3-Tema. Kitapxanalarda innovaciyalıq iskerliktiń formaları Reje

Statıstikalıq kesteler. Kitapxanatanıwshılıqda statıstikalıq kestelerdi qóllaw dástúrge aynalǵan. Kestelerdegi statıstikalıq maǵlıwmatlar birlemshi izertlewler nátiyjelerin anıq hám ayqın kóriw imkaniyatın beredi.
Indeklew usılları. Kitapxanatanıwshılıq izertlewlerinde indeklew metodları (kórsetkishler, dizimler) de qollanılıp atır. Olar járdeminde dinamikalıq qatarlar absolyut nomerlerde, salıstırmalı hám ortasha muǵdarlar formasında berilip, hár qıylı hádiyselar hám obektlerdi (kitap oqılıw, fondtıń aylanıwı, ósiw dárejesi hám t.b.) salıstırıladı.
Korrelyatsiyalıq analiz usılı. Kitapxanatanıwshılar tez-tez korrelyatsiyalıq analiz metodına múrájat etpekte. Eger kesteler, grafikler járdeminde úyrenilip atırǵan faktorlar ortasındaǵı baylanıslar bar ekenligi yamasa joq ekenligi anıqlansa, korrelyatsiyalıq analizde korrelyatsiyalıq baylanıs, yaǵnıy baylanıslardı (xalıqtıń bos waqıtı muǵdarı hám olardıń kitapxana kitaplarınan paydalıwǵa sarıplaytuǵın waqıt muǵdarı) formaları hám puqtalıǵı (tıǵızlıǵı) uyreniledi.
Muǵdarlıq (matematıkalıq) usıllar. Kitapxanatanıwılıq predmetleri hám hádiyselerdi biliwdiń qúdiretli quralı bolıp esaplanadi. Lekin onı absolyutlestiriw hám máqsetke aylandırıw kerek emes.
Ilimiy izleniw- bul áwelem bar bolǵan qatań belgileńen shegaralanıwlar yamasa adminstraciyanıń qadaǵalawınan erkin bolǵan erkin pikrlew bolıp tabıladı. Ilimiy -izertlew jumısların shólkemlestiriw degende izertlewshi názerde tutqan nátiyjelerge erisiw ushın ilimiy-izertlew jumısların ótkeriwdiń tiykarǵı basqıshlardı izbe-izligine ámel etken túrde ámelge asırıwı názerde tutıladı.
Ilimiy jumısların shólkemlestiriw basqıshları ápiwayı: “mashqala jáne onı sheshiw”, sonıń menen birge úsh basqıshlı: “izertlew etiw-islep shıǵıw-eńiziw” bolıwı múmkin.
Kóbinese uzaqlastırılǵan jantasıwlar da ushırasıp turadı: “mashqala-anıqlaw-dálillew-teoriyanı jaratıw-juwmaqlar hám ámeliy usınıslar”.
Ámeliyatta kitapxana-málimleme tarawındaǵı izertlewler ushın tómendegi shólkemlestirilgen struktura eń qolaylı bolıp esaplanadi.
1. Ilimiy mashqalanı anıqlaw jáne onı qáliplestiriw.
2. Texnikalıq wazıypanı islep shıǵıw hám tastıyıqlaw.
3. Ilimiy izertlew programmasın islep shıǵıw.
4. Ilimiy izertlew nátiyjelerin rásmiylestiriw .
5. Ilimiy- izertlew jumısları nátiyjelerin óndiris ámeliyatında qollanıw.

Tákrarlaw ushın sorawlar:
1.Kitapxana-málimleme mákemelerindegi innovaciyalardıń túrleri qanday?
2. Innovaciyalıq processler qalay shólkemlestiriw kerek?
3. Innovaciyalıq iskerlik basqıshları hám formaları haqqında aytıp beriń?
4. Ilimiy -izertlew jumısların shólkemlestiriwge qanday alıp barıladı?
5. Sociologiyalıq izertlew usıllarına neler kiredi?