qirlari singari tep-tekis emas, past-baland qirlar edi kabi. 

O`zbek adabiy tili  uchun norma darajasiga  ko`tarilmagan  bo`lishiga  qaramay, 

a  bog`lovchisi  badiiy  adabiyot  tilida  uchramoqda.  Bu  bog`lovchi  sodda  yoki 

qo`shma gaplarni  bog`lab, ular  orasidagi  zid  munosabatlarni  ifodalaydi:  O’ktamoy 

mening o’rtog’im, juda epchil ayol... kotletni u pishirsin, a o’zbegimizning taomlari 

- kabob va palovdan tortib noringacha - do`ndirib yuboradi.