3-Mavzu: Texnologiya fanining amaliy fanlar blok modulidagi fanlar va o’rta maxsus ta’lim, oliy ta’lim bilan integratsiyalash Mavzu rejasi

3-Mavzu: Texnologiya fanining amaliy fanlar blok modulidagi fanlar va o’rta maxsus ta’lim, oliy ta’lim bilan integratsiyalash
Mavzu rejasi:

1. 
   Texnologiya fani mazmunining rivojlanish tarixi va bosqichlari.
   
2. 
   Ta’lim bosqichlari bo’yicha ta’lim mazmuni, O’quv dasturi (sinflar bo’yicha o’quv soatlari, mavzular taqsimoti), mazmuni bilan tanishish.
   
3. 
   Umumiy o’rta ta’lim maktablarining o’rta maxsus kasb-hunar ta’limi bilan integratsiyalash. O’rta maxsus, kasb-hunar ta’limini oliy ta’lim bilan integratsiyalash.
   

Tayanch so‘zlar: texnologiya fani maqsadi, vazifalari, rivojlanish tarixi, istiqbollari, o‘quv dastur, integratsiya.


3.1. Umumiy o‘rta ta’lim muassasalarida texnologiya o‘quv fanini o‘qitishning maqsad va vazifalari
Maqsadi: o‘quvchilarda texnik-texnologik jarayon davomida bajariladigan operatsiyalar yuzasidan olgan bilim, ko‘nikma va malakalarini mustaqil amaliy faoliyatida qo‘llash, kasb-hunar tanlash, milliy va umuminsoniy qadriyatlar asosida ijtimoiy munosabatlarga kirisha olish kompetensiyalarini shakllantirishdan iborat.
Vazifalari:
- materiallar va ularning xossalari, xususiyatlari hamda texnik ob’yekt va texnologik jarayonlarga oid ma’lumotlarni o‘rganish;
- texnik ob’yekt hamda texnologik jarayonlarda maxsus va umummehnat operatsiyalarini bilish;
- texnologik jarayonlarni boshqara olish hamda maxsus va umummehnat operatsiyalarini amaliyotda qo‘llay olish;
- texnik va kreaktiv fikrlashni, intellektual qobiliyatlarini shakllantirish;
- texnologik jarayon va tayyorlangan mahsulotlarni bajarish ketma-ketligi hamda mahsulot sifatini tahlil qilish;
- buyum va jarayonlarni bajarishga oid xulosalar chiqarish hamda mehnat operatsiyalarini, mahsulot sifatini baholash;
- ongli ravishda kasb tanlashga tayyorlash ishlarini amalga oshirishda tayanch va texnologiya faniga oid kompetensiyalarni shakllantirish hamda rivojlantirishdan iborat.