2-bob. Departamentning asosiy vazifalari va funksiyalari

c) budjetlararo munosabatlarni tartibga solish va davlat maqsadli jamg’armalari budjetlarining ijrosi monitoringini yuritish bo‘yicha:
budjetlararo munosabatlarni takomillashtirish, mahalliy budjetlarning daromadlari va xarajatlari balansini mustahkamlash, shuningdek, daromadlar qismini mustahkamlash va ularning keyingi yil budjet siyosati loyihasiga kiritish uchun ularning yuqori budjetlarga bog’liqligini kamaytirish bo’yicha hududiy moliya boshqarmasi va boshqa bo’lim va idoralarning takliflarini ko’rib chiqadi va umumlashtiradi;
Qoraqalpog’iston Respublikasi budjeti, viloyatlar va Toshkent shahar mahalliy budjetlari, shuningdek transfertlar va o’tkaziladigan daromadlarning maksimal miqdorini ko’rib chiqadi;
hududlarni rivojlantirish dasturlarining bajarilishini va hududlarning daromad salohiyatidan foydalanishning to’liqligini hisobga olgan holda mahalliy budjetlarning shakllanishi va bajarilishini tahlil qiladi;
mahalliy budjetlar xarajatlari tarkibini o’rganish va ayrim xarajatlarni tegishli budjetlarga o’tkazish va tayinlash maqsadga muvofiqligi to’g’risida takliflar tayyorlaydi;
transfertlar, o’tkazilgan daromadlarni, o’zaro hisob-kitoblarni ko’rib chiqadi;
budjetlararo transfertlarni taqdim etish (ajratish) tartibini takomillashtirishni ta’minlaydi;
vazirliklar va idoralar bilan birgalikda ushbu maqsadli mablag’larga ajratmalarning hajmi va tartibini belgilash bo’yicha davlat maqsadli va boshqa budjetdan tashqari jamg’armalarining budjetlarini shakllantirish va ulardan foydalanish bo’yicha takliflarni tayyorlaydi va O’zbekiston Respublikasi Vazirlar Mahkamasiga kiritadi;
davlat maqsadli va boshqa budjetdan tashqari jamg’armalar budjetlarining loyihalarini ko’rib chiqadi; normativ-huquqiy hujjatlarning ularni moliyalashtirishning maqsadga muvofiqligi, hajmining asosliligi, shuningdek moliyalashtirish manbalari bo’yicha ekspertizasini o’tkazadi;
d) davlat budjetining balansli ijrosini ta’minlash bo‘yicha:
O'zbekiston Respublikasi respublika budjeti хarajatlariga o'zgartirishlar kiritadi;
Qoraqalpog'iston Respublikasi Vazirlar Kengashining, viloyatlar va Toshkent shahar hokimliklarining Qoraqalpog'iston Respublikasi budjetining, viloyatlar va Toshkent shahar mahalliy budjetlarining tasdiqlangan parametrlariga o'zgartirishlar kiritish to'g'risida takliflarini ko'rib chiqadi;
Davlat budjeti, O'zbekiston Respublikasi respublika budjeti va davlat maqsadli jamg'armalari parametrlariga o'zgartirish to'g'risidagi rahbariyatga takliflar kiritadi;
Davlat budjeti хarajatlarining bo'yicha choraklik va yillik aniqlangan reja ko'rsatkichlarini ko'rib chiqadi;
O'zbekiston Respublikasi Moliya vazirligi aхborot tizimiga kiritilgan o'zgartirishlarni monitoring qiladi;
O'zbekiston Respublikasi Moliya vazirligi boshqarmalari va hududiy moliya organlari bilan birgalikda O'zbekiston Respublikasi Davlat budjeti ijrosi jarayonini tahlil qiladi;
Davlat budjeti ijrosi to'g'risidagi (yillik, choraklik) hisobotlarni tayyorlaydi va uni O'zbekiston Respublikasi Vazirlar Mahkamasiga taqdim etadi;
e) davlat moliyaviy statistikasini yuritish va budjet ochiqligini ta’minlash bo‘yicha:
Davlat moliyasi statistikasini tashkil etish uchun zarur bo’lgan ma’lumotlarni taqdim etish tartibi yuzasidan normativ-huquqiy hujjatlarni ishlab chiqishda ishtirok etadi (xalqaro standartlarga muvofiq choraklik moliyaviy statistik hisobotlarni taqdim etish muddatlarining shakllari);
Xalqaro valyuta jamg’armasi talablariga muvofiq davlat moliyaviy statistikasini (iqtisodiy va funktsional tasniflar bo’yicha) tayyorlaydi hamda yuritadi;
“Ochiq budjet” axborot portalini axborot, uslubiy, texnik jihatdan qo’llab-quvvatlaydi va boshqaradi;
“Fuqarolar uchun budjet” axborot nashrini chop etishni ta’minlaydi;
f) budjet xarajatlari samaradorligini baholash va budjetni rejalashtirishning dasturiy-maqsadli uslublarini joriy etish bo‘yicha:
budjet tashkilotlari va budjetdan mablag‘lar oluvchilarning faoliyat vazifalaridan kelib chiqqan holda, O‘zbekiston Respublikasi Davlat Budjetidan ajratilgan mablag‘lar hisobiga amalga oshirilgan tadbirlarning samaradorligi va natijadorligini baholash mezonlari va indikatorlarini tarmoq departamentlari hamda tegishli vazirlik va idoralar bilan birgalikda ishlab chiqadi;
davlat dasturlari va tadbirlarga yo‘naltirilgan budjet va budjetdan tashqari mablag‘larning samaradorligini va natijadorligini baholash mezonlari va indikatorlarini tarmoq departamentlari hamda tegishli vazirlik va idoralar bilan birgalikda ishlab chiqadi;
tarmoq departamentlari hamda tegishli vazirlik va idoralar bilan birgalikda, ishlab chiqilgan baholash mezonlari asosida o‘rganish va o‘rganish natijalaridan kelib chiqib budjet tashkilotlari va budjetdan mablag‘lar oluvchilarning xarajatlarining sifat va miqdor ko‘rsatkichlarini belgilash hamda ularni baholash mexanizmlarini joriy etadi;
baholash mezonlari va indikatorlar asosida budjet parametrlari ijrosini elektron monitoring qilish tizimini joriy etish yuzasidan takliflar ishlab chiqadi;
baholash natijalari asosida tarmoq departamentlari hamda tegishli vazirlik va idoralar bilan birgalikda budjet tashkilotlari va budjetdan mablag‘lar oluvchilarning budjet parametrlarni shakllantirish jarayonida ishtirok etadi;