2-band O‘zbekiston Respublikasi Vazirlar Mahkamasining 2017-yil 6-apreldagi 187-sonli qaroriga asosan 2020-yilning 1-sentabridan o‘z kuchini yo‘qotadi O‘r qht, 2017-y

O‘ZBEKISTON DAVLAT STANDARTI
GOSUDARSTVENNIY STANDART UZBEKISTANA

O‘zbekiston Respublikasi uzluksiz ta’lim tizimining davlat ta’lim standarti
Gosudarstvenniy obrazovatelniy standart sistemi neprerivnogo obrazovaniya Respubliki Uzbekistan
Ta’limning barcha bosqichlari bitiruvchilarining chet tillari bo‘yicha tayyorgarlik darajasiga qo‘yiladigan
TALABLAR
TREBOVANIYA
k urovnyu podgotovlennosti vipusknikov vsex stupeney obrazovaniya po inostrannim yazikam

UMUMIY QOIDALAR
Davlat ta’lim standartlari o‘quvchi va talabalarning chet tillar bo‘yicha bilim va tayyorgarlik darajalarini belgilab beradi, o‘quv reja va dasturlar, darsliklar, qo‘llanmalarni ishlab chiqishda asos bo‘lib xizmat qiladi.
Chet tillar bo‘yicha davlat ta’lim standartini ishlab chiqishda quyidagi me’yoriy va qonun hujjatlari asos qilib olindi:
O‘zbekiston Respublikasi Konstitutsiyasi;
Birlashgan millatlar tashkilotining bola huquqlari to‘g‘risidagi konvensiyasi;
O‘zbekiston Respublikasining “Ta’lim to‘g‘risida”, “Kadrlar tayyorlash milliy dasturi to‘g‘risida”gi qonunlari;
O‘zbekiston Respublikasi Prezidentining “Chet tillarni o‘rganish tizimini yanada takomillashtirish chora-tadbirlari to‘g‘risida” 2012-yil 10-dekabrdagi PQ-1875-son qarori;
O‘zbekiston Respublikasi Vazirlar Mahkamasining “Umumiy o‘rta ta’lim davlat standartlarini tasdiqlash to‘g‘risida” 1999-yil 16-avgustdagi 390-son va “O‘rta maxsus ta’lim davlat standartlarini tasdiqlash to‘g‘risida” 2000-yil 16-oktabrdagi 400-son qarorlari;
— O`z DSt 1.0:1998. O‘zbekiston Respublikasi davlat standartlashtirish tizimi. Asosiy qoidalar;
— O`z DSt 1.1:1992. O‘zbekiston standartlashtirish tizimi. Davlat standartlarini ishlab chiqish, kelishish, tasdiqlash va davlat ro‘yxatidan o‘tkazish tartibi;
— O`z DSt 1.9:1995. O‘zbekiston Respublikasi standartlashtirish davlat tizimi. Tarmoq standartlarini ishlab chiqish, kelishib olish, tasdiqlash va ro‘yxatga olish tartibi;
— O`z DSt 1157:2008. Hujjatlarni unifikatsiyalashtirish tizimi. Tashkiliy-farmoyish hujjatlar tizimi. Hujjatlarni rasmiylashtirishga bo‘lgan talablar.
O‘zbekiston Respublikasi uzluksiz ta’lim tizimida Davlat ta’lim standartlariga asoslangan holda chet tilini o‘rganish quyidagi bosqichlarda amalga oshiriladi: