3-Tema. Kitapxanalarda innovaciyalıq iskerliktiń formaları Reje

Baqlaw — waqıylıqtaǵı zat hám hádiyselerdi arnawlı bir máqsetke muwapıq qaratılǵan seze biliw usılı bolıp tabıladı.
Ólshew — biliw processinde zattıń muǵdar xarakteristikasın anıqlaw usılı bolıp tabıladı.
Salıstırıwlaw — bir zat yamasa hádiyseniń ekinshi bir zat yamasa hádiyseden ayrıqsha hám uqsas táreplerin hám de olardıń munasábetlerin úyreniw usılı bolıp esaplanadı.
Eksperiment — tájiriybede sınap kóriw arqalı pánde hádiyselerdi biliw iskerliginde izertlew, úyreniw usılı bolıp esaplanadı.
Biz kórip shıqqan biliw usılları derlik bilimniń empirik dálillerine tán bolǵan usıllar bolıp tabıladı. Obyektti tek tájiriybede emes, bálkim tikkeley abstrakt oylaw jolı menen da payda etiw múmkin:
Abstraksiya (abstrakt oyda sawlelendiriw) — hádiyse, zattıń ózgesheliklerin, munasábetlerin rawajlanıw basqıshların pikrley biliw usılı bolıp tabıladı.
Analizde - úyrenilip atırǵan zat hám hádiyse, pikir - mayda bóleklerge, yaǵnıy elementlerge bólinedi hám olar ortasındaǵı baylanısıwlar, óz-ara munasábet hám tásir uyreniledi.
Sintez - analiznıń nátiyjelerine súyenip, zat hám hádiyselerdiń bir pútin sapasın úyrenedi. Sintez analiz nátiyjesinde pikiriy bólınǵan elementlerdi qaytadan tiklew, olardı birlestiriw, ilgeridegi pútinlikti pikiriy payda etiw usılı bolıp tabıladı.(mısalı málimleme-kitapxana iskerligi).
Indukciya hám dedukciya intellektual juwmaqtıń tiykarǵı forması bolıp, biliw processinde belgiliden belgisiz tárepke bolǵan pikir háreketin ańlatadı.
Indukciya- ayırım pikiriy biliwden ulıwma, juwmaqlar shıǵarıwda qollanılatuǵın talqılaw usılı.
Deduksiya- ulıwmalıqtan jekelikke alıp baratuǵın logikalıq usıl. Modellestiriw – barlıqtı tikkeley úyreniwge tiykarlanǵan ilimiy usıl bolıp tabıladı. Modellestiriw tiykarında izertlenip atırǵan obekt penen onıń modeli ortasındaǵı uqsaslıq, muwapıqlıq turadı.
Sistemalastırıw usılı -óz ishine arnawlı bir tárzde óz-ara baylanısqan hám bir pútinlikti dúzetuǵın elementler kompleksin úyreniwdi aladı. Házirgi ilimiy biliw processinde, quramalı obektlerdi ilimiy biliwde bul usıl keń qollanılıp atır. Bul usıl tiykarında úyrenilip atırǵan yamasa ızlenip atırǵan obekttiń basqa obyekt menen ulıwma baylanısıwları, munasábetleri ashıladı.
Anıqlıq usılı - izertlew obyektınıń ózgeshelikleri, baylanısları, munasábetlarinıń kóp tárepli birligi sıpatında teoriyalıq ulıwmalastırıw quralı bolıp esaplanadı. Bul usıl anıq hádiyseler haqqındaǵı barlıq baylanıs hám múnásibetlerdi óz ishine alǵan waqıyalıq haqqındaǵı bilimdi júzege shıǵaradı.