4 Biologiyani oqitiw metodikasinin` rawajlaniw tariyxi. Jobasi

№4 Biologiyani oqitiw metodikasinin` rawajlaniw tariyxi.
Jobasi
1. Ta`biyattaniw oqitiw metodikasinin` rawajlaniw da`wiri. Ta`biyattaniwdin` mekteplerde oqitiw ha`m onin` metodikasi.
2. XX-a`sirde biologiya oqitiw metoikasinin` jag`dayi. O`zbekstanda biologiya oqitiw metodikasi.
Tayanish tu`sinikleri O`zbekistan Respublikasi g`a`rezsizlikke erisiwi ja`ha`n ha`m ja`miyette orin tutiwi rawajlang`an ma`mleketler menen ekonomikaliq ma`deniy ruwxiy diplomatik baylanislar
Ta`biyattaniw ha`m biologiya oqitiw metodikasinin` da`slepki da`wiri.
Ta`biyattaniw mekteplerde oqiw pa`ni retinde XVIII-a`sir aqirinda kiritildi. Bul qa`niygelikte da`slepki sabaqlardi V.F.Zuev jazg`an. Onin` sabaqlig`i «Anorganik ta`biyat», «O`simlikler du`n`yasi», «Haywanlar du`n`yasi»` ka`bi bo`limlerden payda bolg`an. Birinshi bo`lim topiraq, taslar duzlar, may zatlar tasqa aylang`an organizmler haqqinda.
O`simlikler du`n`yasi bo`liminde de o`simliklerdin` kletkaliq du`ziliwi, ha`r qiyli o`simliklerdin` tu`sinigine tiyisli bilimler berilgen. Zoologiya bo`liminde ayirim haywanlardin` sirtqi ko`rinisi, o`mir su`riwi gu`rrin` etiledi.
V.F.Zuev sabaqliqlarinda o`simlikler, haywanlar morfologiyasi, sistemadan sirtqi ekologiyag`a tiyisli mag`liwmatlar bar. Sabaqliqta ta`biyg`iy, su`wretli ko`rgizbeeli qurallardan paydalaniw haqqinda ha`m pikir bildirgen.
XIX-a`sirde shig`arilg`an A.Sh.Teryaev botanika sabaqlig`i sistematika pa`ninin` tiykarshisi Karl Lineydin` «Botanika falsafasi» shig`armasinan toliq ko`shirilgenligi sebepli oqiwshilar ushin tu`sinikli bolmadi.
Rossiyada 1828-1852 jillar dawaminda xaliq ta`lim tarawinda jiylanis o`tkizip, ta`biyattaniw oqiw pa`ni mektep rejesinen alip taslandi.
Oni keyinshelik 1853-jldan baslap mekteplerde qayta «Botanika», «Mineralogiya», «Adam anatomiyasi ha`m fiziologiyasi» ka`bi pa`nler oqitila basladi. Uliwma oqiw pa`nler boyinsha jazilg`an sabaqliqlar ko`lemi ju`da` u`lken bolip, ondag`i oqiw materiallar ju`da` quramali bolg`ani sebepli oqiwshilarda hesh qanday qizig`iwshiliq oyatpadi. Tek V.I.Dal` ta`repinen jazilg`an botanika sabqlig`i ekologiya ha`m ta`biyatti tu`sinikli bolip, oqiwshilarda usi pa`nge qizig`iwshiliq oyata aldi.