2-amaliy mashg‘ulot texnologik sxemalarni tanlashda asosiy shartlari va liniya, sex yoki zavodning ishlash grafigi

2-AMALIY MASHG‘ULOT
Texnologik sxemalarni tanlashda asosiy shartlari va liniya, sex yoki zavodning ishlash grafigi
Darsning maqsadi: Texnologik sxemalarni tanlashda asosiy shartlari va liniya, sex yoki zavodning ishlash grafigi bilan tanishish va o‘rganish

Tayanch iboralar: Liniya, sex ishlash grafigi, xom ashyo hisobi, sarflash me’yori texnologik sxemalar.


Texnologik sxemalarni tanlashda asosiy shartlar. Loyihalanadigan texnologiya eng avval mahsulotni yuqori sifatini ta’minlash lozim. Muhim ko‘rsatkichlardan biri mahsulotning chiqishi, yuqori sifatli mahsulot ishlab chiqarish bilan chiqindilar va yuqotishlar kam bo‘lishi kerak. Tanlangan texnologik sxema tuliq yoki qisman mexanizatsiyalashgan va avtomatlashtirilgan bo‘lishi shart. Keyingi shart - texnologik sxemalar ratsional bo‘lishi kerak, ya’ni elektroenergiya, bug‘, suv, sovuqlik, ishchi kuchni minimal miqdorda, talab qilishi kerak. Texnologik sxemalarda barcha jarayonlar ketma-ket joylashadi, qushimcha komponentlar, konserva idishlar kelishi, chiqindilarni olib ketilishi ko‘rsatiladi. Masalan, olma sharbatini ishlab chiqarish liniyasi:
1- variant: olma – yuvish, saralash, maydalash, presslash, tindirish, filtrlash, deaeratsiya, qadoqlash, yopish, sterilizatsiya.
2- variant: olma – yuvish, saralash, maydalash, presslash, separatordan o‘tkazish, tindirish, qizdirish, filtrlash, qizdirish, sovutish, qadoqlash, yopish.
Liniya, sex yoki zavodning ishlash grafigi. Ushbu grafik bo‘yicha bir sutka, bir yil va xar oyda smenalar soni xar bir konservalar turi uchun aniqlanadi. Zavod bo‘yicha ish grafigi xom ashyo kelib tushish grafigi bo‘yicha tuzuladi. Mavsumda kelib tushadigan xom ashyoni qayta ishlash uchun uch smenali ish rejalashtiriladi. Tomat-pasta, tomat- pyure, sabzavot va meva sharbatlari, meva sharbatlari (yarimfabrikatlar), mevali pyure, ko‘k no‘xat, gazakbop konservalarni ishlab chiqarish uchun 3 smenali (o‘zluqsiz) ish rejimi rejalashtiriladi. Mavsumning boshida va oxirida ( 5-10 kun). xom ashyo kam miqdorda kelib tushganda bu liniyalar 1-2 smenada ishlaydi.
Uzoq vaqt saqlanadigan xom ashyo (ildiz mevalar)ni qayta ishlash uchun, mexnatni ko‘p talab qiladigan konservalari (murrabo, kompot, marinad) 2 smenada ishlab chiqariladi.
Xom ashyo yil davomida olib kelinsa, sex 1 yoki 2 smenada ishlaydi. Masalan, qish mavsumida yarim fabrikat xolda bo‘lgan tomat-pasta, meva sharbatlari qayta ishlanadi va mayda idishlarga qadoklanadi..
Saqlash muddati 36 s. cha bo‘lgan meva va sabzavotlarni qayta ishlash uchun oyidagi ish kunlar soni 25, smena davomiyligi 7s; qolgan xom ashyo va yarim fabrikatlar uchun bu ko‘rsatkichlar 20 kun va 8 soatni tashkil etadi.
Texnologik sxemalar tasdiqlangan ishlab chiqarish yo‘riqnomalari, tegishli adabiyotlar va ilg‘or korxonalarning yutuqlari asosida tanlab olinadi. Loyihalanadigan texnologiya eng avval mahsulotning yuqori sifatini ta’minlash lozim. Masalan, meva sharbatini (etsiz) presslash yoki diffuzion usul bilan tayyorlash mumkin. Diffuzion usulda sharbat ko‘p miqdorda olinadi, lekin uning sifati presslangan sharbatning sifatidan ancha past bo‘ladi. Shu sababli ichimlik sharbatlari faqat presslash usuli, yarim fabrikat sharbatlar esa diffuzion usul bilan olinadi.
Muhim ko‘rsatkichlardan biri – mahsulotning chiqishi. Yuqori sifatli mahsulot ishlab chiqarish bilan chiqindilar va yo‘qotishlar kam bo‘lganligi, texnologik sxema yaxshi tanlanganligini ko‘rsatadi. Masalan, tomat xalimini ishlab chiqarishda xom ashyo qirg‘ichga tushishdan oldin qizdirilmaganda chiqindilar 4-4,5%, qizdirilganda esa 12-13% ni tashkil etadi.
Uzluksiz ishlaydigan texnologik sxema davriy sxemadan qulayroqdir. Uzluksiz sxemada texnologik uskunalarning uzluksiz ishlashi sababli korxonaning ishlab chiqarish quvvati oshadi, xom ashyolarni o‘z vaqtida qayta ishlanganligi sababli yo‘qotishlarning umumiy miqdori ham kamayadi.