26-мавзу. Гилтупроқли цемент ишлаб чиқариш. Р е ж а

Ишлатилиши: иссиққа чидамли, гидротехник иншоотлар тайёрлашда кўлланилади. Ишқорий муҳит, ҳарорати 25- 30⁰С дан юқори бўлган ҳолатларда ишлатилиши мумкин эмас. Навбатма-навбат музлаш, эриш, намланиш, қуриш шароитларида ишловчи конструкцияларда, иссиқликка чидамли бетонларда, кенгаювчан, зўриқтирилган цементлар тайёрлашда қўлланилади.
Портландцементдан тайёрланган қоришмалар ва бетонлар ёрилиши, кичрайиши, деформацияларига учраши туфайли чўкмайдиган ва кенгаювчан боғловчи моддалар ишлаб чиқилган. Улар гилтупроқли цемент ёки портландцемент асосида тайёрланади. Кенгаювчан қўшимчалар сифатида алюминатлар ва кальций сульфатларидан, шунингдек кальций ва магний оксидлардан фойдаланиш мумкин.
Таркиби: 65–79% цемент, 20% гипс ва шунингдек, юксак асосли кальций гидроалюминатли қўшимча биргаликда туйиб олинадиган боғловчи сув ўтказмас кенгаювчан цемент (водонепроницаемый расширяющийся цемент ВРЦ) деб аталган бўлиб, унинг муаллифи В.В. Михайловдир (НИИЖБ).
Юқори асосли кальций гидроалюминат қўшимча гилтупроқли цемент ва кукунсимон гидратли оҳак аралашмасидан (1:1) иборат. Қотиш вақти бошланиш 4 мин олдин эмас, охири 10 миндан кеч эмас. Чизиқли кенгайиш 1 суткадан кейин 0,2% ва 1%дан кўп бўлмаслиги лозим.
Мустаҳкамлиги: 6 соат қотишдан кейин 75 кгс/см², 3 суткадан - 300, 28 сут. – 500 кгс/см² дан кам булмаслиги керак. Сув ўтказилмаслиги бўйича маркаси – 0,6 МПа. Бу цементнинг қотиши кальций гидроалюминатни – СаАН₁₀ – сув билан таъсирлашувида С₂АН₈ ва Al(ОН)₂ хосил бўлишига асосланган.
Гил тупрокли цементга 25 – 30% ангидрит киритилса ангидрит – гил тупроқли цемент тайёрлаш мумкин. Қотишда уч кальцийли гидроалюминат ангидрит билан реакция киришиб гидросульфоалюминат ҳосил қилади ва тизимни мустаҳкамлигини оширади. Гил тупроқли цементга 8 – 10% гача оҳак ёки портландцемент қўшилса унинг тутиб қолиш вақти қисқаради, мустаҳкамлиги кескин тўхтайди, чунки қотишда 3СаО, Al₂О₃, 6Н₂О ва Са(ОН)₂ ҳосил бўлади, 3СаО Al₂О₃, 6Н₂О эса паст боғловчи ҳусуятига эга. Шунинг учун гилтупроқли цементни бу боғловчилар билан аралаштириш ман этилади.
И.В. Кравченко ишлаб чиққан гипсли – гилтупроқли кенгаювчан цемент, юксак гилтупроқли шлаклар ва икки сувли гипсни фоиз ҳисобида 07:03 нисбатдан қўшиб туйиш йўли билан олинади. Сувли ва ҳаволи муҳитларда тез қотади, мустаҳкамлиги бўйича 400,500 маркалари бўлинади, чизиқли кенгайиши 1 суткадан сўнг 0,15% дан кам, 28 сут. 0,3 кам ва 1% ортиқ бўлиши керак, мустаҳкамлиги 3 сут. кейин 30МПа дан кам бўлмаслиги лозим.