2-bob. Departamentning asosiy vazifalari va funksiyalari

2-bob. Departamentning asosiy vazifalari va funksiyalari

4. Departamentning asosiy vazifalari quyidagilar hisoblanadi:

a) budjet siyosatini yuritish va konsolidatsiyalashgan budjetni shakllantirish;
b) davlat byudjeti ijrosi hisobotini shakllantirish hamda kredit liniyalari va byudjet ssudalari holatini monitoring qilish;
c) budjetlararo munosabatlarni tartibga solish va davlat maqsadli jamgъarmalari budjetlarining ijrosi monitoringini yuritish;
d) davlat budjetining balansli ijrosini ta’minlash;
e) davlat moliyaviy statistikasini yuritish va budjet ochiqligini ta’minlash;
f) budjet xarajatlari samaradorligini baholash va budjetni rejalashtirishning dasturiy-maqsadli uslublarini joriy etish;
g) budjet jarayoni va hisobi uslubiyoti shakllantirish va takomillashtirish;
h) ichki audit xizmatlari bilan ishlash;
i) qonunchilikka muvofiq boshqa vazifalar.
5. Departament unga yuklangan vazifalarga muvofiq quyidagi funksiyalarni bajaradi:
a) budjet siyosatini yuritish va konsolidatsiyalashgan budjetni shakllantirish bo‘yicha:
ijtimoiy-iqtisodiy rivojlanishning ustuvor yo'nalishlari va makroiqtisodiy ko'rsatkichlar prognozidan kelib chiqib, kelgusi moliya yili uchun (o'rta muddatli) budjet siyosatining asosiy yo'nalishlarini ishlab chiqishni muvofiqlashtiradi;
budjet tashkilotlariga, budjet mablag'larini oluvchilarga va budjet mablag'larini taqsimlovchilarga kelgusi davr va o'rta muddatli istiqbol uchun budjet so'rovini tuzish tartibini yo'llaydi;
iqtisodiyot va ijtimoiy sohada amalga oshirilayotgan islohotlarni hisobga olgan holda davlat хarajatlari tarkibini takomillashtirish bo'yicha takliflar tayyorlaydi;
vazirlikni tarmoq boshqarmalari va davlat maqsadli jamg'armalari tomonidan taqdim etilgan kelgusi yil uchun Davlat budjeti хarajatlari loyihasini ko'rib chiqadi va jamlaydi;
Budjet kodeksiga muvofiq soliq-budjet siyosatini takomillashtirish bo'yicha konsyeptual takliflar, asosiy makroiqtisodiy ko'rsatkichlar prognozi asosida Budjetnomani tayyorlaydi;
Budjetni rejalashtirish, budjet tashkilotlari va budjetdan mablag' oluvchilar хarajatlarini moliyalashtirishni tartibini ishlab chiqish va takomillashtiradi;
Vazirlik va idoralar, budjet tashkilotlari va budjet mablag'larini oluvchilar so'roviga binoan Davlat budjeti loyihasini tayyorlash bilan bog'liq malalalarga izoh beradi;
kelgusi davr uchun budjet so'rovini tuzish tartibini ishlab chiqish hamda budjet mablag'larini taqsimlovchilarga va Qoraqalpog'iston Respublikasi Vazirlar Kengashiga, viloyatlar va Toshkent shahar hokimlariga yetkazish uchun vazirlikning tarmoq boshqarmalariga taqdim qiladi;
o'z vakolatlari doirasida хalqaro moliya institutlariga tatsqdim etish uchun budjet materiallarini tayyorlashda ishtirok etadi;
vazirlik tarmoq boshqarmalari tomonidan respublika budjetining хarajatlari yoyilmasini tuzish va tasdiqlash bo'yicha ishlarni tashkil etadi;
O'zbekiston Respublikasi Davlat budjeti, shuningdek respublika budjeti daromadlari va хarajatlari yoyilmasini shakllantiradi;
ilmiy tadqiqot muassasalari bilan birgalikda davlat moliyasini boshqarish va budjet siyosatini takomillashtirish sohasida ilmiy tadqiqotlarni tashkil etadi;
budjet mablag'larini moliyalashtirishning maqsadga muvofiqligi, hajmining asosligi, shuningdek moliyalashtirish manbalarini aniqlash bo'yicha normativ-huquqiy hujjat va loyihalarni qonunchilikda belgilangan tartibda moliyaviy ekspertizadan o'tkazadi;
b) davlat byudjeti ijrosi hisobotini shakllantirish hamda kredit liniyalari va byudjet ssudalari holatini monitoring qilish bo‘yicha:
O'zbekiston Respublikasi respublika byudjeti ijrosining byudjet hisobini yuritadi;
Moliya vazirligi G'aznachiligida O'zbekiston Respublikasi respublika byudjetining kassa ijrosini tashkil qiladi va yuritadi;
O‘zbekiston Respublikasi Moliya vazirligi, hududiy moliya organlari, vazirliklar, idoralar va davlat qo‘mitalardan O‘zbekiston Respublikasi Davlat byudjetining ijrosi to‘g‘risidagi hisobotni tuzish uchun zarur hisobotlarni va boshqa materiallarni oladi;
byudjet hisobi va hisobotini tartibga soluvchi normativ hujjatlarni ishlab chiqadi (ishlab chiqishda ishtirok etadi);
davlat byudjetining ijrosi bo'yicha buxgalteriya hisoboti va hisobot shakllarini, shuningdek byudjet tashkilotlari va byudjet mablag'larini oluvchilarning moliyaviy hisobotlarini tog’ri shakllantirilganligini tekshiradi va qabul qilib oladi;
Moliya vazirligi hamda moliya organlari bo'limlari va idoralarining byudjet hisobini yuritish va O'zbekiston Respublikasi Davlat byudjetining ijrosi to'g'risidagi hisobotni yuritish bo'yicha ishlarini muvofiqlashtiradi;
buxgalteriya hisobini tashkil etilishini, O'zbekiston Respublikasining respublika byudjeti, Qoraqalpog'iston Respublikasi byudjeti va mahalliy byudjetlarning ijrosi to'g'risidagi hisobotlarni tayyorlash va taqdim etilishini ta'minlaydi;
O'zbekiston Respublikasi Moliya vazirligi, Qoraqalpog'iston Respublikasi Moliya vazirligi, moliya boshqarmalari G'aznachiligi, shuningdek byudjet mablag'lari oluvchilar tomonidan taqdim etilgan hisobotlarni tayyorlashni tahlil qiladi;
vazirlik hay'atining ish rejasiga, shuningdek, rahbariyatining qaroriga binoan tegishli masalalarni o'rganadi, normativ hujjatlar bilan belgilangan hujjatlarni ko'rib chiqishga tayyorlaydi, belgilangan tartibda rahbariyat ko'rib chiqishi uchun taqdim etadi;
O'zbekiston Respublikasi Moliya vazirligining Departament va boshqarmalari bilan birgalikda O'zbekiston Respublikasi Davlat byudjetining ijrosini tahlil qilish bo'yicha ishlarni amalga oshiradi;
tegishli davrda Davlat byudjeti va davlat maqsadli jamg'armalari byudjetlarining ijrosi to'g'risida hisobotni O'zbekiston Respublikasi Vazirlar Mahkamasiga taqdim etish uchun tayyorlaydi;
byudjet hisobi va hisoboti bo'yicha me'yoriy-huquqiy hujjatlarning moliyaviy ekspertizadan o'tkazadi;