3. Mavzu: Internet-marketing ta'rifi, uning maqsadlari

3.2 Internet-marketingning asosiy maqsadlari

Internet-marketingning asosiy maqsadlariga quyidagilar kiradi:

• 
  Kompaniyalarning internet-resurs (sayt)iga kirishni oshirish, potensial mijozlarni ko‘proq miqdorini jalb etish;
  
• 
  Kompaniyalar internet-resurs (sayt)i orqali yangi mahsulot va xizmatlarni reklama qilish;
  
• 
  Kompaniyalar internet-resurs (sayt)i orqali yangi mahsulot va xizmatlarni sotuvini ko‘paytirish;
  
• 
  Kompaniyalar internet-resurs (sayt)i orqali kompaniya imidjini yaxshilash;
  
• 
  Kompaniyalar internet-resurs (sayt)i orqali kompaniya brendining tanilishini oshirish;
  
• 
  Maqsadli auditoriya ehtiyojlarini o‘rganish maqsadida analitik tadqiqotlar o‘tkazish;
  
• 
  Internet-resurs (sayt) tashrif buyuruvchilarini doimiy obunachilarga aylantirish ishlari;
  
• 
  Kompaniyalarning marketing xarajatlarini qisqartirish.
  

Ma'lumki, an'anaviy marketingning bazaviy modellaridan biri – 4R marketing majmui bo‘lib, u yerda bozor maqsadlariga erishishning asosiy vositalari Price (Narx), Product (Produkt), Promotion (Reklama) va Place (Joy)lardir:

1-rasm Marketing

Price (Narx) – narxning belgilanishi yoki kompaniyaning narx siyosati. Kompaniyaning bozorga chiqish strategiyasi narxga bog‘liq.
Product (Produkt) – kompaniyaning bozorda taklif qila oladigan mahsuloti yoki xizmati.
Promotion (Reklama) – marketolog mahsulot obrazini yaratgan vositalar, uning bozordagi o‘zlashtirilishi. Ularga reklama, PR (public relation), marketing kommunikasiyalari kiradi.
Place (Joy) – mahsulotni sotish joyi. Bunda sotish punktlari, logistika va hisob-kitob hisobga olinadi.
Internet-marketing bozor maqsadlariga erishish uchun boshqa vositalar to‘plamiga ega bo‘lib, ularning asosiylari quyidagilardir (1- rasm):

• 
  Kontent - marketing;
  
• 
  Trafik;
  
• 
  Qidiruv reklamasi (SEO);
  
• 
  Kontekstli reklama;
  
• 
  Targeting;
  
• 
  Konversiya;
  
• 
  Yuzabiliti (usability).
  

Kontent-marketing – bu maqsadli auditoriyani jalb etishga qaratilgan uzoq muddatli marketing strategiyasidir.
Trafik–Internet-marketing holatida kompaniya internet-resursi (sayti)ga kirganlar soni.
Qidiruv reklamasi (SEO) – foydalanuvchilar talabnomasiga ko‘ra qidiruv natijalari bo‘yicha yanada yuqori pozisiyalarga ega bo‘lish maqsadida kompaniya internet-resurs (sayt)ini yaxshilash tadbirlari.
Kontekstli reklama – bu kompaniyaning Internetdagi matn yoki banner ko‘rinishidagi reklamasi.
Targeting – bu muayyan mezonlar (yosh, jins, qiziqishlar) bo‘yicha maqsadli auditoriya tanlash vositasidir.
Konversiya – bu foydalanuvchilarning kompaniya internet-resurs (sayt)iga bo‘lgan tashriflar sonining nisbati bo‘lib, bunda maqsadli auditoriya tashriflarining umumiy soniga nisbatan qandaydir harakatlar amalga oshirilgan.
Yuzabiliti – kompaniya internet-resurs (sayt)idan foydalanish qanchalik qulayligini ko‘rsatuvchi tavsif.

2– rasm. Internet-marketing vositalari

Internet-marketingning ushbu vositalari haqida darslikning keyingi bo‘limlarida batafsilroq ko‘rib chiqamiz.