2. Maydalash jarayonlari haqida

Konusli maydalagichlarning texnologik parametrlari

KKD va KRD turidagi konusli maydalagichlarning nominal o`lchamini turi aniqlaydigan nominal o`lcham mahsulotni qabul qilish tuynugining kengligi B va ochiq holatlagi maydalangan mahsulotni bo`shatish tuynugining kengligi b hisoblanadi.
Beshta o`lchamdagi maydalagichlar birlamchi yirik maydalash uchun mo`ljallangan: KKD-500/75, KKD-900/140, KKD-1200/150, KKD-1500/180 va
KKD-1500/300; ikkilamchi yirik maydalash uchun esa uchta o`lchamdagi reduktsion maydalagichlar: KRD-500/60, KRD-700/75 va KRD-900/100 mo`ljallangan.
Konusli maydalagichlarning mexanik tartibining asosiy parametrlari bo`lib: qamrash burchagi; diametri, ekssentriklik va maydalovchi konusning qalami; uning tebranish chastotasi; maydalash kuchi va quvvat sarfi hisoblanadi.
Yirik maydalovchi konusli maydalagichlarning qamrash burchagi deb qo`zg’almas konusning ichki yuzasi va maydalovchi konusning tashqi yuzasi o`rtasidagi burchakka aytiladi (28-rasm).
Yirik maydalovchi konusli maydalagichlarning qamrash burchagi xuddi jag’li maydalagichnikiga o`xshash holda aniqlanadi. U ishqalanish burchagining ikkilanganidan ortiq katta bo`lmasligi kerak. Ushbu maydalagichlarda qamrash burchagi odatda 24 dan 28° gacha o`zgarib turadi.
Yirik maydalovchi konusli maydalagichlarda maydalagichning maksimal ish unumdorligiga erishiladigan ekssentrik stakanining aylanish chastotasi eng foydali hisoblanadi.
Ekssentrik valning aylanish chastotasi zavodda qabul qilingan konusning tebranish chastotasiga mos bo`lib, u quyidagi nisbat orqali aniqlanishi mumkin:

n₀  190 60B
(3.29)

Konusli maydalagich elektr dvigatelining quvvati N_dv konus diameteri D ning kvadratiga, ekssentritet r va tebranishlar chastotasi n_o ga mutanosib hisoblanadi:

^Nдв
 K D ²rn
(3.30)

N o
bu yerda, K_N - maydalagichning konstruksiyasini hisobga oluvchi koeffitsient.
Konusli maydalagichning hajmi bo`yicha ish unumdorligi quyidagi empirik formula yordamida hisoblanishi mumkin:

Q_h  K₁ K _f
K_w K
D²rn b,
(3.31)

o

y
bu yerda, K₁ - koeffitsient (KKD maydalagichlari uchun K₁ = 0,6 va KRD maydalagichlari uchun K₁ = 0,7); K_y, K_f va K_w – yiriklik, qattiqlik va namlik uchun tuzatish koeffitsientlari (3-jadvalga qarang); r - ekssentriklik; b - maydalangan mahsulotni bo`shatish tuynugining kengligi; D - konusning diametri.
Maydalagichning o`lchamlari, rudaning fizikaviy xossalari (mustahkamlik, namlik, yiriklik), maydalanish darajasi va boshqa omillarga bog’liq holda maydalagichlarning ish unumdorliklari: yirik maydalovchi konusli maydalagichlarda 150 dan 2300 m³/soat oralig’ida, o`rtacha maydalovchi maydalagichlarda 20 dan 2000 t/soatgacha, mayin maydalovchi konusli maydalagichlarda 20 dan 1000 t/soatgacha bo`lishi mumkin.