4- mavzu: Huquq o’qitishning tashkiliy shakllari. Dars uning turlari va tuzilishi

Hozirgi darsga qo’yiladigan umumiy talablar to’laligicha huquq darsiga ham tegishlidir. Shu bilan birga huquq darsi ayrim o’ziga xos xususiyatlarga ham ega. Huquqni o’qitish vazifalari, mazmuni va usullari nafaqat yuridik ta`lim berish maqsadini, shu bilan birga Huquqbuzarliklarning oldini olish, intizomni mustahkamlash, o’zlashtirish, Huquqiy ongning yuksalishini ham o’z oldiga maqsad qilib qo’yadi. Huquqiy ta`lim natijalari o’quvchilar ijtimoiy folligini oshishi ularni o’qitish sarqitlariga, loqaydlikka, xudbinlik, milliy ma`naviyat me`yorlarini buzishlarga qarshi kurashga jalb etish bilan bog’liqdir. Boshqa faktlarga doir darslar kabi huquq darsi ham har xil shakllarda dars-suhbat, dars-ma’ruza, dars-seminar, takrorlash - umumlashtirish darslari tarzida o’tkazilishi mumkin.

O’qituvchi ish rejasi.

Yil boshida bir marta tuziladi va direktor tomonidan tasdiqlanadi. Vazirlar Mahkamasining 2005 yil 21 dekabrdagi 275-sonli qaroriga muvofiq, o‘qituvchining yillik ish yuklamasi soatlarining nimalarga, qanday hajmda oyma-oy sarflanishini o‘quv yili boshida vazirlik tomonidan berilgan namuna asosida rejalashtirib olinadi. Rejadagi soatlar asosan darsga tayyorgarlik ko‘rish, daftar tekshirish, sinf jurnalini to‘ldirish, dars kuzatish va o‘quvchilar bilan qo‘shimcha mashg‘ulotlar (haftasiga 2 soatdan yil davomida 68 soat) olib borish ko‘zda tutilgan.