2. Milliy g‗oya targ‗ibotida texnologiyalarning o‗rni va ag‗amiyati

o‟rni va roli 
Reja:
1.Milliy g‘oya tag‘ O‘zbekistonda yashovchi barcha millat va elat vakillari 
manfaatlarining ifoda etilganligi. 
2. Milliy madaniy markazlarni milliy g‘oya targ‘ibotiga kengroq jalb etish 
katta ahamiyat kasb etishi. 
3.Milliy madaniy markazlar tomonidan o‘tkaziladigan turli xil tadbirlar 
xalqlar o‘rtasidagi tinchlik va barqarorlikni ta‘minlashda muhim rol oynashi. 
Mamlakatimiz hududida juda qadim zamonlardan turli millatlarga mansub 
xalqlarning vakillari qo‘ni-qo‘shnichilik, quda-andachilik, do‘st-u birodarlik va 
oshna-og‘aynigarchilik asosida tinch-totuv va o‘zaro hamkorlikda yashab 
kelganlar. Moziyga nazar solsak, O‘zbekiston hududida milliylik va millatchilik 
negizida hech qachon mojarolar bo‘lmagan. Bu xalqimizning o‘ziga xos xususiyati 
va bag‘rikengligining yorqin ifodasidir. 
Mustaqil O‘zbekistonimiz hududida bugungi kunda 137 millat va elat 
vakillari istiqomat qiladilar. Har bir kishi millati va irqidan qat'iy nazar 
yaratganning mo‘jizasidir. Insonning yaxshi-yomonligi uning u yoki bu millatga 
mansubligiga qarab belgilanmaydi. Balki, har bir insonning o‘ziga xos yaxshi-
yomon xislatlari, fazilatlari va xususiyatlarining shakllanib kamol topishida o‘sha 
insonni o‘rab olgan ijtimoiy muhit, u olgan ta'lim-tarbiya bosh omil hisoblanadi. 
Shu boisdan ham millatlararo totuvlik, o‘zaro hamkorlik, birodarlik va 
bag‘rikenglik — ulug‘ fazilat va umumbashariy qadriyatdir. Bu qadriyat turli 
millat va elatlar vakillari bilan birgalikda istiqomat qiladigan har qanday 
davlatning tarixiy taraqqiyotida hal qiluvchi ahamiyatga egadir. 
O‘zbekiston Respublikasi milliy davlat mustaqilligini qo‘lga kiritgach, 
mamlakatimizda siyosiy barqarorlikni ta'minlashning asosiy shartlaridan biri 
bo‘lgan milliy masalaga alohida e'tibor qaratib kelmoqda va adolatli milliy 
siyosat olib bormoqda. Buni O‘zbekiston Respublikasi Konstitutsiyasida milliy 

---

74 
munosabatlar huquqiy asoslarining yuridik jihatdan adolatli tarzda hal qilib 
berilganligida yaqqol ko‘rish mumkin. Unda barcha fuqarolar qonun oldida teng 
qilib qo‘yildi. Har bir fuqaro qalbida yagona zamin, yagona makon, yagona Vatan 
uchun javobgarlik hissi kuchaytirildi. 
Jahon tajribasi shuni ko‘rsatadiki, ko‘p millatli har qanday mamlakatda hukmron 
mavqega ega bo‘lgan millat vakillari faqat o‘z milliy ehtiyoj va talablarini 
qondirish to‘g‘risidagina o‘ylab bosh qotirmasliklari lozim. Chunki, o‘zga millat 
va elatlarning huquq va erkinliklarini kamsituvchi, uni mensimovchi millatning 
o‘zi ham erkin bo‘la olmaydi. Aksincha, hukmron millat tarixiy taqdir taqozosiga 
ko‘ra turli davrlarda o‘z yurti, eli, vatanidan begonalashib, bu yerlarga kelib qolgan 
o‘zga millat va elatlarning vakillariga begonasiramasdan, ularning ham milliy talab 
va ehtiyojlarini to‘la qondira oladigan shart-sharoitlarni yaratmoqlari joiz.