3000 ta buxgalteriya O‘tkazmasi hisobvaraqlar rejasi bo‘yicha bog‘lanishlar* Muqaddima I bob. Buxgalteriya hisobi hisobvaraqlar rejasining umumiy tavsifi

Hisob-kitob schotidagi pul mablag‘larini
hisobga oluvchi schotlarning (5100) bog‘lanishi

5110 "Hisob-kitob schoti" korxonaning bankdagi hisob-kitob schotidagi milliy valyutadagi pul mablag‘larining mavjudligi va harakati to‘g‘risidagi axborotni umumlashtirish uchun mo‘ljallangan.

5110 "Hisob-kitob schoti"ning debetida korxonaning hisob-kitob schotiga pul mablag‘larining kelib tushishi aks ettiriladi. 5110 "Hisob-kitob schoti"ning kreditida korxonaning hisob-kitob schotidan pul mablag‘larining hisobdan chiqarilishi aks ettiriladi. Korxona hisob-kitob schotining kreditiga yoki debetiga yanglish olib borilgan va bank ko‘chirmalarini tekshirishda aniqlangan summalar 4860 "Da’volar bo‘yicha olinadigan schotlar" yoki 6960 "Da’volar bo‘yicha to‘lanadigan schotlar" schotlari bilan bog‘langan holda aks ettiriladi.
Hisob-kitob schoti bo‘yicha operatsiyalar buxgalteriya hisobida bank ko‘chirmalari hamda unga ilova qilingan pul va hisob-kitob hujjatlari asosida aks ettiriladi.

T/r	Xo‘jalik operatsiyasining mazmuni	Bog‘lanuvchi schotlar			Yozuvlarni tasdiqlovchi hujjatlar
		debet	kredit
1	Uzoq muddatli qimmatli qog‘ozlar sotilishidan pul mablag‘lari kelib tushgan	5110	0610	Hisob-kitob schotidan bank ko‘chirmasi
2	Tayyor mahsulot, tovarlar, xizmatlar va ishlar sotilganligidan hisob-kitob schotiga tushum kelib tushgan	5110	4010	Hisob-kitob schotidan bank ko‘chirmasi
3	Asosiy vositalar va boshqa aktivlar sotilganligidan hisob-kitob schotiga tushum kelib tushgan	5110	4010, 4890	Hisob-kitob schotidan bank ko‘chirmasi
4	Ajratilgan bo‘linmalar, shu’ba va qaram xo‘jalik jamiyatlaridan debitorlik qarzini to‘lash hisobiga hisob-kitob schotiga pul mablag‘lari kelib tushgan	5110	4110, 4120	Hisob-kitob schotidan bank ko‘chirmasi
5	Boshqa tashkilotlarda ulushli ishtirok etganligidan daromadlar summasi kelib tushgan	5110	4840	Hisob-kitob schotidan bank ko‘chirmasi
6	Ajratilgan bo‘linmalar, shu’ba va qaram xo‘jalik jamiyatlaridan hisob-kitob schotiga sotishdan tushum kelib tushgan	5110	4110, 4120	Hisob-kitob schotidan bank ko‘chirmasi
7	Mehnat haqi bo‘yicha yanglish hisoblangan summalar xodimlar tomonidan qaytarilgan	5110	4210	Hisob-kitob schotidan bank ko‘chirmasi
8	Bo‘naklarning ishlatilmagan summalari hisobdor shaxslar tomonidan qaytarilgan	5110	4220, 4230	Hisob-kitob schotidan bank ko‘chirmasi
9	Mol yetkazib beruvchilarga ilgari berilgan bo‘nak qaytarilgan	5110	4310	Hisob-kitob schotidan bank ko‘chirmasi
10	Yanglish hisoblangan soliqlar budjetdan qaytarilgan	5110	4410	Hisob-kitob schotidan bank ko‘chirmasi, to‘lov topshiriqnomasi
11	Yanglish hisoblangan summalar sug‘urta idoralari tomonidan qaytarilgan	5110	4510, 4520	Hisob-kitob schotidan bank ko‘chirmasi, to‘lov topshiriqnomasi
12	Pensiya, nafaqalarni to‘lash uchun summalar Pensiya jamg‘armasidan hisob-kitob schotiga kelib tushgan	5110	4520	Hisob-kitob schotidan bank ko‘chirmasi, hisob-kitob ma’lumotnomasi
13	Ta’sischilardan ustav kapitaliga ulushlar summasi olingan	5110	4610	Ta’sischilar majlisining bayonnomasi, hisob-kitob schotidan bank ko‘chirmasi
14	Tovarlar kreditga sotilganligidan pul mablag‘lari kelib tushgan	5110	4710	Hisob-kitob schotidan bank ko‘chirmasi
15	Xodimlarga berilgan ssuda qaytarilgan	5110	4720	Hisob-kitob schotidan bank ko‘chirmasi
16	Xodimlarning moddiy zarar yetkazganligini qoplash bo‘yicha qarzi hisob-kitob schotiga kelib tushgan	5110	4730	Hisob-kitob schotidan bank ko‘chirmasi
17	Moliyaviy ijara (lizing) sharti bilan berilgan asosiy vositalar bo‘yicha ijara to‘lovi ijaraga oluvchidan kelib tushgan	5110	4810	Hisob-kitob schotidan bank ko‘chirmasi, moliyaviy ijara shartnomasi
18	Operativ ijara bo‘yicha qarz qoplangan	5110	4820	Hisob-kitob schotidan bank ko‘chirmasi
19	Berilgan kreditlar va qarzlar bilan bog‘liq foizlar bo‘yicha qarz qoplangan	5110	4830	Hisob-kitob schotidan bank ko‘chirmasi
20	Olinadigan dividendlar bo‘yicha qarz qoplangan	5110	4840	Hisob-kitob schotidan bank ko‘chirmasi
21	Royalti bo‘yicha qarz qoplangan	5110	4850	Hisob-kitob schotidan bank ko‘chirmasi
22	Mol yetkazib beruvchilar va pudratchilarga taqdim etilgan da’volar bo‘yicha qarz qoplangan	5110	4860	Hisob-kitob schotidan bank ko‘chirmasi
23	Yanglish olingan summa hisob-kitob schotiga qaytarilgan	5110	4860	Hisob-kitob schotidan bank ko‘chirmasi
24	Qarzni qoplash uchun boshqa debitorlardan pul mablag‘lari kelib tushgan	5110	4890	Hisob-kitob schotidan bank ko‘chirmasi
25	Pul mablag‘lari kassadan hisob-kitob schotiga topshirilgan (jumladan, deponent summalari, sotishdan tushum va b.)	5110	5010	Chiqim kassa orderi, kassir hisoboti, hisob-kitob schotidan bank ko‘chirmasi
26	Ishlatilmagan akkreditiv qoldig‘i qaytarilgan	5110	5510	Hisob-kitob schotidan bank ko‘chirmasi
27	Ishlatilmagan chek daftarchalari qoldig‘i qaytarilgan	5110	5520	Hisob-kitob schotidan bank ko‘chirmasi
28	Sotilgan chet el valyutasining so‘mdagi ekvivalenti hisob-kitob schotiga kiritilgan:			Hisob-kitob schotidan bank ko‘chirmasi, kurs farqining hisob-kitobi
	- sotish kuni valyuta bozorida bitim kursi bo‘yicha sotilgan valyutaning qiymatiga	5110	5530
	- sotish kuni valyuta bozorida bitim kursi bo‘yicha sotilgan chet el valyutasining so‘mdagi ekvivalenti bilan Markaziy bank kursi bo‘yicha sotilgan chet el valyutasining so‘mdagi ekvivalenti o‘rtasidagi musbat farq summasiga	5110	9540
	- sotish kuni valyuta bozorida bitim kursi bo‘yicha sotilgan chet el valyutasining so‘mdagi ekvivalenti bilan Markaziy bank kursi bo‘yicha sotilgan chet el valyutasining so‘mdagi ekvivalenti o‘rtasidagi manfiy farq summasiga	9620	5530
29	Bankdagi maxsus schot yopilganda pul mablag‘i hisob-kitob schotiga kelib tushgan	5110	5530	Hisob-kitob schotidan bank ko‘chirmasi
30	Yo‘ldagi pul mablag‘lari kelib tushgan	5110	5710	Hisob-kitob schotidan bank ko‘chirmasi
31	Qisqa muddatli qimmatli qog‘ozlar sotilgan	5110	5810	Hisob-kitob schotidan bank ko‘chirmasi
32	Ilgari qisqa muddatli investitsiyalar tartibida taqdim etilgan qarz qaytarilgan	5110	5830	Hisob-kitob schotidan bank ko‘chirmasi
33	Ajratilgan bo‘linmalar, shu’ba va qaram xo‘jalik jamiyatlaridan hisob-kitob schotiga pul mablag‘lari kelib tushgan	5110	6110, 6120	Hisob-kitob schotidan bank ko‘chirmasi, to‘lov topshiriqnomasi
34	Muddati kechiktirilgan daromadlar (kelgusi davr daromadlari) tarkibidagi summalar hisob-kitob schotiga kelib tushgan	5110	6230	Hisob-kitob schotidan bank ko‘chirmasi, to‘lov topshiriqnomasi
35	Olingan bo‘naklar summasi, shuningdek mahsulot qisman tayyor bo‘lganda olingan to‘lov summasi aks ettirilgan	5110	6310	Hisob-kitob schotidan bank ko‘chirmasi
36	Bankning qisqa muddatli ssudasi olingan	5110	6810	Kredit shartnomasi, hisob-kitob schotidan bank ko‘chirmasi
37	Boshqa korxonadan qisqa muddatli ssuda olingan	5110	6820	Kredit shartnomasi, hisob-kitob schotidan bank ko‘chirmasi
38	Qisqa muddatli obligatsiyalar sotilishidan summalar olingan	5110	6830	Obligatsiya kelishuvi, hisob-kitob schotidan bank ko‘chirmasi
39	Qisqa muddatli veksellar bo‘yicha pul mablag‘lari olingan	5110	6840	Kredit shartnomasi, hisob-kitob schotidan bank ko‘chirmasi
40	Hisob-kitob schotiga mablag‘lar yanglish kelib tushgan	5110	6960	Hisob-kitob schotidan bank ko‘chirmasi
41	Bankning uzoq muddatli ssudasi olingan	5110	7810	Kredit shartnomasi, hisob-kitob schotidan bank ko‘chirmasi
42	Boshqa korxonadan uzoq muddatli ssuda olingan	5110	7820	Kredit shartnomasi, hisob-kitob schotidan bank ko‘chirmasi
43	Uzoq muddatli obligatsiyalar sotilishidan summalar olingan	5110	7830	Obligatsiya kelishuvi, hisob-kitob schotidan bank ko‘chirmasi
44	Uzoq muddatli veksel hisobiga pul mablag‘lari olingan	5110	7840	Uzoq muddatli veksel, hisob-kitob schotidan bank ko‘chirmasi
45	Ustav kapitaliga ulushi hisobiga ta’sischilardan hisob-kitob schotiga pul mablag‘lari olingan	5110	8310-8330	Aksiyalarga obuna daftari, hisob-kitob schotidan bank ko‘chirmasi
46	Aksiyalar nominal qiymatidan yuqori bahoda sotilganligi uchun emission daromad kelib tushgan	5110	8410	Hisob-kitob schotidan bank ko‘chirmasi
47	Xususiy sotib olingan aksiyalarning sotilishida pul mablag‘lari kelib tushgan	5110	8610	Hisob-kitob schotidan bank ko‘chirmasi
48	Maqsadli moliyalashtirish bo‘yicha mablag‘lar kelib tushgan	5110	8810-8890	Hisob-kitob schotidan bank ko‘chirmasi
49	Tekin moliyaviy yordam kelib tushgan	5110	9390	Hisob-kitob schotidan bank ko‘chirmasi
50	Uzoq muddatli qimmatli qog‘ozlar xarid qilingan	0610	5110	Hisob-kitob schotidan bank ko‘chirmasi
51	Shu’ba xo‘jalik jamiyatlariga investitsiyalar aks ettirilgan	0620	5110	Hisob-kitob schotidan bank ko‘chirmasi
52	Qaram xo‘jalik jamiyatlariga investitsiyalar aks ettirilgan	0630	5110	Hisob-kitob schotidan bank ko‘chirmasi
53	Chet el kapitaliga ega korxonalarga investitsiyalar aks ettirilgan	0640	5110	Hisob-kitob schotidan bank ko‘chirmasi
54	Kapital qo‘yilmalar bo‘yicha turli xarajatlar naqd pulsiz yo‘l bilan to‘langan	0810-0890	5110	Bildirgi, hisob-kitob schotidan bank ko‘chirmasi, to‘lov topshiriqnomasi
55	Xodimlarga va boshqa korxonalarga uzoq muddatli kreditlar berilgan	0930, 0940	5110	Kredit shartnomasi, hisob-kitob schotidan bank ko‘chirmasi
56	Operativ ijara bo‘yicha oldindan to‘lov o‘tkazilgan	3110	5110	Ijara shartnomasi, hisob-kitob schotidan bank ko‘chirmasi
57	Xizmatlar uchun oldindan to‘lov o‘tkazilgan	3120	5110	Shartnoma, hisob-kitob schotidan bank ko‘chirmasi
58	Boshqa xizmatlar uchun oldindan to‘lov o‘tkazilgan	3190	5110	Ijara shartnomasi, hisob-kitob schotidan bank ko‘chirmasi
59	Ajratilgan bo‘linmalar, shu’ba va qaram xo‘jalik jamiyatlariga pul mablag‘lari o‘tkazilgan	4110-4120	5110	Hisob-kitob schotidan bank ko‘chirmasi
60	Mehnat haqi bo‘yicha bo‘nak plastik kartochkaga o‘tkazilgan	4210	5110	Hisob-kitob schotidan bank ko‘chirmasi
61	Hisobdor shaxslarga bo‘naklar o‘tkazilgan	4220, 4230	5110	Hisob-kitob schotidan bank ko‘chirmasi
62	Moddiy qiymatliklarni yetkazib berish, qisman tayyor bo‘lgan mahsulot uchun to‘lov va hokazolar uchun berilgan bo‘naklar aks ettirilgan	4310	5110	To‘lov topshiriqnomasi, hisob-kitob schotidan bank ko‘chirmasi
63	Soliqlar bo‘yicha bo‘nak to‘lovlari o‘tkazilgan	4410	5110	Hisob-kitob schotidan bank ko‘chirmasi
64	Sug‘urta firmasiga sug‘urta bo‘yicha bo‘nak to‘lovlari o‘tkazilgan	4510	5110	Hisob-kitob schotidan bank ko‘chirmasi
65	Maqsadli davlat jamg‘armalariga bo‘nak to‘lovlari o‘tkazilgan	4520	5110	Hisob-kitob schotidan bank ko‘chirmasi
66	Xodimlar kreditga xarid qilgan tovarlar uchun hisob-kitob schotidan pul mablag‘lari o‘tkazilgan	4710	5110	Hisob-kitob schotidan bank ko‘chirmasi
67	Xodimlarga berilgan qisqa muddatli qarzlar hisob-kitob schotidan o‘tkazilgan	4720	5110	Hisob-kitob schotidan bank ko‘chirmasi
68	Bank tomonidan hisob-kitob schotidan summalar yanglish olingan	4860	5110	Hisob-kitob schotidan bank ko‘chirmasi
69	Pul mablag‘lari bankdan kassaga kelib tushgan (mehnat haqi, pensiyalar, nafaqalar, mukofotlar va hokazolarni to‘lash uchun)	5010	5110	Bildirgi, hisob-kitob schotidan bank ko‘chirmasi, pul cheklari
70	Akkreditiv ochish uchun hisob-kitob schotidan pul mablag‘i o‘tkazilgan	5510	5110	To‘lov topshiriqnomasi, hisob-kitob schotidan bank ko‘chirmasi
71	Chek daftarchasini ochish uchun hisob-kitob schotidan pul mablag‘i o‘tkazilgan	5520	5110	To‘lov topshiriqnomasi, hisob-kitob schotidan bank ko‘chirmasi
72	Maxsus schot yoki korporativ kartochka ochish uchun hisob-kitob schotidan pul mablag‘i o‘tkazilgan	5530	5110	To‘lov topshiriqnomasi, hisob-kitob schotidan bank ko‘chirmasi
73	Chet el valyutasini xarid qilish uchun pul mablag‘lari o‘tkazilgan	5530	5110	To‘lov topshiriqnomasi, hisob-kitob schotidan bank ko‘chirmasi
74	Bajarilgan ishlar uchun mol yetkazib beruvchilar va pudratchilar oldidagi qarz qoplangan	6010	5110	To‘lov topshiriqnomasi, hisob-kitob schotidan bank ko‘chirmasi
75	Bajarilgan ishlar uchun mol yetkazib beruvchilar va pudratchilarga berilgan veksellar bo‘yicha qarz qoplangan	6020	5110	To‘lov topshiriqnomasi, hisob-kitob schotidan bank ko‘chirmasi
76	Ajratilgan bo‘linmalar, shu’ba va qaram xo‘jalik jamiyatlari oldidagi qarz qoplangan	6110, 6120	5110	To‘lov topshiriqnomasi, hisob-kitob schotidan bank ko‘chirmasi
77	Ilgari xaridorlardan olingan bo‘naklar ularga qaytarilgan	6310	5110	To‘lov topshiriqnomasi, hisob-kitob schotidan bank ko‘chirmasi
78	Budjetga ajratmalar va to‘lovlar bo‘yicha qarz summalari o‘tkazilgan (yil davomida va qo‘shimcha)	6410	5110	To‘lov topshiriqnomasi, inkasso, hisob-kitob schotidan bank ko‘chirmasi
79	Mol-mulk sug‘urtasi bo‘yicha sug‘urta kompaniyasi oldidagi qarz qoplangan	6510	5110	To‘lov topshiriqnomasi, hisob-kitob schotidan bank ko‘chirmasi
80	Maqsadli davlat jamg‘armalariga ajratmalar bo‘yicha qarz qoplangan	6520	5110	To‘lov topshiriqnomasi, hisob-kitob schotidan bank ko‘chirmasi
81	Korxonada ishtirok etganligi uchun hisoblangan daromadlar summasining (dividendlar) ta’sischilarga to‘lanishi aks ettirilgan	6610	5110	To‘lov topshiriqnomasi, hisob-kitob schotidan bank ko‘chirmasi, ta’sischilar majlisining bayonnomasi
82	Ta’sischining badali pul mablag‘lari bilan qaytarilgan	6620	5110	Ta’sischilar majlisining bayonnomasi, hisob-kitob schotidan bank ko‘chirmasi
83	Mehnat haqi plastik kartochkaga o‘tkazilgan	6710	5110	To‘lov topshiriqnomasi, hisob-kitob schotidan bank ko‘chirmasi
84	Banklarning qisqa muddatli kreditlari qoplangan	6810	5110	Kredit shartnomasi, hisob-kitob schotidan bank ko‘chirmasi
85	Boshqa korxonalarning qisqa muddatli kreditlari qoplangan	6820	5110	Kredit shartnomasi, hisob-kitob schotidan bank ko‘chirmasi
86	Qisqa muddatli obligatsiyalar qoplangan	6830	5110	Obligatsiya kelishuvi, hisob-kitob schotidan bank ko‘chirmasi
87	To‘lanadigan veksellar bo‘yicha qarz qoplangan	6840	5110	To‘lanadigan veksel, hisob-kitob schotidan bank ko‘chirmasi
88	To‘lanadigan operativ ijara bo‘yicha qarz qoplangan	6910	5110	To‘lanadigan veksel, hisob-kitob schotidan bank ko‘chirmasi
89	Hisoblangan foizlar bo‘yicha qarz qoplangan	6920	5110	Buxgalteriya hisob-kitob ma’lumotnomasi, hisob-kitob schotidan bank ko‘chirmasi
90	Moliyaviy ijara (lizing) shartnomasiga muvofiq ijara to‘lovi bo‘yicha qarz qoplangan	6950	5110	Buxgalteriya hisob-kitob ma’lumotnomasi, hisob-kitob schotidan bank ko‘chirmasi
91	Hisoblangan royalti bo‘yicha qarz qoplangan	6930	5110	Buxgalteriya hisob-kitob ma’lumotnomasi, hisob-kitob schotidan bank ko‘chirmasi
92	Kafolatlar bo‘yicha qarz qoplangan	6940	5110	Buxgalteriya hisob-kitob ma’lumotnomasi, hisob-kitob schotidan bank ko‘chirmasi
93	Bankning uzoq muddatli kreditlari va boshqa korxonalardan olingan kreditlar joriy qismi qoplangan	6950	5110	Hisob-kitob schotidan bank ko‘chirmasi
94	Moliyaviy ijara (lizing) shartnomasi bo‘yicha ijaraga beruvchiga tegishli to‘lovlar ijaraga oluvchi tomonidan to‘langan	6950	5110	To‘lov topshiriqnomasi, hisob-kitob schotidan bank ko‘chirmasi
95	Turli kreditorlarga qarzlarni qoplash uchun hisob-kitob schotidan to‘langan	6990	5110	To‘lov topshiriqnomasi, hisob-kitob schotidan bank ko‘chirmasi
96	Yanglish kirim qilingan summalar hisob-kitob schotidan qaytarilgan	6960	5110	Hisob-kitob schotidan bank ko‘chirmasi
97	Aksiyador (ishtirokchi)dan unga tegishli bo‘lgan aksiyalar (ulush)ning sotib olinishi aks ettirilgan	8610	5110	Bildirgi, hisob-kitob schotidan bank ko‘chirmasi, to‘lov topshiriqnomasi
98	Maqsadli moliyalashtirishdan foydalanilganligi aks ettirilgan	8810-8890	5110	To‘lov topshiriqnomasi, hisob-kitob schotidan bank ko‘chirmasi
99	Tekin moliyaviy yordam hisob-kitob schotidan o‘tkazilgan	9430	5110	To‘lov topshiriqnomasi, hisob-kitob schotidan bank ko‘chirmasi
100	Bank xizmatlari uchun hisob-kitob schotidan pul o‘tkazilgan	9430	5110	To‘lov topshiriqnomasi, hisob-kitob schotidan bank ko‘chirmasi
101	Qimmatli qog‘ozlarni chiqarish va tarqatish bo‘yicha xarajatlarga mablag‘ hisob-kitob schotidan o‘tkazilgan	9630	5110	To‘lov topshiriqnomasi, hisob-kitob schotidan bank ko‘chirmasi