3-amaliy mashg’ulot. Milliy metrologiya institutining vazifalari, laboratoriya va bo’limlari faoliyatini o’rganish. Nazariy ma’lumotlar

Bo’limning o’lchash turlari bo’yicha sinov asbob – uskunalarini attestatlash

Barcha laboratoriyalar akkreditatsiya doirasiga muvofiq o’lchash vositalarini qiyoslash uchun zarur etalonlar va yordamchi asbob – uskunalar bilan to’liq jihozlangan. Ko’chma qiyoslash asbob – uskunalari mavjudligi qiyoslash bo’yicha bir qator ishlarni o’lchash vositalaridan foydalanish joyida bajarishga imkon beradi.

Bo’lim doimiy ravishda akkreditatsiya doirasini kengaytirish, zamonaviy qiyoslash asbob – uskunalarini joriy qilish bilan shug’ullanadi.

O’z ishida bo’lim mutaxassislari mijozlarning talablariga imkon qadar maksimal javob berishga intilishadi, metrologiya masalalari bo’yicha ularga maslahat berishga, ularning metrologik xizmatlarini rivojlantirishda qo’llaridan kelgan yordamni ko’rsatishga doim tayyorlar.