4-класс сабаклык new

№
9 
 
 
 
QARAQALPAQ DUWTAR SAZLARI’NI’N’ I’RG’AQLARI’ 
I’rg’aqlar tiykari’nan namani’n’ jag’i’mli’li’g’i’n, suli’wli’g’i’n, ma’nisin, jarasi’qli’g’i’n 
toli’qti’ri’p baradi’ ha’m soni’n’ menen birge wol milliy koloritti de keltirip turatug’i’n 
qasiyetke iye muzi’kali’q element boli’p yesaplanadi’.
Shi’ni’nda da yegerde basqa xali’qlardi’n’ muzi’kasi’n ti’n’lap itibar bersek, wolardi’n’ 
ha’r qaysi’si’ni’n’ i’rg’aqlari’ ha’m namag’a nag’i’s beriw usi’llari’ni’n’ ayi’ri’qsha
yekenligin bayqaymi’z. Sebebi i’rg’aqlar a’sirler dawami’nda xali’q muzi’kasi’ menen birge 
rawajlani’p, birge qaliplesip ha’r bir xali’qti’n’ milliy muzi’kasi’ni’n’ aji’ralmas bo’legi 
boli’p kiyati’r. Wolar xali’qti’n’ kewline unag’anli’g’i’ ha’m wo’zinin’ ta’sirliligi ushi’n, 
a’sirden-a’sirge, namadan-namag’a wo’tken sayi’n, qa’lbine shi’ray qosi’p, milliy 
muzi’kami’zdi’n’ jarasi’g’i’ boli’p kelmekte.
Du’nya ju’zlik muzi’ka tilinde i’rg’aqlardi’ melizmalar dep aytadi’. 

---

15 
Alamoynaq duwtar sazlari’ndag’i’ i’rg’aqlardi’ (melizmalardi’) uli’wmalasti’ri’p u’sh 
tu’rge ayi’rsaq boladi’. 
«Melodiyadag’i’ notani’n’ da’si » menen qosi’li’p ali’natug’i’n i’rg’aqlar. 
 
 
 «Wo’z aldi’na da’s» penen ali’natug’i’n i’rg’aqlar. 
 
 
 «Tek sol bir namani’n’ wo’zine beyimlesken» siyrek ushi’rasatug’i’n i’rg’aqlar.  
Melizmalardi’ jazg’anda, ko’binshe sozi’mli’li’g’i’ jag’i’nan ju’da’ qi’sqa bolg’an 
notalardan paydalani’ladi’. Ma’selen woti’z yekilik ha’m alpi’s to’rtlik notalar. Sebebi 
wolar melodiyani’n’ tiykarg’i’ notalari’ arasi’nda atqari’li’p, namag’a qosi’msha shi’ray 
keltiretug’i’n i’rg’aqlar. Sol woti’z yekilik ha’m alpi’s to’rtlik notalardi’n’ jazi’li’wi’ ha’m 
sanap shertiw ta’rtibi to’mendegishe boladi’.