2. Pedagogikalıq qarım-qatnasta sóylew mádeniyatı Shıǵıs tálimi hám kommunikativlik ádebtiń qarım-qatnasqa tásiri

6-ÁMELIY JUMÍS
OQITIWSHI KÁSIPLIK ISKERLIGINDE QARIM-QATNAS MÁDENIYATI HÁM PSIXOLOGIYASI
Reje:
1. Oqıtıwshı kásiplik iskerliginde qarım-qatnas mádeniyatınıń qáliplesiwi
2. Pedagogikalıq qarım-qatnasta sóylew mádeniyatı
3. Shıǵıs tálimi hám kommunikativlik ádebtiń qarım-qatnasqa tásiri
4. Qarım-qatnas tiykarında ruwxıy mádeniyattı qáliplestiriw kriteryaları hám faktorları

QARÍM-QATNAS MÁDENIYATÍ INDIVIDUAL USÍLLARDÍ QÁLIPLESTIRIW METODIKASÍ
1.	Oqıwshılar menen ushırasıw mádeniyatınıń individual jeke qásiyetlerin úyreniwi:
	oqıwshılar jeke qásiyetlerin erkin analiz qılıw; oqıwshılar ishki múmkinshiliklerine hár tárepleme xarakteristika beriw; oqıtıwshınıń qarım-qatnas mádeniyatın tuwrı shólkemlestiriwi.
2.	Jeke qarım-qatnasta júz beretuǵın kemshiliklerdi tezlik penen saplastırıwı:
	kemshiliklerdi toqtatıw ilajların tezlik penen izlep tabıw; hár qanday jaǵdayda oqıwshılarǵa turpayılıq etpew; oqıwshı shaxsın mensinbewshilik sıyaqlı unamsız jaǵdaylardı jónge salıw.
3.	Oqıtıwshı ózi ushın qarım-qatnas mádeniyatınıń eń qolaylı bolǵan usılların tańlap alıwı:
	pedagogikalıq iskerligine sáykes qarım-qatnas mádeniyatı modelin islep shıǵıwı; óz-ózin baqlaw menen qarım-qatnastaǵı tabıs hám kemshiliklerin úzliksiz salıstırıp barıwı; qarım-qatnasta milliy ruwxıylıǵımız, úrp-ádet hám dástúrlerimiz múmkinshiliklerinen turaqlı paydalanıw.
4.	Qarım-qatnas mádeniyatında pedagogikalıq iskerlik nızamlıqlarınan shetke shıqpaw:
	hár bir oqıwshınıń individual qásiyetlerine uyqas qarım-qatnas sistemasın islep shıǵıwı; qarım-qatnastıń tárbiyalıq tásirin hám nátiyjesin tán alıw; qarım-qatnas mádeniyatı tiykarında pedagogikalıq sheberlikti kórsetiw.

Sóylew mádeniyatı barlıq filosofiyalıq hám psixologiyalıq pánlerde ayrıqsha tariypke iye. Pedagogikanıń kategoriyası retinde sóylew mádeniyatı oqıwshılar kewline jol taba alıw, olarǵa jantasıw ushın mehrine erisiw, pedagogikalıq kóz-qarastan tálim-tárbiya processinde oqıwshılar menen óz-ara jaqın bolıwǵa qaratılǵan oqıtıwshınıń pedagogikalıq qábileti bolıp tabıladı.

Oqıtıwshı oqıwshılar menen mámilege kirisiw tiykarında:
1. Óz dóretiwshiligin hám pedagogikalıq sheberligin kórsetip beredi.
2. Jas áwladtı milliy ideologiyamız hám milliy mádeniyatımız ruxında tárbiyalaydı.
3. Shıǵıs úrp-ádetlerimiz tiykarında bárkámal shaxstı qáliplestiredi.
4. Óziniń tálim-tárbiyalıq múmkinshiliklerin kórsetken halda, hár bir oqıwshı kewline jol tabadı.
USTAZ-SHÁKIRT kórinisinde saxnalıq kórinis islew. Bunda talabalar 4 toparǵa bólinedi hám hár bir topar ata-babalarımızdıń perzentlerdi tárbiyalawda, kámalǵa jetkiziwde tutqan ornın hám iserin kórsetip beredi.

Abu Nasr Farabiy	Abu Abdullah al-Xorezmiy	Alisher Nawayı	Yusuf Xos Hajib
1. 2. 3. 4. 5. 6. 7. 8. 9.

Juwmaqlap aytqanda, tálim hám tárbiya processinde oqıwshılar sanasına qarım-qatnas tiykarında milliy qádiriyatlar hám ruwxıy mádeniyattı qáliplestiriw, oqıtıwshı hám oqıwshınıń óz-ara qarım-qatnasın házirgi zaman pedagogikalıq talapları tiykarında jetilik dúziliwin támiyinleydi.
QOSÍMSHA SORAWLAR:
1. Pedagogikalıq qarım-qatnas mádeniyatı oqıtıwshı kásiplik iskerliginde qanday áhmiyetke iye boladı?
2. Oqıtıwshınıń qarım-qatnas mádeniyatın qáliplestiriw metodikası qanday basqıshlardan ibarat?
3. Pedagogikalıq qarım-qatnas mádeniyatına erisiw ushın oqıtıwshı qanday jaǵdaylardı itibarǵa alıw dárkar?
4. Oqıwshılar dıqqatın ózine tartıw degende neni ańlaw kerek?
5. Oqıtıwshınıń pedagogikalıq qarım-qatnas mádeniyatına tán qásiyetlerine tariyp beriń?
6. Pedagogikalıq qarım-qatnas mádeniyatın qáliplestiriw baǵdarları haqqında pikir bildiriń.
7. Oqıtıwshı hám oqıwshı ortasındaǵı qarama-qarsılıqlardı keltirip shıǵarıwshı jaǵdaylar?
8. Oqıtıwshınıń qarım-qatnasqa kirisiwi degende neni túsinesiz?
9. Jas oqıtıwshılardıń pedagogikalıq qarım-qatnas mádeniyatına tán ayırmashılıqlar?
10. Oqıwshılar ruwxıy mádeniyatın qáliplestiriw procesine tásir etiwshi faktorlar?