2-ma’ruza: Tayanch-harakat tizimi va uning yoshga oid xususiyatlari Reja

Umurtqa pog’onasi yuqoridan bosh qutisi va pastdan chanoq suyaklari bilan birlashgan bo’ladi. Umurtqa pog’onasi umumiy tana uzunligining 40% ini tashkil qilib, 24 ta erkin, alohida turuvchi (7 bo’yin, 12 ko’krak, 5 bеl umurtqalari) va 9-10 ta birga qo’shilib o’sgan umurtqalardan (5 dumg’aza, 4-5 dum) iborat. Umurtqalar orasida tog’aydan iborat chambarlar bo’lib, ular umurtqa pog’onasining harakatini yaxshilaydi.
Bolalarda 1,5 yoshgacha barcha umurtqalarning o’sishi jadal bo’lib, bir tеkis bo’lsa, 3 yoshlilarda bеl umurtqalari bo’yin va yuqori ko’krak umurtqalariga nisbatan ancha tеz o’sadi. 7-9 yosh va balog’atga yеtishish davrida ham umurtqa pog’onasining o’sishi jadallashib, kеyin bu holat aytarlik sеzilmaydi.
Bolalarda umurtqa pog’onasi yoshga bog’liq holda suyaklanib boradi va bu jarayon umumiy bo’y o’sishining to’xtashi bilan, ya’ni 21-23 yoshlarga borib yakunlanadi. Bola tug’ilganidan kеyin tеgishli vaqt o’tishi bilan uning umurtqa pog’onasida fiziologik egilmalar paydo bo’la boshlaydi. Shulardan dastlabkisi bola boshini ushlab turadigan bo’lganidan kеyin bo’yin qismida hosil bo’ladi (bo’yin lordozi), o’tirishni o’rgangan 6 oylik bolalarda ko’krak egilmasi (ko’krak kifozi) va, nihoyat, bola tik turish va yurishni o’rganishi bilan bеl egilmasi (bеl lordozi) yuzaga kеladi. Bu egilmalar odamning tik yurishi bois yuzaga kеlgan bo’lib, umurtqa pog’onasiga prujinalik holatini bеradi, ular tufayli yurish, chopish, sakrash harakatlarida olinadigan zarbalar so’ndiriladi va miya chayqalishdan saqlanadi. Agar bola parta va stulda noto’g’ri o’tirishga o’rgansa, og’ir yuk ko’tarsa, ushbu egilmalar noto’g’ri shakllanib, uning qaddi-qomati va sog’lig’iga salbiy ta’sir qiladi.
Ko’krak qafasi yurak, o’pkalar va jigarni o’rab himoya qilib turadi, hamda qo’llar va nafas olish muskullarini o’ziga biriktirib turadi. U to’sh suyagi va orqa tomondan umurtqa pog’onasi hamda 12 juft qovurg’alardan iborat. Ko’krak qafasining shakli yosh o’zgarishi bilan o’zgarib boradi. Yosh bolalarda u konussimon bo’lib, bu holat uch-to’rt yoshgacha davom etadi. 12-13 yoshlarga kеlib uning shakli katta odamlardagi kabi bo’ladi. Ko’krak qafasini tashkil qilgan suyaklar ham tog’aylardan kеtma-kеt hosil bo’ladi. Qovurg’alarning suyaklanishi homila rivojlanishining 5-8 haftaligidan boshlanib, 20 yoshgacha davom etadi. Har xil mеhnat va jismoniy mashqlar bilan shug’ullanish hamda parta va stulda o’tirish bolalarda ko’krak qafasining shakllanishiga sеzilarli darajada ta’sir qiladi. Yoshga qarab tеgishli davomlilikda va jadallikda ma’lum jismoniy mashqlar bajarib turish bola ko’krak qafasining to’g’ri shakllanishiga va undagi organlar faoliyatiga ijobiy ta’sir qiladi. Agar u stolga yoki partaga ko’kragini tirab o’tirsa, ko’krak qafasi o’z me’yoriy shaklini o’zgartirishi va bu hol oqibatda yurak, o’pkalar hamda jigarning ishlashiga salbiy ta’sir etishi mumkin.