4-lekciya. Azıq hám azıqlandırıw gigienası Reje

Vitamin K (fillaxinon) : Vitaminnin` bul tu`ri organizmge jeterli mug`darda kelip turmag`an jag`dayda sho`jelerdin` terisi astına, to`s go`shi arasına, ishekler ishine qan quyıladı. Muskulli asqazannın` ishki perde qatlamı-kutikula o`z-o`zinen jarılıp ketedi. Qan tamırı jarılıwı ha`m tawıq o`liwi mu`mkin. Sonday aq kannibalizm keselligi baslanıwına alıp keledi. Bul jag`daydın` aldın alıw ha`m onı saplastırıw ushın sho`jeler ha`mde na`sildar tawıqlardın` ratsionındag`ı ha`r 100 gr qurg`aq azıq esabına 200 mkg, padanı tiklew ushın qaldırılg`an jas tawıq ha`m mayek tuwıp atırg`an tawıqlarg`a 100 mkg esabınan qosıladı. Vitamin K ush tu`rli, K₁, K₂, K₃ bolıp, sho`je, na`sildar tawıq, jas tawıq ha`m mayek tuwıp atırg`an tawıqlarg`a vitamin K<sub>3</sub> (menadion) beriliwi talapqa juwap beredi. Eger sho`jeler ko`ksidioz keselligi menen awırsa olarg`a norma boyınsha ko`rsetigeninen 3 ese artıq vitamin K talap etiledi. Bul vitamin ko`k ot-sho`p unında, ko`k otlarda, iyne japıraqlı ag`ashlardın` japıraqlarında, bawırda,talaqta, kemik mayında, qan plazmasında, mayekte ko`p boladı. Sonın ushın ratsiong`a usınday azıqlardı kirgiziw za`ru`r.