2-Laboratariya mashg’uloti Mavzu: Dars tahlili va uning strukturasini ishlab chiqish

2-Laboratariya mashg’uloti

Mavzu: Dars tahlili va uning strukturasini ishlab chiqish

Ishning maqsadi: Talabalarda ma’ruzada olingan bilimlarni mustahkamlash. Dars tahlili, uning turlari bilan tanishish va uning strukturasini ishlab chiqish ko’nikmasini hosil qilish.
Kutilayotgan natija:

• 
  Dars tahlili, uning turlari, maqsadi bo’yicha ma’lumot oladi.
  
• 
  Dars tahlil qilish bo’yicha bilim, ko’nikma va malakalarga ega bo’ladi.
  

Kerakli jihozlar: Kompyuter, proyektor, darslik, ko’rgazmali materiallar, tarqatma materiallari, topshiriqlar.
Topshiriqlar:

1. 
   Maktabda dars kuzatish va tahlil qilishning o`quv jarayonidagi o`rni, ahamiyati va uning tiplari.
   
2. 
   Informatika darslarini kuzatishdan ko`zlangan maqsadlar. Ochiq, ko`rgazmali, namunaviy, hisobot darslari va ularga qo`yilgan talablar asosida darsni tahlil qilish.
   
3. 
   Darsni baholash mezonlari asosida Informatika va axborot texnologiyalari darsini kuzatish va uni didaktik (ta’limiy) va uslubiy tahlil qilish.
   

NAZARIY QISM
Umumiy o`rta ta’lim maktablarida Informatika darslarini kuzatish.
O`zbekiston Respublikasining “Ta’lim to`g`risida”gi Qonunida yuqori malakali, erkin va mustaqil fikrlaydigan, chuqur nazariy va amaliy tayyorgarlikka ega bo`lgan, olgan bilim va
ko`nikmalarini amaliyotda qo`llay oladigan, jahon andozalariga mos mutaxassislarni tayyorlash vazifalari belgilab berilgan. Ushbu vazifalarni amalga oshirish va bu boradagi qator muammolarni hal etishda umumiy o`rta ta’lim maktablari o`qituvchilarning ilmiy-pedagogik salohiyati muhim ahamiyatga ega.
O`qituvchi tomonidan olib borilayotgan mashg`ulotlar mazmuni yuqori saviyada bo`lishi, fan bo`yicha belgilangan Davlat ta’lim standartlari va tegishli fan dasturlariga mos kelishi shart. O`qituvchining har bir darsi o`quvchilarda shakllanayotgan bilim va ko`nikmalar qamrovini bosqichma-bosqich kengayishiga xizmat qilishi, ularning mazkur fanga bo`lgan qiziqishlarini yanada ortishiga xizmat qilishi zarur. Pedagogik faoliyatda amalga oshirilgan ko`p yillik ish tajribalari va kuzatishlar o`qituvchi hamisha o`z ustida ishlashi, bilim, ko`nikma va malakalarini
takomillashtirib borishi kerakligini ko`rsatmoqda. O`qituvchi pedagogic mahoratining kundan kunga o`sib borishi, yangi pedagogik va axborot kommunikatsiya texnologiyalarini o`quv jarayonida qo`llay olishi muhim ahamiyat kasb etadi. Darsni turli shakllarda o`tish mumkin, ammo o`quvchilarning bilim va ko`nikmalarini shakllantirish uchun ayrim talablarga rioya etish maqsadga muvofiq. Ular quyidagilar:
- o`qituvchi darsning mavzusi va maqsadini aniq belgilashi shart;
- har bir dars ta’limiy, tarbiyaviy va rivojlantiruvchi vazifasiga ega bo`lishi kerak;
- dars jarayonida o`quvchilarning yakka holda, guruh va jamoa bo`lib ishlashlari talab etiladi;
- dars o`quvchilarning tayyorgarlik darajasini hisobga olgan holda o`qituvchi tomonidan maqsadga yo`naltirilgan bo`lishi;
- o`qituvchi o`tiladigan mavzuni dars davomida o`quvchilar tomonidan to`liq o`zlashtirib olishlarini ta’minlaydi;
- darsda sanitariya-gigiena talablariga rioya qilinadi.
O`qituvchi faoliyatining qanchalik samarali ekanligi va pedagogik mahoratini uning o`tayotgan darslarini kuzatish va tahlil qilish orqali bilish mumkin. O`qituvchining darsini kuzatish va tahlil etishi mo`ljallangan bo`lsa, o`qituvchilik kasbi odobiga ko`ra uni darsga kirish oldidan ogohlantirish lozim. Darsni kuzatishda bir kishi, agar imkoniyat bo`lsa, 2-3 kishi bo`lib dars kuzatilsa, maqsadga muvofiq bo`ladi. Bu o`z navbatida, har xil anglashilmovchiliklar va psixologik to`siqlarning oldini olishga yordam beradi. Kuzatuvchilar birgalikda darsga kirib kelib, orqa o`rindiqlarni egallashgandan so`ng dars boshlanadi. O`qituvchi darsga kirganda qo`li (yoki o`quv xonasi)da guruh jurnali, o`quv dasturi, kalendar-mavzu rejasi, dars ishlanmasi (konspekti) bo`lishi kerak. Dars uchun kerakli jihozlar va ko`rgazmali qurollar oldindan tayyorlab qo`yilgan bo`lishi lozim. Dars boshlangandan so`ng hech kimning ushbu jarayonga xalaqit berishiga yo`l qo`yilmaydi.
Xalq ta’limi muassasalari faoliyatini metodik ta’minlash va tashkil etish tuman, shahar mudirlari, o`rinbosarlari, metodistlari tomonidan haftasiga kamida 2 soat, ta’lim muassasalari direktorlari, ularning o`rinbosarlari tomonidan 4 soat, fan metodbirlashma rahbarlari tomonidan 2 soat, o`qituvchilar tomonidan 1 soat o`qituvchilar darslarining kuzatilishi va tahlil qilinishi talab etiladi.