2-мавзу. Кўчмас мулк объектларининг таснифланиши

Ташқи деворларининг материали бўйича бинолар қуйидагича фарқланади:

• 
  ғишт деворли уйлар;
  
• 
  панелли, монолит, ёғоч ва аралаш турдаги уйлар.
  

4. 
   Фойдаланишнинг давомийлиги ва ҳарактери бўйича уйлар қуйидагича фарқланади:
   

• 
  бирламчи – доимий турар жой;
  
• 
  иккиламчи – белгиланган вақт мобайнида фойдаланиладиган турар жой, дала ҳовли;
  
• 
  учинчи даражали – қисқа вақт мобайнида фойдаланишга мўлжалланган турар жой (меҳмонхона, ётоқхона ва ҳ.к.).
  

Ҳўзирги кунда, учинчи минг йилликнинг бошида, зам0онавий индувидуал лойиҳаларда мансарда³ қайта туғилиш даврини ўткизяпти.
Ҳозирги кунда, Тошкентда ҳам кўпчилик, индивидуал лойиҳа асосида қурилган, офис ва шаҳар турар жой бинолари олдиндан лойиҳалаштирилган мансардага эга. Кўпинча, кўп қаватли биноларда охирги қаватда жойлашган хонадонни ҳарид қилган инсонлар, бир йўла чордоқни ҳам сотиб олган ҳолда, уни мансардага айлантирмоқдалар.
Мансарда кўп қаватли хонадоннинг ташкил этувчи қисми сифатида (унда болалар хонаси, дам олиш хонаси, ётоқхона ва ҳаттоки каминли зал жойлаштирилиши мумкин) ёки қишки боғ сифатида лойиҳаланиши мумкин, у мустақил турар жой сифатида лойиҳаланади ва тегишли равишда кўчмас мулк объекти сифатида расмийлаштирилиши мумкин.
Шаҳардан ташқаридаги кўчмас мулк объектлари учун умумий классификация қўлланилмайди⁴.
Концептуал камқаватли турар жой мажмуи классификациясини аниқловчи асосий мезонлар қуйидагилар:

• 
  шаҳарсозлик мезони;
  
• 
  турар жой майдони ва сифати;
  
• 
  камқаватли турар жой мажмуининг ўлчамлари;
  
• 
  инфратузилма.
  

Камқаватли турар жой мажмуалари шаҳарсозлик мезони бўйича қуйидаги турларга бўлинади:

• 
  алоҳида уйлардан ташкил топувчи даҳалар;
  
• 
  таун-хауслардан иборат даҳалар;
  
• 
  кўп хонадонли камқаватли уйлардан ташкил топувчи даҳалар.
  

Амалиётда тўлалигича аниқ бир турга тегишли даҳалар кам учрайди.