2-lekciya: Go’sh kárxanalari ha’m Soyılatuǵın haywanlardı da’stlepki qayta islewdin’ tiykarg`ı texnologiyası ha’m gigienası Reje

Karantin bólimi- Juqpalı kesellikler tarqalıwınıń aldın alıw maqsetinde gósh kombinatlarında karantin bólimi shólkemlestiriledi. Mal bazasına keltirilgen mallar arasında kesellik belgileri kózge taslanıp turatuǵın gúmanlı bolǵan mallar karantin bólimine jaylastırıladı. Karantin bólimi kombinattıń mal bazasına bir kúnde keltiriletuǵın mallardıń 10%in, izolyator bolsa1%n jaylastırıwǵa imkaniyat beretuǵın formada qurıladı. Karantin bólimi, izolyator hám sanitariya sallahxanasında soyıladı. Bul salahxanada soyıw hám bóleklew tsexi, muzxana, teri duzlanatuǵın hám zıyansızlandıratuǵn tsex, ishek tsexi hámde shártli jaramlı góshlerdi zıyansızlandırıw tsexi bolıwı kerek. Kópshilik jaǵdaylarda kesellikti anıqlaw hám góshke sanitariyajaǵınan tuwrı baha beriw ushın soyılǵan maldıń denesi hám ishki organlarınan prova alınıp, bakteriologik laborotoriyaǵá jiberiledi: laborotoriyadan juwap alınǵansha maldı denesi hám organları muzxanaǵa qoyıladı. Shıǵındı ónimlerin kúydiriya ushın sanitariya salahxanasında óz aldına tsex boladı.
Soyıw punktleri:- İshki poёlkaları, rayon orayları hám xalıq jasaytuǵın basqa jerlerde shólkemlestiriledi. Olar xalıqtı veterinariya-sanitariya ekspertizasınan ótkizilgen saw hám sıpatlı gósh hám soyılǵan maldıń basqa ónimleri manen táminlep turıw maqsetinde qurıladı. Óz waqtında teri hám basqa ónimleri buzılıwdan saqlaw, qan ishek shabaq, shax,tuyaq, h.t.b. paydalanıw kózde tutıladı. Soyıw punktleri azıq-awqat kárxanalarınıń talabın tolıq qandıra altuǵın bolıw kerek. İnfektsion háminvazion keselliklerdiń aldın alıw maqsetinde soyıw punkti átirapında biyik diywal mene qorshaladı.
Sanitariya soyıw punktleri – Sharwashılıq komplekslerinde qurıladı.Əmeldegi proektlerge muwapıq, bul punktlerde soyıw ushın keltelirilgen haywanlar veterinariya kóriginen ótkizilgen, kórikten ótkizilgen saw hámde kesel mallar ushınsoyılatuǵın bólimler qurıldı.Kesel mallar soyılatuǵın bólimniń átirapın yaxliy diywal mene qorshaladı. Soyıw bólimleriniń polı asfltlanadı yamasa tsementlenedi, usti shifer menen jabıladı. Soyılǵan mallardı asıp qoyıp terisin shılıp hám ishki organların shıǵarıp alıw ushın bul bólimge shıǵanaq ornatıladı hám qandı toplaw ushın arnawlı ıdıs, mallardıń ishki organların tekseriw ushın ústine marganets qaplanǵan stol hámde basqa zárúr úskeneler menen úskenelenedi. Bul bólimdegi hámme ásbap-úskeneler ańsat tazalanatuǵın bolıwı shárt. Duzlanǵan teri hám isheklerdi saqlaw ushın sanitariya soyıw punkti átirapında ombor hámde shártli jaramlı bolǵan gósh ónimlerin hám toplanǵan qandı pisiriw ushın bólek bólme qurıladı.