2020 — 2025 йилларда Ўзбекистон Республикаси статистикасини ривожлантиришнинг

17. Илм-фан ва инновациялар соҳасида статистикани такомиллаштириш 
Илм-фан, тадқиқот ва ишланмалар бўйича тегишли статистикани тайѐрлаш 
мамлакатнинг инновацион ривожланишини кузатиш ва инновацияларни рағбатлантириш 
учун муҳимдир. Илм-фан ва инновациялар статистикасида бир қатор муаммоли жиҳатлар 
мавжуд. Хусусан, халқаро амалиѐтга мувофиқ классификациялар, методология ва 
инструментарийларни, масалан, «Осло Йўриқномаси 2018» ва «Фраскати Йўриқномаси 
2015»ни амалиѐтга жорий этишда маълумотларнинг етишмаслиги ва услубий ѐрдамга эҳтиѐж 
сезилади.
Бундан ташқари илм-фан ва инновациялар соҳасидаги статистика маълумотларини 
йиғиш, тақдим этиш ва улардан фойдаланиш бўйича Европа мамлакатларининг тажрибасини 
ўрганиш зарурати мавжуд. 
Ушбу муаммоларни ҳал этиш учун қуйидаги вазифалар белгиланган: 
Давлат статистика қўмитаси ва Ўзбекистон Республикаси Инновацион ривожланиш 
вазирлиги масъул ходимларининг малакасини ошириш; 
Илм-фан ва инновациялар соҳасидаги статистик методологияларни ишлаб чиқиш 
ҳамда илм-фан ва инновациялар соҳасидаги статистикани тайѐрлаш жараѐнларига «Осло 
Йўриқномаси 2018» ва «Фраскати Йўриқномаси 2015» каби халқаро тан олинган 
стандартларни жорий этиш. 
18. Гендер статистикасини такомиллаштириш 
Давлат статистика қўмитаси гендер бўйича статистикани ишлаб чиқади ва мумкин 
бўлган даражада максимал ѐйилган ҳолда тарқатади. 
Шу билан бирга, гендер статистикасининг жорий ҳисоби барча гендер жиҳатларини, 
шу қаторда халқаро мажбуриятларнинг бажарилиши мониторингини тўлиқ ҳисобга олиш 
имконини бермайди. 
Ўзбекистонда гендер жиҳатларини акс эттирувчи халқаро стандартларга жавоб 
берадиган гендер статистикасининг сифат ва миқдорий кўрсаткичларини йиллар бўйича 
динамик қаторларда ишлаб чиқиш зарур. 
Ушбу йўналишдаги мақсадларга эришиш учун қуйидаги вазифалар белгиланган: 
гендер ва болалар статистикаси бўйича идоралараро ишчи гуруҳни ташкил этиш; 
БМТ Статистика бўлими томонидан ишлаб чиқилган «Гендер статистикасининг 
минимал базавий тўплами»ни амалиѐтга тўлиқ жорий этиш бўйича қўшимча кузатувларни 
ўтказиш ва маълумотларни қайта ишлаш; 
халқаро мажбуриятлар, гендер тенгликни таъминлаш ҳамда аѐлларнинг ҳуқуқ ва 
имкониятларини кенгайтириш бўйича миллий стратегия ва дастурларнинг бажарилишини 
мониторинг қилиш бўйича миллий индикаторлар тизимини яратиш.