4-Laboratoriya jumisi : jaraqatdan alingan ulgilerdi hám ekswdatlardi tekseriw. Sabaqtıń maqseti

Jaralanǵan haywandı tekseriw jobası. Aldın anamnez m'lumotlariga tyangan halda, jara payda bolǵan waqıt, jaralantirilgan dene túri, qashan hám kim tárepinen birinshi járdem kórsisletilgenligi anıqlanadı. Keyininen studentler klinikalıq tekseriw hám sorawlar arqalı jaranıń pıtıw dáwirin hám jaralanǵan organizmge mikroblardıń tásir dárejesin anıqlaydilar.
Ulıwma tekseriw processinde kesel haywanniń ulıwma jaǵdayına (tınıshsızlanıwına, qozǵalıwına hám basqalarǵa ) usınıń menen birge silekey qabatlarınıń xarakterine de itibar beriledi. Ulıwma temperatura, dem alıw hám puls uyreniledi. Jaralanǵan organlardıń funksional buzılıw dárejesi anıqlanadı. Eger jara baylanısqan bolsa, onıń tuwrı baylanısqanlıǵı, baylamnıń jara suyıqlıǵı yamasa qan menen pataslanıw dárejesi jáne onıń isine itibar beriledi.
Jaranı názerden keshiriw. Jaylasıwı, forması, úlken kishiligi, jaralanǵan orındaǵı toqımalardıń jaǵdayı, jara erinleriniń shaǵılısıw dárejesi, qan aǵıwı, jat elementler hám qan qan uyısqanı menen pataslanganligi, isiklıgi, jara erinleriniń jaǵdayı anıqlanadı, zárúr bolǵanda jara ústine celofan qoyıp shegarası sıya menen sızıp tekseriledi.
Palpasiya (sıypalap kóriw) jolı menen jara jáne onıń átirapındaǵı toqımalardıń awrıw dárejesin yamasa to'lig'incha teri seziwsheńliginıń joǵalıwin, infiltrattiń qısıqlıǵın, flyuktuasiyasin, toqımalar konsistensiyasi, kripitasiyasi, teri qalıńlıǵı, teri astı toqımalarına salıstırǵanda háreketi, qan tamırı, limfa tamırları hám túyinleriniń jaǵdayı (tromboflebit, limfangit) tekseriledi.
Zárúriyat bolǵanda jara suyıqlıǵı ortalıǵı da anıqlanadı, sebebi jaranıń pıtıwı hám tásir beriwi dawamında onıń quramı ózgeredi. Jara ortalıǵın lakmus qaǵazın jaradan ajıralıp atırǵan suyıqlıqǵa batırıp tekseriledi yamasa elektrik potenciometrden paydalanıladı. Bul usıl menen jergilikli acidoz yamasa alkaloz jaǵdayı anıqlanıp, kerekli emlew emlewleri tuwrı belgilenedi.
Jara suyıqlıǵınıń reńi, iysi, konsistensiyasi, basqa (silekei, sidik, azıqa) elementler qospası bar joq ekenligi anıqlanadı, bul tuwrı salıstırıwiy diagnoz ótkeriw hám anıq diagnoz qoyıwda úlken áhmiyetke iye.