2023 yil “ ” “ ” son

2023 yil “_____” “_________” ____________________ -son

O`zbekiston Respublikasi Tog`-kon sanoati va geologiya vazirligiga

O`zbekiston Respublikasi Tog`-kon sanoati va geologiya vazirligining

2023-yil 21-fevraldagi 21-0266-sonli topshirig`i ijrosini ta’minlash maqsadida, Kon-geologiya faoliyatini nazorat qilish inspeksiyasi Markaziy mintaqaviy inspeksiya mutaxassislari tomonidan “SUNNAT STEPS STROY” MChJ ga tegishli bo`lgan Toshkent viloyati O`rtachirchiq tumani hududida joylashgan “Sunnat steps stroy” lyossimon jinslar uchastkasida kuzatuv ishlari olib borildi.
O`rganish ishlari yuzasidan tegishli tartibda ma’lumotnoma tuzilib ko`rib chiqish va umumiylashtirish uchun yuborilmoqda.
Ilova: jami 3 (uch) varoqda.
Boshliq o`rinbosari U.M.Djabbarov

Ijrochi: X.L. Abdullayev

Tel:[phone]
E-mail: [e-mail]
O`zbekiston Respublikasi Tog`-kon sanoati va geologiya vazirligining
2023-yil 21-fevraldagi 21-0266-sonli topshirig`i ijrosi yuzasidan MA’LUMOTNOMA
2023-yil 02-mart Toshkent shahri

O`zbekiston Respublikasi Tog`-kon sanoati va geologiya vazirligining

2023-yil 21-fevraldagi 21-0266-sonli topshiriq xatiga asosan quyidagilarni ma’lum qilamiz.
Toshkent viloyati O`rtachirchiq tumani hududida joylashgan “Sunnat steps stroy” lyossimon jinslar uchastkasini geologik jihatdan o`rganish huquqini beruvchi TV 0525 G5 shakldagi litsenziya 2021-yilning 17-iyun sanasida “SUNNAT STEPS STROY” MChJ ga berilgan.
Ushbu uchastka Toshkent viloyati O`rtachirchiq tumani “Istiqbol” MFY Jangaboy mahallasida joylashgan.
Kuzatuv jarayonida geologik jihatdan o`rganish uchun litsenziyalangan hududda qazish ishlari olib borilganligi ma’lum bo`ldi. Biroq hozirgi davrda ushbu hududda faoliyat olib borilmayotganligi sababli jamiyat vakillari bilan suhbatlashishning imkoni bo`lmadi.
Shu bilan birga Stat.uz sayti orqali olingan ma’lumotlar bazasida korsatilgan jamiyat rahbarining telefon raqami ([phone]) vaqtinchalik ish faoliyatida emasligi ma’lum bo`ldi.
Geologik jihatdan ajratilgan maydonda litsenziya olingan davrdan shu kunga qadar qanday ishlar bajarilganligiga hamda maydondan qancha miqdorda lyosimon jinslar qazib olinganligiga oydinlik kiritish maqsadida ushbu jamiyatning faoliyatini o`rganish maqsadga muvofiq bo`ladi.
Inspeksiya tomonidan yuqoridagi holatlarga oydinlik kiritish maqsadida “Tog`-kon sanoati va geologiya vazirligi huzuridagi Tog`-kon, geologiya va sanoat xavfsizligini nazorat qilish inspeksiyasi tashkil etish to`g`risida” Nizom tasdiqlangandan so`ng “SUNNAT STEPS STROY” MChJ da tekshiruv ishlarini amalga oshirish maqsadga muvofiq.
Kelgusida jamiyat tomonidan “Sunnat steps stroy” lyossimon jinslar uchastkasidan foydalanmasligi yuzasidan ogohlantirish xati berildi.
Markaziy mintaqaviy
inspeksiya boshlig`i X.L. Abdullayev

2023 yil “_____” “_________” ____________________ -son
“SUNNAT STEPS STROY” MChJ ga
Toshkent viloyati, O'rtachirchiq tumani,
Istiqbol QFY Jangaboy mahallasi
OGOHLANTIRISH XATI
“SUNNAT STEPS STROY” MChJ ning 2023-yil 8-fevraldagi 3/02-sonli murojaat xatiga asosan jamiyatga 2021-yilning 17-iyun sanasida rasmiylashtirilgan TV 0525 G5 shakldagi litsenziya O`zbekiston Respublikasi Tog`-kon sanoati va geologiya vazirligi (Davlat geologiya va mineral resurslar qo`mitasi) tomonidan muddatidan oldin bekor qilindi.
Yuqoridagilarni inobatga olgan holda, Kon-geologiya faoliyatini nazorat qilish inspeksiyasi Markaziy mintaqaviy inspeksiyasi Sizdan O`zbekiston Respublikasining “Yer osti boyliklari to`g`risida” gi Qonuni, O`zbekiston Respublikasi Prezidentining 2018-yil 26-dekabrdagi “Noruda foydali qazilmalarni o`z ichiga olgan yer qa’ri uchastkalaridan foydalanish samaradorligini oshirish bo`yicha qo`shimcha chora-tadbirlar to`g`risida” gi PQ-4078-sonli Qarori hamda O`zbekiston Respublikasi Vazirlar Mahkamasining 2022-yil 25-martdagi “Yer qa’ri uchastkalaridan foydalanish huquqi uchun ruxsatnomalar berish tartibini yanada takomillashtirish chora-tadbirlari to`g`risida” gi 133-sonli Qarorlari talablari asosida noruda foydali qazilmalar joylashgan yer qa’ri uchastkalarida, shuningdek korxonangizga geologik jihatdan o`rganish uchun ajratilgan yer maydonlarida geologiya qidiruv ishlarini amalga oshirmaslik hamda ushbu hududda qazish ishlarini olib bormasligingiz to`g`risida ogohlantiramiz.
Aks holda, Qonunga xilof ravishda yer qa’ri uchastkalaridan o`zboshimchalik bilan ruxsatsiz foydalanuvchilarga nisbatan O`zbekiston Respublikasi Qonunlari asosida belgilangan tartibda chora ko`rilishi haqida Sizni ogohlantiramiz.
Markaziy mintaqaviy
inspeksiya boshlig`i X.L. Abdullayev