3-mavzu. Agrosanoat majmuasining mohiyati, tarkibi va vazifalari

Qishloq xo‘jaligining yuqori samaradorligi. Shunday qilib, agar butun xalq xo‘jaligida ortiqcha mahsulotning asosiy vositalar qiymatiga nisbati taxminan 20 foizni tashkil etsa, qishloq xo‘jaligida 32 foizdan oshadi. Agrosanoat majmuasidagi har bir ishchiga to‘g‘ri keladigan ortiqcha mahsulot hajmi milliy iqtisodiyotdagi o‘rtacha ko‘rsatkichdan 8-10% ga yuqori. Agrosanoat majmuasida kapital qo‘yilmalarning rentabelligi milliy iqtisodiyotning boshqa tarmoqlariga qaraganda ancha yuqori. Agrosanoat majmuasi faoliyati samaradorligini oshirish uchun oraliq va yakuniy natijalar orasidagi tafovutga yo‘l qo‘yilmaydi. Buning uchun agrosanoat majmuasining barcha tarmoqlarining mutanosib rivojlanishini ta’minlash, uning moddiy-texnik bazasini mustahkamlash, mehnat sharoitlarini yaxshilash va ishchilarning yakuniy mahsulotni olishga bo‘lgan qiziqishini oshirish zarur.
Agrosanoat majmuasining ijtimoiy samaradorligi. Agrosanoat majmuasining samarali rivojlanishi har bir sohada, ishlab chiqarish sohalarida ishchilar uchun normal sharoitlarni ta’minlash uchun zarur shart-sharoitlarni yaratadi. Bu ish joyidagi jarohatlarning kamayishi, ishlovchilarning kasallanishi sonining kamayishi va umuman mehnat resurslaridan foydalanishning yaxshilanishi bilan tavsiflanadi. Agrosanoat majmui tarkibiga kiruvchi korxona va tarmoqlarda kadrlarni ko‘paytirish, mehnat va dam olishning ijtimoiy sharoitlarini yaxshilash, ijtimoiy va madaniy obyektlarni qurish uchun imkoniyatlar mavjud.
Bu borada mamlakatimizda keng ko‘lamli bunyodkorlik ishlarini barcha hududlarda amalga oshirish orqali qishloq aholisi uchun munosib sharoitlar yaratish va ularning turmush madaniyatini yanada yuksaltirish maqsadida O‘zbekiston Respublikasi Prezidentining 2018 yil 29 martdagi PF-5386-sonli farmoni bilan «Obod qishloq» dasturi hamda 2018 yil 29 martdagi PQ-3630-sonli Prezident Qarori bilan «Obod qishloq» dasturini 2018 yilda amalga oshirish bo‘yicha qo‘shimcha chora-tadbirlari belgilangan edi.
Xususan birgina 2018 yilda «Obod qishloq» va «Obod mahalla» dasturlari doirasida 159 ta tumandagi 416 ta qishloqda qurilish va obodonlashtirish ishlari amalga oshirildi. Mazkur qishloqlardagi 142 ming yakka va mingdan ortiq ko‘p qavatli uylar, 3 ming kilometrlik yo‘llarda ta’mirlash ishlari, 2,5 ming kilometrlik elektr tarmoqlari, 2 ming kilometr suv tarmoqlari tortildi va ta’mirlandi, 2400 ta bozorlar va boshqa turdagi infratuzilma obyektlari qurib bitkazildi.
Bundan tashqari, 388 ta umumiy ta’lim maktablari, 313 ta maktabgacha ta’lim muassasalari, 168 ta tibbiyot muassasalari, 38 ta mahalla va 55 ta boshqa ijtimoiy soha obyektlarida qurilish va ta’mirlash ishlari yakunlandi. «Obod qishloq» dasturining amalga oshirilishi uchun zarur mablag‘larning 80 foizini Davlat byudjeti, davlat korxonalari mablag‘lari, shuningdek, jalb qilingan sarmoyalar tashkil qilgan bo‘lsa, qolgan 20 foizi tadbirkorlar mablag‘lari va bank kreditlariga to‘g‘ri keldi
2019 yilda esa, “Obod qishloq” va “Obod mahalla” dasturlari doirasida 479 ta qishloq va ovulda, shaharlardagi 116 ta mahallada keng ko‘lamli qurilish va obodonlashtirish ishlari bajarildi. Bunga 6,1 trillion so‘m yoki 2018 yilga nisbatan 1,5 trillion so‘m ko‘p mablag‘ sarflangan. Ushbu qayd etilgan islohotlar mamlakatimizda o‘z navbatida agrosanoat majmui ijtimoiy samaradorligini oshirishga xizmat qilmoqda.